Matiu 1:12 - Edo Bible (E Baibol Ẹdo) Version 1996

¹² A ghi viọ iran gha rrie Babilọn nẹ, Jekonaia keghi biẹ Sieatiẹl ne ọ biẹ Zerubabẹl.

Matiu 1:12 ပူးပေါင်းရင်းမြစ်များ

II Ọba 24:14

Nebukiadneza keghi viọ emwa nii rre Jerusalẹm avbe ivbiọba kevbe emwa ni hin ukhuaẹn, odẹ arhin arriaisẹn igbe, ọ na munọ iran oghunmwu gha rrie. Ọ kevbe viọ iran kpao ighẹ avbe ikpia ni guẹ ona, kevbe avbe ogun, ọ na ghi sẹ iran ne ivbiogue rae vbe Juda.

II Ọba 25:27

Ukpo ne Ivomẹrodak rri ọba e Babilọn, ọ keghi tohan Jehoiakin ne ọba ọghe e Juda, ọ na fan ẹn hin ẹwẹdọ rre. Ikpẹdẹ eha irrọvbọgban ọghe ukpo ne ogiweva ọghe ukpo ne ọ ya gba vbe ukpo eha irrọvbiyeva ne a mu e Jehoiakin oghunmwu.

I Krọnikol 3:17

Ivbi uniẹn e Jehoiakin ne ọba, ne iran viọ ẹre oghunmwu gha rrie Babilọn ọ re ena khin. Emọ ikpia ihinrọn ọ re Jehoiakin gha mwẹ, ena ọ re Sieltiẹl,

Ẹzra 3:2

Ẹre Jọsua ne ovbi e Jehozadak, avbe ohẹn ne ihua ẹre kevbe Zerubabẹl ne ovbi e Sitiẹl, deba avbe etiọnrẹn hia, keghi koko dọlọ Ogiukpo ọghe Osanobua Izrẹl bọ ne iran miẹn ehe na gha giẹn emwi ne a ya zọ ese zẹ vbene a mwamwa ẹẹn ye ebe Uhi e Mosis ne ọmwa Osanobua.

Ẹzra 5:2

Ugbẹn vbe Zerubabẹl ne ovbi e Sitiẹl kevbe Jọsua ne ovbi e Jehozadak ghi họn ẹmwẹ ne iran ta, iran keghi suẹn gha dọlegbe bọ Ọgua Osa ne ọ rre Jerusalẹm avbe akhasẹ eva ni keghi yi iran obọ.

Nehimaia 12:1

Eni avbe ohẹn kevbe avbe Livai ni lele Zerubabẹl ne ovbi e Sieatiẹl kevbe Jọsua ne Ogie Ohẹn ke iwe rre ọre ena khin.

Jerimaia 22:24

E Nọyaẹnmwa keghi tama e Jehoiakin, ọha ne ovbi e Jehoiakim ne Ọba e Juda wẹẹ, “Omwa vbene a miẹn wẹ mẹ ọ re ọ gele re Osanobua ne ọ rrọọ, ọ gha khọnrẹn ne a miẹn wẹ wẹ ọrọre oroka asẹ ne ọ rrọ mwẹ obọ erha ọmwa, te I yuo ruẹ fua.

Jerimaia 22:28

Mẹ keghi kha wẹẹ, “E Jehoiakim ne ọba wa vbe yevbe uru ne ọ wu ne a mu fua, ne ọmwarhọkpa i gualọ nẹ ra? Ọnii ọ siẹe ne a na viọ irẹn vbe ivbi ẹre gha rrie iwe vbe otọ ne a ma rẹn emwi rhọkpa vbe ekpa ẹre?”

Jerimaia 22:30

“A bu abe gbe ọmwa na nẹ ne ọ gha re ọmwa ne emọ gha wulo, ne ọ gha re ọmwa ne emwi i ra dunna na. Ẹ i ra gha mwẹ emọ ne ọ gha rriọba vbe Juda zẹ vbe iran ni mudia ye ihe Devid. Mẹ ne Nọyaẹnmwa ọ re ọ taa ẹe.”

Hagai 1:1

Vbe ukpo ne ogieva ne Dariọs ya gha re ọgbaisi e Pẹsia, vbe ikpẹdẹ ne okaro ọghe uki ne ogiehan, e Nọyaẹnmwa keghi giee Hagai ne akhasẹ uhunmwu rre, ọmwa ne a giee uhunmwu na gie kegha re e gọvina ọghe Juda ighe e Zerubabẹl ne ovbi Siatiẹl, kevbe ogiohẹn ighe Jọsua ne ovbi e Jehozadak.

Hagai 1:12

Ẹre Zerubabẹl kevbe Jọsua kevbe avbe emwa hia ni ke iwe vbe Babilọn rre, na ru zẹ vbene Nọyaẹnmwa ne Osanobua iran tama iran. Ohan mu iran, iran keghi gha họn ẹmwẹ ne Hagai ne akhasẹ ne odibo e Nọyaẹnmwa.

Hagai 1:14

E Nọyaẹnmwa keghi rhie igiẹdu ne emwa nii ne iran ya winna vbe Ọgua Osa, avbe Zerubabẹl ne e gọvina e Juda, e Jọsua ne Ogie Ohẹn, kevbe avbe emwa ni ke iwe rre hia. Iran keghi suẹn gha winna vbe Ọgua Osa ọghe Nọyaẹnmwa ne Oghodua ne Osanobua iran.

Hagai 2:2

Ọ tama Hagai wẹ ne ọ tama e Zerubabẹl ne gọvina ọghe Juda, kevbe Jọsua ne Ogie Ohẹn kevbe avbe emwa nii wẹẹ,

Hagai 2:23

Vbe ẹdẹ ne ẹdẹrriọ, I gha rhie uwẹ e Zerubabẹl ne ọguọmwadia mwẹ. I gha ka uwẹ uhe ye aga ne u gha ya eni mwẹ khaemwisẹ. Wẹ ọrọre ọmwa ne I zẹe.” E Nọyaẹnmwa ne Oghodua ta ẹe nẹ.

Matiu 1:11

Josaia ọre ọ biẹ Jekonaia kevbe etiọnrẹn, ẹghẹ ni ọre a na viọ ivbi Izrẹl gha rrie Babilọn.

Matiu 1:13

Zerubabẹl ọre ọ biẹ Abiud ne ọ biẹ Eliaikim ne erha Azọ.

Matiu 1:17

Ke ẹghẹ Ebraham do sẹ egbe Devid kegha re orre iwenẹ. Vbe ke egbe Devid do sẹ ẹghẹ ne a na viọ ivbi Izrẹl gha rrie Babilọn, kevbe re orre iwenẹ, vbe ke ẹghẹ ni do sẹ ẹghẹ ne a na biẹ Mẹzaia kevbe gha re orre iwenẹ.

Iyẹn ne ọ Maan Ọghe Luk 3:27

Ne ovbi e Jonan, ne ovbi e Rhesa, ne ovbi e Zerubabẹl, ne ovbi e Sheatiẹl, ne ovbi e Neri.