Matiu 10:10 - Edo Bible (E Baibol Ẹdo) Version 1996

¹⁰ Wa ghẹ rhie ẹkpo ọ vbu evbare mwẹ obọ, wa ghẹ rhie ẹwu ra ibata ọvbehe ya gbe akhua, wa ghẹ rhie ọkpọ mwẹ obọ, ọmwa ne ọ winna, te a gha rhie emwi ne ọ khẹ kẹe nẹẹn.

Matiu 10:10 ပူးပေါင်းရင်းမြစ်များ

Nọmbas 18:31

Wẹ kevbe ẹgbẹe ruẹ sẹtin rri ọe vbe ehe ne ọ khọn ruẹn rhunmwuda Osanobua na hae nuẹn ye oga ruẹ vbe uwu Owa Ukpọn nọ.

Matiu 10:11

“Ẹvbo ne uwa a rhirhi lao, ọ kpọlọ ra ọ kanmwa, wa gualọ ọmwa ne ọ gha miẹn uwa yi ne uwa di owa ẹre ya, wa te do kpao vbe ẹvbo ni.

Iyẹn ne ọ Maan Ọghe Mak 6:8

“Wa ghẹ rhie emwi rhọkpa mwẹ vbe okhian na gberra ọkpọ, wa ghẹ rhie eka ra okpan ọvbuevbare, wa ghẹ rhie igho ye ẹkpo.

Iyẹn ne ọ Maan Ọghe Luk 3:11

Rẹn wanniẹn tama iran wẹẹ, “Ọmwa ne ọ vbe mwẹ ẹwu eva, wẹ ne ọ rhie ọkpa ne ẹ i mwẹ, ọmwa ne ọ vbe mwẹ evbare, wẹ ne ọ yae ghae.”

Iyẹn ne ọ Maan Ọghe Luk 9:3

Ọ keghi tama iran wẹẹ, “Wa ghẹ mu egbe ye ihẹ vbe okhian na, ọre ọkpọ nọ ra ovbi ẹkpo ọvbuevbare, ra evbare ra igho, wa ghẹ kue rhie ẹwu ọvbehe gba khua.

II Timoti 4:13

U gha dee u ghi mu ẹwu mwẹ ne I sẹrae ye ọghe Kapos vbe Troas gha dee, vbe viọ avbe ebe nii gha dee, kpataki avbe enii ne a ya ohian ru.

I Samuẹl 17:40

Rẹn keghi rhie ọkpọ ọsuohuan Ọghe ọe, ọ na hannọ ikpokuta ne rọnmọ rọnmọ isẹn vbe ẹzẹ, ọ na viọ ye ẹkpo ẹre, ọ keghi rhie umọvọn rẹn mwẹ obọ, ọ na bu e Golaiat gha khian.

I Samuẹl 9:7

E Sọl kegha kha wẹẹ, “Ma gha bu ẹre gha khian, de emwi ne ima gha rhie ne ẹẹn? Evbare ma ghi kẹe vbe ẹkpo ima. Ma i mwẹ emwi ọkpa kẹkan ne a ra rhie ne ẹẹn ra ọ rrọọ?”