Ukpo eha yan ugie ọ re Joahaz gha ye vbe ọ rriọba e Juda, ọ keghi ya uki eha vbe ẹkete vbe Jerusalẹm. Iye ẹe kegha re Hamutal ne ovbi e Jerimaia ne ovbi ẹvbo ne a tie ẹre Libna.
Nebukiadneza keghi viọ emwa nii rre Jerusalẹm avbe ivbiọba kevbe emwa ni hin ukhuaẹn, odẹ arhin arriaisẹn igbe, ọ na munọ iran oghunmwu gha rrie. Ọ kevbe viọ iran kpao ighẹ avbe ikpia ni guẹ ona, kevbe avbe ogun, ọ na ghi sẹ iran ne ivbiogue rae vbe Juda.
Ọ ghi sẹ omuhẹn orhọ, e Nebukiadneza ne ọba keghi mu e Jehoiakin oghunmwu gha rrie Babilọn, ọ na vbe viọ emwi ẹwe ni rre Ọgua Osa gha rrie. Ẹre Nebukiadneza na ya ovbi erha e Jehoiakin ighẹ Zedekaia ma ọba e Juda kevbe Jerusalẹm.
Ọ keghi viọ iran ni miẹn uhunmwu vbọ hia gha rrie Babilọn, iran na ya gha ga ẹe kevbe uniẹn ivbi ẹre zẹ vbe eviẹn ọ te do sẹ ẹghẹ ne Arriọba e Pẹsia na la ukpo.
E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.
Ke ẹghẹ Ebraham do sẹ egbe Devid kegha re orre iwenẹ. Vbe ke egbe Devid do sẹ ẹghẹ ne a na viọ ivbi Izrẹl gha rrie Babilọn, kevbe re orre iwenẹ, vbe ke ẹghẹ ni do sẹ ẹghẹ ne a na biẹ Mẹzaia kevbe gha re orre iwenẹ.