Matiu 1:1 - Edo Bible (E Baibol Ẹdo) Version 1996

¹ Ebe uniẹn Jesu Kristi ne ọ re ovbi Devid ne ọ vbe re ovbi Ebraham ọre ọna khin.

Matiu 1:1 ပူးပေါင်းရင်းမြစ်များ

Gẹnẹsis 12:3

“I gha fiangbe iran ni fiangbuẹ Sokpan I ghi tie ihẹn ne ne ọ tie ihẹn nuẹn Vbe ekpa ruẹ, ọre I gha na fiangbe uhunmwu otọ agbọn hia.”

Gẹnẹsis 2:4

Vberriọ ọre a ya yi otọe vbe ukhunmwu. Ẹghẹ ne Nọyaẹnmwa Osanobua na yi otọe vbe ukhunmwu,

Gẹnẹsis 22:18

Iyaẹvbo agbọn hia ghi wẹẹ ne I fiangbe iran zẹ vbene I fiangbuẹ uniẹn ruẹn, rhunmwuda ne u na họn ẹmwẹ ne I tama ruẹn na.”

Gẹnẹsis 5:1

Eni uniẹn Adam ọre ena khin. (Ẹghẹ ne Osanobua na yi emwa nagbọn, ọ keghi yi iran zẹ vbe ama egbe irẹn.

Psalm 132:11

Ekhọekekhọe ọ re u ya ve Devid emwi, ive ne uwẹ i ra siẹn wẹẹ, “I gha ya ọkpa vbe uwu avbe ivbuẹ nikpia rri ọba, rẹn gha vbe rri ọba lele uwẹ.

Psalm 89:3

Wẹ khare wẹẹ, “I gu ọmwa ne I hannọ zẹ ta ile nẹ; I tama Devid ne ọguọmwadia mwẹ nẹ wẹẹ,

Psalm 89:36

Te a gha miẹn ivbi uniẹn ọnrẹn ẹdẹdẹmwẹdẹ. Mẹ gha vbe gha wan lẹga arriọba ẹre la ẹghẹ ne ovẹn gha vbe yunmwu la.

Aizaia 11:1

Uniẹn ọghe Ọba Devid ye vbe erhan ne a tọn gbe otọ nẹ sokpan vbene ẹzi erhan vbe dọlegbe họn, erriọ ọ re ọba ọgbọn gha ke uniẹn e Devid zọ ladian.

Aizaia 53:8

A mu ẹẹn, a bu ohiẹn uwu gbe ẹe, a na rhie ẹre kpao ne ọ ya wu a ma vbe miẹn ọmwa ne ọ zẹẹ ye emwi ne ọ rruan rẹn. A gbe ẹe rua ba ẹmwẹ orukhọ emwa ima.

Jerimaia 23:5

E Nọyaẹnmwa khare wẹẹ, “Ẹghẹ dee ne I gha na zẹ ọba vbe ivbi e Devid ni mwẹ ekhọe esi vbọ. Ọba nii gha ya ẹwaẹn khaemwisẹ, ọ ghi ru emwi ne ọ here ke ne ọ hẹnhẹn vbe otọe nii hia.

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Emọs 9:11

E Nọyaẹnmwa khare wẹẹ, “Ẹdẹ dee ne I gha dọlegbe rhie arriọba e Devid ne ọ yevbe itowa nian ye ihe. I gha dọlọ ekẹn ne a gbe lẹga ẹre yi, I ghi dọlegbe rhie ẹre ye ihe. I gha dọlegbe bọ ẹe, I ghi gie ẹe do gha ye vbene ọ ka ye de yi vbe ẹghẹ nii.

Zẹkaraia 12:8

Ọ gha sẹ ẹghẹ nii, e Nọyaẹnmwa gha degue emwa ni rre Jerusalẹm sẹrriọ we ọmwa ne ọ ghi vburriẹ sẹẹ vbọ gha wegbe vba vbene Devid gha ye. Ivbi uniẹn Devid gha su iran zẹ vbe odibo Nọyaẹnmwa zẹ vbe Osanobua tobọ ẹre.

Matiu 1:18

Vbene a ya biẹ Jesu hẹ ọre ọna khin. Josẹf ọre a ya Meri ne iye Jesu na. Sokpan vba te rhie ẹre rrie, a keghi miẹn wẹ ọ hanmwa vbekpa ẹtin Orhiọn Ne Ọ Huanrẹn.

