Matiu 1:25 - Edo Bible (E Baibol Ẹdo) Version 1996

²⁵ Sokpan iran ma miẹn egbe ọ te biẹ ọmọ okpia ni. Josẹf keghi he ẹre Jesu.

Matiu 1:25 ပူးပေါင်းရင်းမြစ်များ

II Samuẹl 6:23

E Mikal ne ovbi e Sọl ne okhuo ma miẹn ọmọ biẹ.

I Ọba 1:4

A gha rhe miẹn we ọ wa mose ẹsẹse, kevbe wẹ rẹn ọ re ọ koko ọba. Ọ na vbe gha gbearoghe ẹre, ọ ma guẹ ruẹ emwi rhọkpa.

Ẹksọdọs 13:2

“Ye avbe emọdiọn ni re ikpia vbe Izrẹl fi ohan mẹ, ọ re ọghe ọmwa nọ ra emwirri, ọghomwẹ nọ.”

Ẹksọdọs 22:29

Ghẹ mwẹ u ma gha viọ imuohan gun mwẹ vbe ọka ruẹ, ayọn ruẹn kevbe ofigbọn oliv ruẹ vbe ẹghẹ a sẹ ẹe. Wa ghi gha ya ivbi uwa ne ikpia ne ọdiọn fiohan mẹ.

Matiu 1:21

Rẹn gha vbe biẹ ọmọ okpia ọkpa. Wẹ ghi he ẹre Jesu, rhunmwuda rẹn ọre ọ gha fannọ emwa rẹn hin obọ orukhọ iran rre.”

Matiu 1:24

Ugbẹn vbe Josẹf ghi rhiọrre, ọ keghi ru zẹ vbene odibo e Nọyaẹnmwa ni tama rẹn, ọ keghi ya rhie Meri la owa zẹ vbe amwẹ ọnrẹn.

Iyẹn ne ọ Maan Ọghe Luk 1:31

U gha hanmwa, u gha biẹ ọmọ okpia ọkpa, u ghi he ẹre Jesu.

Iyẹn ne ọ Maan Ọghe Luk 2:21

Ọ ghi gba vbe uzọla ọkpa, vbe ẹghẹ ne a gha ya rhuẹ ọmọ nii ghi sẹ nẹ, iran keghi he ẹre Jesu, eni ne odibosa ni tie ẹre re vbe a te hanmwa ẹn.

Iyẹn ne ọ Maan Ọghe Luk 2:7

Ọ keghi biẹ ọmọ ọdiọn ọmọ okpia, ọ keghi ye ukpọn vbuẹ uẹ ọre ọ keghi wa ẹre vbe aza emwirri rhunmwuda owa ekhẹn ma ghi gua iran.

Ebe ne Pọl gbẹẹn gie emwa Rom 8:29

Rhunmwuda avbe iran ne Osanobua hannọ zẹ nẹ, ọre irẹn vbe viọ ye efọnkpa ne iran do ye vbe Ovbi ẹre, ne Ọmọ miẹn ehe na do gha re okaro vbe uwu ẹbu etẹn ni bun.