Matiu 10:22 - Edo Bible (E Baibol Ẹdo) Version 1996

²² Emwa hia gha mu ohu uwa rhunmwuda mwẹ. Sokpan ọmwa ne ọ mu uhunmwu kọe ya sẹ ufomwẹ, a gha miẹn rẹn fan.

Matiu 10:22 ပူးပေါင်းရင်းမြစ်များ

Itan 29:27

Ọmwata i ho ẹmwẹ ọmwa dan, ọmwa dan i vbe ho ẹmwẹ ọmwata.

Matiu 10:39

Ọmwaikọmwa ne ọ ho ne irẹn da orhiọn rẹn yi gha mu ẹn fua. Ọmwaikọmwa ne ọ mu orhiọn rẹn fua rhunmwuda mwẹ, ọ gha miẹn ọẹn rhie.

Matiu 24:13

Sokpan ọmwa ne ọ da ẹe yi ya sẹ ufomwẹ, ọre a gha miẹn fan.

Matiu 24:9

“A gha vbe munọ uwa, a ghi vbe viọ uwa gie emwa ni gha rri uwa oya. Emwa hia ghi gha khuiwu uwa ba ẹmwẹ mwẹ.

Matiu 5:11

“Ọ maa ne uwa vbe emwa a gha zan uwa, vbe iran a gha zẹ uwa owẹ, ighe iran vbe ba uwa ẹmwẹ, rhunmwuda ighe wa re emwa ni lele mwẹ.

Iyẹn ne ọ Maan Ọghe Mak 13:13

Emwa hia ghi gha khuiwu uwa ba ẹmwẹ mwẹ. Sokpan ọmwa ne ọ mu uhunmwu ke ọe ya sẹ ufomwẹ, a gha miẹn rẹn fan.

Iyẹn ne ọ Maan Ọghe Luk 21:17

Agbọn hia ghi wa gha khuiwu uwa rhunmwuda mwẹ.

Iyẹn ne ọ Maan Ọghe Luk 21:19

Wa mu uhunmwu kọe, rhunmwuda evba ọre imiẹnfan uwa ye.

Iyẹn ne ọ Maan Ọghe Luk 6:22

“Ọ maa ne uwa vbe emwa a gha khuiwu uwa, vbe iran a vbe kan uwa fua, iran na vbe gha zan uwa kha ighẹ emwa dan wa khin rhunmwuda Ovbi Ọmwa.

Iyẹn ne ọ Maan Ọghe Luk 8:15

Emwiokọ ni dele ye otọ ne ọ maa mudia ye iran ni họn ẹmwẹ ni, iran keghi ye ekhọe esi nọ họn ẹmwẹ dae yi, iran na gha ya ẹe khian rhinrin ọ te do mọ.

Iyẹn ne ọ Maan Ọghe Jọn 17:14

I ta uhunmwu ne u gie mwẹ re ma iran nẹ, agbọn na gha khọ ẹko iran, rhunmwuda iran i re ọghe agbọn na zẹ vbe ne imẹ i vbe re ọghe agbọn na.

Iyẹn ne ọ Maan Ọghe Jọn 7:7

Agbọn i sẹtin gha khuiwu uwa, sokpan mẹ ọre ọ khuiwu ẹre rhunmwuda ne I na tama rẹn wẹ iwinna rẹn ẹ i ma.

Iwinna 9:16

Mẹ gha tobọ mwẹ rhie ma rẹn oya ne ọ gha re rhunmwuda mwẹ.”

Ebe ne Pọl gbẹẹn gie emwa Rom 2:7

Emwa eso rrọọ ni winna iwinna esi khian, iran ghi gha gualọ uyi, kevbe ọghọ, kevbe ẹfe etẹbitẹ, Osanobua gha rhie ẹfe etẹbitẹ ne iran.

II Kọrinti 4:11

Vbe ẹdẹ agbọn mwa hia, ma rhie uhunmwu da uwu, rhunmwuda Jesu, ne arrọọ ọghọe miẹn ehe na rhie egbe maa vbe egbe ne ọ sẹtin wu ọghe ima na.

Galatia 6:9

Rhunmwuda ọnii, wa ghẹ gie egbe emwi esi ne a ru wọ uwa, rhunmwuda, a deghẹ, a ma zobọ vbọ ẹghẹ dee ne ima gha na rri ere ẹre.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

Hibru 6:11

Emwi ne ima mobọ ho ọrọre wẹ, ne dọmwadẹ ọghọe vbe uwu uwa ye obọ da isasegbe ne ọ guẹe yi, ya sẹ ufomwẹ, ne emwi ne uwa rhie aro yi sẹtin gha ye rriọ.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

I Jọn 3:13

Rhunmwuda ọnii, etẹn mwẹ, wa ghẹ giẹe yan uwa unu uan, a deghẹ agbọn na khu iwu uwa.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.

Arhie Maan 2:17

“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.

Arhie Maan 2:26

Iran ni khọnmiotọ nẹ, I gha rhie egbe asẹ ne Erha mwẹ rhie mẹ vbe ne iran. I gha rhie asẹ ne iran yan avbe uhunmwu ẹvbo, ne iran gha ya ukpokpo ematọn khaemwisẹ yan iran, ne iran guọghọ iran rẹnkhẹn rẹnkhẹn zẹ vbe akhe. I gha vbe rhie orhọnmwẹ owiẹ ne iran.

Arhie Maan 2:3

U wa ziengbe emwi, u ye egbe miẹn ọlọghọmwa ni bun rhunmwuda mwẹ, sevba u ma zobọ vbọ.

Arhie Maan 2:7

“Rhunmwuda ọnii, a deghẹ u mwẹ ehọ khekherriọ, u ghi họn ẹmwẹ ne Orhiọn tama avbe esọsi. “Avbe emwa ni khọnmiotọ nẹ, I gha rhie asẹ ne iran ne iran ya re vbe ọmọ erhan ẹfe ni, ne ọ zọ re vbe uwu ogba ọghe Osanobua.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.