Matiu 10:19 - Edo Bible (E Baibol Ẹdo) Version 1996

¹⁹ Iran gha viọ uwa ye erhan ẹzọ, wa ghẹ mu udu kee ba ẹmwẹ ne uwa gha ta ra vbene uwa gha tae hẹ. Ọ gha sẹ ẹghẹ, a gha rhie ẹmwẹ ne uwa gha ta ye uwa unu.

Matiu 10:19 ပူးပေါင်းရင်းမြစ်များ

Ẹksọdọs 4:12

Banbanna nian, gha khian, I gha ru iyobọ nuẹn ne u sẹtin gha guan, I gha vbe tama ruẹn ẹmwẹ ne u gha ta.”

Ẹksọdọs 4:15

U sẹtin guẹe guan ne u vbe gha tama rẹn ẹmwẹ ne ọ gha guan. I gha ya uwa eveva obọ ne u wa sẹtin guan. I gha vbe tama uwa eva emwi ne uwa gha ru.

Jerimaia 1:7

Sokpan e Nọyaẹnmwa tama mwẹ wẹẹ, “Ghẹ kha i ghẹ ọvbokhan u khin, sokpan, bu iran ne I giẹ ọ bu gha khian, ne u vbe talọ emwi hia ne I wẹ ne u tama iran ma iran.

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Matiu 10:18

A gha gu uwa gui ma enibuohiẹn kevbe avbe ọba rhunmwuda mwẹ, ne uwa miẹn ehe na kporhu Iyẹn Ne ọ maa ma iran kevbe iran ne ẹ i re Ju.

Matiu 6:25

“Ọ na ọ zẹẹ ne I na khama uwa wẹẹ, ne uwa ghẹ hagha ba ẹmwẹ emwi ne uwa gha re ra ne uwa gha da ya da orhiọn yi, ra ba ẹmwẹ ukpọn ẹkun. Tama mwẹ, orhiọn ma sẹ evbare? Egbe ma sẹ ukpọn?

Matiu 6:31

“Rhunmwuda ọnii, wa ghẹ ghi si osi ba ẹmwẹ vbia gha re e? Vbia gha da? Vbia gha rhuan?

Matiu 6:34

Rhunmwuda ọnii, wa ghẹ mu udu kee ba ẹmwẹ ẹdẹ na khuẹ. Akhuẹ gha vbe gha mwẹ oyanghan ọghe obọ re. Ọma kei ne a vbe silo ivboo gbe orueghe ne ikpẹdẹ ọkpọkpa hẹ mwẹ obọ rre.

Iyẹn ne ọ Maan Ọghe Luk 12:11

“A gha mu ẹn gha rrie Ọgua ediọn, odaro ne ọ khaemwisẹ ra odaro enogie ne a ya gu ẹe gui, ghẹ si osi ba ẹmwẹ vbene u gha gui hẹẹ ra ẹmwẹ ne u gha ta.

Iyẹn ne ọ Maan Ọghe Luk 12:12

Rhunmwuda, Orhiọn Ne Ọ Huanrẹn gha ma ruẹ ẹmwẹ ne u gha ta vbe ẹghẹ nii.”

Iwinna 6:10

Sokpan Orhiọn keghi rhie ẹwaẹn nọkhua ne Stivin, sẹrriọ wẹ, a ma miẹn ọmwa ne ọ sẹtin mu aro da Stivin.

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.