Matiu 10:2 - Edo Bible (E Baibol Ẹdo) Version 1996

² Eni iran iweva ni ọre ena khin: Okaro Saimọn (ne a vbe tiẹre Pita) kevbe ọtiọnrẹn ighe Andru Jems kevbe Jọn ne ọtiọnrẹn ivbi e Zẹbede.

Matiu 10:2 ပူးပေါင်းရင်းမြစ်များ

Matiu 17:1

Ikpẹdẹ ehan ghi gberra nẹ, Jesu keghi rhie Pita kevbe etiọnrẹn Jems kevbe Jọn ọkpa ba egbe gha rrie uhunmwu oke.

Matiu 20:20

Iye ivbi e Zẹbede keghi bu Jesu gha dee, ọ vbokho egbe rriotọ nẹẹn, ọ keghi rinmwian ẹre iyobọ.

Matiu 26:37

Ọ keghi rhie Pita kevbe ivbi e Zẹbede eva ba egbe. Ẹko ẹre hia keghi rhie, egbe hia kegha mannọ ẹn.

Matiu 4:18

Ugbẹn vbe Jesu ghi lele ọkpẹn okun Galili khian, ọ miẹn etẹn eva ni re ọgbehẹn, Saimọn (ne a vbe tie ẹre Pita) kevbe Andru ne ọtiọnrẹn, iran gha ya ọga gbe ehẹn vbe uwu odighi.

Matiu 4:21

Ọ ghi vbe khian sikẹ odaro kherhe, ọ miẹn etẹn eva ọvbehe, Jems kevbe Jọn ne ivbi e Zẹbede ke iran kevbe erha iran gha dọlọ ọga yi vbe uwu okọ. Jesu keghi tie iran.

Iyẹn ne ọ Maan Ọghe Mak 1:29

Iran ghi kpa vbe Ọgua ediọn rre, iran kegha rrie owa Saimọn kevbe Andru, Jems kevbe Jọn keghi lele iran gha khian.

Iyẹn ne ọ Maan Ọghe Mak 13:3

Ugbẹn vbe Jesu ghi tota ye uhunmwu oke Ọliv, vbe a gha ke Ọgua Osa fian odẹ rra, Pita, Jems, Jọn, kevbe Andru keghi hẹko bu Jesu gha dee, iran ọkpa.

Iyẹn ne ọ Maan Ọghe Mak 6:30

Avbe erhuanegbe ghi werriegbe rre, iran bu Jesu gha khian. Iran keghi na iyẹn emwi ne iran ru kevbe ne iran ma emwa re ma rẹn.

Iyẹn ne ọ Maan Ọghe Luk 11:49

Ọ na ọre ọ si ẹe ne Ẹwaẹn Osanobua na kha wẹ, ‘I gha gie avbe akhasẹ, kevbe odibo mwẹ bu iran, iran gha gbele eso ua vbọ, iran gha zẹ nekpa kpokpo.’

Iyẹn ne ọ Maan Ọghe Luk 22:14

Ugbẹn vbe ẹghẹ ghi sẹ, Jesu keghi gu avbe erhuanegbe ẹre tota ne iran rri evbare.

Iyẹn ne ọ Maan Ọghe Luk 22:8

Jesu keghi tie Pita vbe Jọn, ọ keghi gie iran uhunmwu wẹẹ, “Wa ya le evbare Alagberra ne ima gha re ye otọ khẹ ima.”

Iyẹn ne ọ Maan Ọghe Luk 5:10

Erriọ gha ye ne avbe ogieva ẹre ighẹ Jems vbe Jọn ne ivbi e Zẹbede. Jesu keghi tama Saimọn wẹẹ, “Ghẹ mu ohan, ke ẹghẹ na kpao emwa ne agbọn u ghi ra gha munọ.”

Iyẹn ne ọ Maan Ọghe Luk 9:10

Avbe ukọ keghi rre, iran keghi do na iyẹn emwi ne iran ru ma Jesu. Rẹn keghi viọ iran, rẹn vbe iran ọkpa, keghi gba gha rrie ẹvbo ne a tie ẹre Bẹtsaida.

Iyẹn ne ọ Maan Ọghe Jọn 12:22

Filip keghi ya tama Andru, iran eva keghi gba ya tama Jesu.

Iyẹn ne ọ Maan Ọghe Jọn 13:23

Ọkpa vbe uwu avbe erhuanegbe, ọmwa ne Jesu ho ẹmwẹ ọnrẹn, keghi tota diake Jesu.

Iyẹn ne ọ Maan Ọghe Jọn 20:2

Rẹn keghi rhulẹ bu Saimọn Pita kevbe ọrhuanegbe nọkpa nii ne Jesu ho ẹmwẹ ọnrẹn, ọ keghi ya tama rẹn wẹẹ, “Iran mu Nọyaẹnmwa hin uwu idin rre, ma ma rẹn ehe ne iran ghi muẹn yi.”

Iyẹn ne ọ Maan Ọghe Jọn 21:2

Saimọn Pita, Tọmọs, (ne Ivin eva), Nataniẹl (ne ovbi e Kana ne Galili), avbe ivbi Zẹbede kevbe eva ọvbehe vbe uwu avbe erhuanegbe Jesu kegha rre ihe ọkpa.

Iyẹn ne ọ Maan Ọghe Jọn 21:20

Pita ghi gbe aro ghe iyeke, ọ bẹghe ọrhuanegbe nọkpa ni ne Jesu ho ẹmwẹ ọnrẹn, ne ọ ye egbe gọ yan Jesu vbe iran rri evbare, ọ na nọ rẹn wẹ, “De ọmwa nọ ra rhie ruẹ ma an yi?”

