Matiu 10:16 - Edo Bible (E Baibol Ẹdo) Version 1996

¹⁶ “Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Matiu 10:16 ပူးပေါင်းရင်းမြစ်များ

Gẹnẹsis 3:1

Ẹyẹn kegha re ne ọ ghi ru ero sẹ vbe uwe aranmwẹ ne Nọyaẹnmwa Osanobua yi hia. Ẹyẹn keghi nọ okhuo nii wẹẹ, “Te Osanobua gele wẹ ne uwa ghẹ rri ọmọ erhan ni rre uwe ogba na rhọkpa ra?”

Gẹnẹsis 3:13

E Nọyaẹnmwa Osanobua keghi nọ okhuo nii wẹẹ, “Vbọzẹ ne u na ru emwi na yi?” Rẹn ke wanniẹn wẹẹ, “Ẹyẹn ọre ọ rẹrẹ mwẹ rriọe.”

Nehimaia 4:13

Rhunmwuda ọnii, I keghi viọ emwi igbinna, avbe umozo, asoro kevbe uhanbọ ne emwa nii, I na ghae iran ye dọmwadẹ ẹwae lele iyeke ekẹn nii vbe ehe ne a ma hẹ na gbe ẹe fo.

Jerimaia 40:16

Sokpan, e Gedalaia wanniẹn wẹẹ, “Ghẹ ru ẹe! Ẹmwẹ ne u tae vbe ekpa Ismaẹl na i re ẹmwata.”

Hozia 7:11

Izrẹl gha bobo yo bobo rre zẹ vbe elikhukhu ne ọ kọẹn; vbe okaro, emwa ni lẹ bu Igipt gha khian ne ọ de yi iran obọ, iyekọni, iran vbe lẹ bu Asiria.

Matiu 24:25

Ghe I tama uwa yotọ nẹ.

Matiu 24:45

“Gha ọre ọguọmwadia esi kevbe ne ọ wan nii, ọnii ọrọre ne arowa ẹre ya ru ne ọ gbe aro ghe eguọmwadia ne ihua ẹre ne ọ gha rhie evbare ne iran vbe ẹghẹ ne ọkere.

Matiu 25:2

Isen vbe uwu iran keghi kọn, isẹn ni dekẹe keghi waan.

Matiu 25:4

Sokpan ne isẹn ni waan keghi vbe sa ofigbọn vuọn emwi ba ukpa iran.

Matiu 25:9

Iran ne umẹwaẹn tama iran wẹẹ, ‘Hiehiere, ẹ i ra sẹ ne ima vbe uwa, wa gha rrie ehe ne a na khiẹn ne uwa ya dẹ ọghe obọ uwa.’

Iyẹn ne ọ Maan Ọghe Luk 10:3

Wa gha khian. Te I gie uwa zẹ vbe avbe oteghe ohuan la uwa ẹbu avbe oduma.

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iwinna 20:29

Rhunmwuda mẹ rẹn ighẹ I gha ghi kpao nẹ nian, avbe oduma ne isamwisan gha la uwu uwa, iran i ra fi yi vbe avbe ohuan.

I Kọrinti 14:20

Wa ghẹ gha yevbe ibiẹka vbe emwi ne uwa ro etẹn mwẹ, wa gha re ibiẹka vbe emwi dan ne a ru sokpan eniwanrẹn vbe iro ne a roro.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 11:14

Ọsughe i re emwa hiehiere, uhin ighẹ Setan tobọ ẹre sẹtin fi egbe werriẹ do gha ye vbe odibosa uwanmwẹ.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

II Kọrinti 8:20

Te ima heko ye ẹwaẹn ru ẹe ne a ghẹ vbe do si etalọ ye ẹmwẹ vbene ima ru ẹe hẹ, ighẹ emwi ẹse ne ọ winhin na.

Filipai 2:15

Ne uwa sẹtin gha re ne ẹ i mwẹ abe kevbe ne ọ huanrẹn, zẹ vbe ivbi Osanobua ne ọ gba na fo vbe agbọn ọ kẹkẹe kevbe ẹwobi emwa na. Wa gha fi wainwain vbe uwu ẹbu iran zẹ vbe orhọnmwẹ ne ọ rhie uwanmwẹ ne iso, zẹ vbene uwa na ta ẹmwẹ arrọọ ma iran.

Kọlose 1:9

Ọna ọre ọ si ẹe ne a na miẹn wẹ ke ne ima ya họn ẹmwẹ uwa gha dee, ẹghẹ hia ọre ima ya na erhunmwu ne uwa. Ma rinmwian Osanobua ne ọ ya irẹnmwi emwi ne ọ ho vuọn uwa, deba ẹwaẹn kevbe irẹnmwi ne Orhiọn rẹn rhie ne ọmwa.

Kọlose 4:5

Wa gha ye ẹwaẹn ru emwi vbe uyinmwẹ ne uwa yin ghe iran ne ima yayi, ne uwa gha lo ẹkpotọ ne uwa a rhirhi miẹn ẹse.

I Tẹsalonaika 2:10

Wa ọrọre osẹe ima, zẹ vbene Osanobua vbe re osẹe ima, uyinmwẹ ne ima gu uwa ni yayi gha yin, kegha re ne ẹ i mwẹ iruẹn, ne ọ gbae kevbe ne ẹ i mwẹ abe.

I Tẹsalonaika 5:22

Wa gha lẹ ne emwi dan hia ne ọ rhirhi gha khin.