Matiu 10:1 - Edo Bible (E Baibol Ẹdo) Version 1996

¹ Jesu keghi tie iran iweva ne erhuanegbe ẹre si koko. Ọ rhie ẹtin ne iran ne iran ya gha khulo avbe orhiọn esu ladian, ne iran gha sinmwi emwa nikhuọnmwi kevbe ni huẹhuẹ hia.

Matiu 10:1 ပူးပေါင်းရင်းမြစ်များ

Matiu 19:28

Jesu keghi tama iran wẹẹ, Ne I tama uwa, ẹghẹ ne Ovbi Ọmwa gha na tota ye ẹkete uyi ẹre vbe Agbọn Ọgbọn ne ọ dee, wa ne iweva ni lele mwẹ na, gha vbe tota ye ẹkete, wa ghi vbe gha bu ohiẹn ẹwae iweva ne ọ rre Izrẹl.

Matiu 26:20

Ugbẹn vbe ọ ghi sẹ ẹghẹ ota, Jesu kevbe erhuanegbe iweva keghi gba tota gha rri evbare.

Matiu 26:47

Vbene ọ wa guan nii, Judas, ọkpa vbe uwu iran ne iweva keghi rre. Emwa ni bun ni viọ orhokhua kevbe umozo mwẹ keghi lele ẹe, iran na kegha re emwa ne a gie ke ọ ghe igie ohẹn kevbe ediọn avbe Ju gha dee.

Matiu 4:23

Jesu keghi lele Galili sẹ otọ sẹ ukhunmwu, ọ kegha ma emwa emwi vbe dọmwadẹ Ọgua ediọn, ọ kporhu Iyẹn Ne ọ maa ọghe Arriọba, ọ keghi vbe sinmwi emwa nikhuọnmwi kevbe ni huẹhuẹ.

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Matiu 9:35

Jesu keghi suẹn gha lele avbe ẹvbo nekhua kevbe ne giẹre ni rre enii khian, ọ kegha ma iran emwi vbe dọmwadẹ Ọgua ediọn, ọ keghi kporhu Iyẹn Ne ọ maa ọghe Arriọba Osanobua. Ọ keghi mu iran hia ni khuọnmwi kevbe ni huẹhuẹ egbe rran.

Matiu 9:38

Wa na erhunmwu ne Nọyaẹnmwa gie emwa nibun gha dee ne iran do rhọ emwiorhọ la owa.”

Iyẹn ne ọ Maan Ọghe Luk 10:19

Wa danmwehọ, I rhie ẹtin ne uwa nẹ ne uwa ya gha rrilo ekpakpahuangan kevbe ẹyẹn muotọ, kevbe ẹtin vbe uhunmwu ẹtin hia ne Oghian ni mwẹ. Emwi ọkpa ne ọ gha kuan uwa, ẹ i rrọọ.

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iyẹn ne ọ Maan Ọghe Luk 24:49

Mẹ gha tobọ mwẹ rhie emwi ne Evbavba yan eyan rẹn ne uwa. Sokpan wa ghi mudia vbe adesẹ ore ẹvbo rhinrin ẹtin te ke odukhunmwu rre do hin yan uwa.”

Iyẹn ne ọ Maan Ọghe Luk 6:13

Ẹdẹ ghi gbe, ọ keghi tie avbe erhuanegbe ẹre rrie egbe, ọ keghi zẹ iweva vbọ, ọ na tie iran na avbe ukọ.

Iyẹn ne ọ Maan Ọghe Jọn 17:2

Rhunmwuda, wẹ ọre ọ rhie asẹ nẹẹn ne ọ gha kha yan emwa hia, ne irẹn miẹn ehe ne rhie arrọọ ne ẹ i fo ne iran hia ne uwẹ viọ ne ẹn.

Iyẹn ne ọ Maan Ọghe Jọn 3:27

Jọn wanniẹn tama iran wẹẹ, “Ọmwa ọkpa ne ọ sẹtin gha mwẹ emwi rhọkpa i rrọọ vbe ẹ i re te Osanobua rhie nẹẹn.

Iyẹn ne ọ Maan Ọghe Jọn 3:35

Erha ho ẹmwẹ Ovbi ẹre, ọ keghi viọ emwi hia ye ẹtin ẹnrẹn obọ.

Iyẹn ne ọ Maan Ọghe Jọn 6:70

Jesu wanniẹn tama iran wẹẹ, “Ẹ i re imẹ ọre ọ tobọ mwẹ hannọ uwa iweva zẹ? Sevba esu ọre ọkpa vbe uwu uwa khin!”

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 19:15

Sokpan orhiọn dan nii tama iran wẹẹ, “I rẹn Jesu, I vbe rẹn vbekpa Pọl, sokpan wa na, vbe uwa ke rre?”

Arhie Maan 12:1

Ama nọkhua ọkpa keghi rhie egbe maa vbe iso. Okhuo ọkpa kegha rre evba, owẹn ọrọre ukpọn ne ọ yọe, uki kegha rre ototọ owẹ ọre, ẹde ne orhọnmwẹ iweva ye kegha rre ọre uhunmwu.