Iyẹn ne ọ Maan Ọghe Jọn 21:24

Ọrhuanegbe ni ọre ọ ta avbe ẹmwẹ na, rẹn ọre ọ vbe gbẹnnẹ ọẹn ye otọ, ma rẹnrẹn wẹ ẹmwẹ ne ọ tae, ẹmwata nọ.

Iyẹn ne ọ Maan Ọghe Jọn 6:67

Jesu keghi rhunmwuda ọnii tama iran ne erhuanegbe iweva wẹẹ, “Wa vbe vbo, ẹ i re te uwa ra vbe kpao?”

Iyẹn ne ọ Maan Ọghe Jọn 6:70

Jesu wanniẹn tama iran wẹẹ, “Ẹ i re imẹ ọre ọ tobọ mwẹ hannọ uwa iweva zẹ? Sevba esu ọre ọkpa vbe uwu uwa khin!”

Iyẹn ne ọ Maan Ọghe Jọn 6:71

Judas ne ovbi Saimọn Iskariọt ọre ọ gha kha. Rhunmwuda Judas rhe re ọkpa vbe uwu iran ne iweva rẹn ọre ọ ra rhie ẹre ma an.

Iyẹn ne ọ Maan Ọghe Jọn 6:8

Ọkpa Vbe uwu avbe erhuanegbe ẹre, Andru ne ọtẹn Saimọn Pita khama rẹn wẹẹ,

Iwinna 1:13

Iran la Jerusalẹm, iran kegha rrie owa ne iran dia: Pita, Jọn, Jems, kevbe Andru, Filip kevbe Tọmọs kevbe Batolomiu kevbe Matiu, Jems ne ovbi Alfiọs, Saimọn, ne ọya a ya sinmwi ẹvbo ọmwa, kevbe Judas ne ovbi e Jems.

Iwinna 1:26

Vbe iyeke ọna, iran keghi yan uta ne iran zẹ ọkpa vbe uwu eni iran eva. Ọ keghi mu Mataias, a keghi kae ba avbe ukọ ne owọrọ.

Iwinna 12:2

Rẹn keghi ruẹe wẹ ne iran ya umozo gbe ẹe rua ighẹ Jems ne ọtiẹn Jọn.

Iwinna 3:1

Ẹdẹ Ọkpa, Pita kevbe Jọn keghi gba gha rrie Ọgua Osa vbe ihe ẹgogo eha vbe avan, ne iran ya na erhunmwu.

I Kọrinti 15:7

Vbe iyeke ọnii, ọ keghi rhie egbe ma Jems, vbe iyeke ọnii, ọ rhie egbe ma iran ne ukọ hia.

Ẹfisọs 4:11

Rọẹn nii ọre ọ ya emwi ne emwa, ọ keghi zẹ eso ne iran gha re ukọ, eso, akhasẹ, eso iran ni kpe orhu iyẹn ne ọ maa, eso avbe ohẹn, kevbe avbe ọmamwaemwi.

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

I Pita 1:1

E Pita ne ukọ Jesu Kristi ọre ọ gbẹn ebe na gie emwa ne Osanobua hannọ zẹ ni ragha zẹ vbe emwa ne ọlọghọmwa ya lẹ hin owa rre, gba ikinkin ọghe Pọntus, Galatia, Kapadonia, Esia kevbe Bitinia.

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.

II Jọn 1:1

Ọmwa nii ne ọre Ediọn ọre ọ gbẹn ebe na gie okpokhuo nii, ke ẹe kevbe ivbi ẹre ne I ho ẹmwẹ ọnrẹn ẹsẹse. Ẹ i re mẹ ọkpa, sokpan emwa hia ne ọ ghi rẹn ẹmwata nẹ, ọre ọho ẹmwẹ ruẹn.

III Jọn 1:1

Ọmwa ni ne ọre Ediọn, ọre ọ gbẹn ebe na gie Gaiọs mwẹ ne ọ ghaan, ọmwa ne I họ ẹmwẹ ọnrẹn vbe ẹmwata.

Arhie Maan 1:1

Emwi ne a gbẹn ye ebe na ọrọre avbe emwi ne Jesu Kristi viọ ne a miẹn. Osanobua ọre ọ viọ avbe emwi na nẹẹn ne ọ viọ ma avbe eguọmwadia Osanobua, avbe emwi ne ọ ra do sunu vbe ọ ma he kpẹe. Jesu keghi gie odibosa ne ọ ya viọ avbe emwi na ma e Jọn ne ọguọmwadia ẹre.

Arhie Maan 1:9

Mẹ ọrọre Jọn ne ọtẹn uwa ne okpia, ọmwa ne ọ kugbe ba Kristi, ọ na vbe gu uwa gha ghae vbe uwu oya uwa kevbe Arriọba ẹre, kevbe uwu iziengbe. Iran keghi ya mu mwẹ fi otọe ne amẹ lẹga ne a tie ẹre Patmọs, rhunmwuda ighẹ I ta ẹmwẹ Osanobua kevbe ẹmwata ne Jesu rhie ladian ne a miẹn.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 22:8

Mẹ ne Jọn ọre ọ họẹn, I na vbe miẹn avbe emwi na hia. Ugbẹn vbe I ghi họn ehia, kevbe I ghi miẹn ehia fo nẹ, I keghi degbe otọ vbe akharha odibo Osa nii ne ọ rhie emwi na hia ma mwẹ, I na wẹ ne I ya uhunmwu rhanmwẹ otọ nẹẹn.