Matiu 10:14 - Edo Bible (E Baibol Ẹdo) Version 1996

¹⁴ Deghẹ a miẹn ẹvbo ne ọ ma rhan obọ miẹn uwa ra iran ma rhie ehọ ne uwa ta yi, wa ghi kevba ladian, wa ghi vbe bọnmwẹ ebubẹ ni rre uwa owẹ ye otọ.

Matiu 10:14 ပူးပေါင်းရင်းမြစ်များ

Nehimaia 5:13

I keghi ban ọza ne I mu gba ẹkun I na bọnmwẹ ọẹn, I na kha wẹẹ, “Vbe nian ọ re Osanobua ra bọnmwẹ uwa ne ẹ i mu eyan ne uwa yanrẹn sẹ. Osanobua gha miẹn uwa owa kevbe emwi ne uwa mwẹ hia, ẹ i vbe sẹ emwiọkpa rae ne uwa.” Emwa hia ni rre evba keghi kha wẹẹ, “Isẹ.” Iran keghi rho e Nọyaẹnmwa. Avbe ọkaolotu keghi vbe ru vbene iran yan rẹn.

Matiu 10:13

Deghẹ emwa ni rre owa ni rhie ehọ ne uwa ta yi, wa ghi sẹ otuẹ ọfumwegbe ne uwa rhie ne iran rae ne iran, sokpan a deghẹ iran ma rhie ehọ ne uwa ta yi, wa kie ẹre werriegbe.

Matiu 18:5

Ọmwa ne ọ vbe rhan obọ miẹn egbe ọvbokhan nekherhe na vbe eni mwẹ, ọ rhan obọ miẹn mwẹ.

Iyẹn ne ọ Maan Ọghe Mak 6:11

Wa gha sẹ ẹvbo ighe emwa ma rhan obọ miẹn uwa ra iran ma rhie ehọ ne uwa ta yi. Wa bọnmwẹ ebubẹ ne ọ rre uwu owẹ ye evba ne uwa ladian vbe evba. Ọna gha re ama emwi ne ọ de ne iran.”

Iyẹn ne ọ Maan Ọghe Mak 9:37

“Ọmwaikọmwa ne ọ rhunmwuda mwẹ miẹn ọkpa vbe uwu ibiẹka na yi, mẹ ọre ọ miẹn yi, ọmwaikọmwa ne ọ miẹn mwẹ yi, ẹ i re imẹ ọkpa ọre ọ miẹn yi sokpan ọ vbe miẹn ọmwa ne ọ gie mwẹ yi ba ẹre.”

Iyẹn ne ọ Maan Ọghe Luk 9:48

Ọ tama iran wẹẹ, “Ọmwa ne ọ miẹn ọvbokhan na yi vbe eni mwẹ, miẹn mwẹ yi. Ọmwa ne ọ miẹn mwẹ yi, miẹn ọmwa ne ọ gie mwẹ yi. Rhunmwuda ne ọ kanmwa sẹ vbe uwu uwa hia, ọrọre ne ọ kpọlọ sẹ ehia.”

Iyẹn ne ọ Maan Ọghe Luk 9:5

Deghẹ emwa ma miẹn uwa yi, wa gha ra kpao vbe ẹvbo nii, wa ghi bọnmwẹ ebubẹ ni rre uwa owẹ ye otọ zẹ vbe ama I te kha ne iran.”

Iyẹn ne ọ Maan Ọghe Jọn 13:20

Ẹmwata ọre I tama uwa. Ọmwa ne ọ rhirhi rhan obọ miẹn ọmwa ne imẹ gie, ọ vbe rhan obọ miẹn mwẹ. Ọmwa ne ọ rhirhi rhan obọ miẹn mwẹ vbe rhan obọ miẹn ọmwa ne ọ gie mwẹ.”

Iwinna 13:51

Avbe ukọ keghi bọnmwẹ ekhae ni rre iran owẹ kua ne iran, iran na gha rrie Aikọniọm.

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

I Tẹsalonaika 4:8

Rhunmwuda ọnii, ọmwaikọmwa ne ọ ma rhan obọ miẹn iruẹmwi na, ẹ i re ọmwa ne agbọn ọre ọ ma rhan obọ miẹn ighẹ Osanobua ne ọ rhie nene iruẹmwi rre nọ, ọmwa ne ọ rhie Orhiọn Ne Ọ Huanrẹn ọghọe ne uwa.