Matiu 1:2

Ebraham ọrọre erha Aizik. Aizik keghi vbe re erha Jekọb. Jekọb ọrọre erha Juda kevbe etiọnrẹn.

Matiu 15:22

Okhuo Keman ọkpa keghi ke ẹvbo ni bu ẹre rre, ọ tama rẹn wẹẹ, “Ovbi e Devid, tohan mwẹ, ovbi mwẹ nokhuo mwẹ orhiọn esu, obọ wa dae ẹsẹse.”

Matiu 3:16

Ugbẹn vbe a ghi samẹn ne Jesu nẹ, vbene ọ wa ladian vbe uwu amẹ, ẹrinmwi keghi kie ye otọ, rẹn keghi miẹn Orhiọn Osanobua vbe ọ tuorre, ọ yevbe idu, ọ keghi rhuẹ yan rẹn.

Matiu 9:27

Jesu keghi kpa vbe evba rre, ugbẹn vbe ọ ghi khian, arhuaro eva keghi lelẹe, iran datu wẹẹ, “Ovbi e Devid, tohan mwa.”

Iyẹn ne ọ Maan Ọghe Luk 1:33

Rẹn gha rriọba yan ivbi e Jekọb ẹdẹdẹmwẹdẹ, arriọba ẹre ẹ i ra mwẹ ufomwẹ.”

Iyẹn ne ọ Maan Ọghe Jọn 7:42

Ebe khare wẹ uniẹn Devid ọre nene Mẹzaia ra gha khin, kevbe wẹ Bẹtlẹhẹm ne ẹvbo Devid ọre a ra na biẹ ọe.”

Iwinna 2:30

Akhasẹ rẹn khin, ọ rẹn emwi ne Osanobua ve irẹn re. Osanobua tama rẹn wẹ, rẹn gha ya ọkpa vbe uwu avbe uniẹn ọnrẹn ma ọba, zẹ vbene irẹn vbe ye.

Ebe ne Pọl gbẹẹn gie emwa Rom 1:3

Vbe ekpa ọghe Ovbi ẹre ighẹ Nọyaẹnmwa Jesu Kristi vbe agbọn na, uniẹn Devid ọre ọ la rre.

Ebe ne Pọl gbẹẹn gie emwa Rom 4:13

Osanobua tama Ebraham wẹ, agbọn na gha khian ọghọe. Emwi ne Osanobua ve na, ẹ i re rhunmwuda ighẹ Ebraham ru vbene nene Uhi kha re, sokpan rhunmwuda ighẹ ọ yayi, Osanobua keghi ka ẹe ye ọmwata.

Ebe ne Pọl gbẹẹn gie emwa Rom 9:5

Uniẹn avbe erha nikaro iran khin, a gha ta ẹmwẹ Kristi zẹ vbe ọmwa kẹkan, uniẹn iran nii vbe nọ. Osanobua ne ọ kha yan emwi hia ọre a gha rho ẹdẹdẹmwẹdẹ! Isẹ.

Galatia 3:16

Banbanna nian, Ebraham kevbe ovbi ẹre, ọre Osanobua ve ẹre emwi na, ọ ma kha wẹ, “Kevbe ivbi ẹre” ọnii nọ wẹ emwa ni bun. Emwi ne ọ kha re ọrọre, “Kevbe ne ovbuẹ” ọnii nọ wẹ, ne orhiọnkpa kẹkan ne ọ re Kristi.

I Timoti 2:5

Rhunmwuda Osanobua ọkpa ọre ọ rrọọ, ọmwa ọkpa ọre ọ vbe rrọọ, ne ọ dọlọ Osanobua kevbe emwa ne agbọn kugbe, ọnii ọre ọmwa na ighẹ Kristi Jesu.

II Timoti 2:8

Ye Jesu Kristi rre, ọmwa ne a huẹn kpaegbe vbe orinmwi, ovbi uniẹn Devid, zẹ vbene a ta ẹe vbe Iyẹn Ne ọ maa ne I kpe orhu ẹre.

Arhie Maan 22:16

“Mẹ ne Jesu ọre ọ gie odibo mwẹ ne ọ ya ta ẹmwẹ na ma uwa vbe esọsi. Mẹ ne ovbi uniẹn Devid nọ, Orhọnmwẹ owiẹ ne ọ baa siẹẹn.”