Malakai 4:6 - Edo Bible (E Baibol Ẹdo) Version 1996

⁶ Ọ gha dọlegbe dọlọ avbe emọ vbe erha kugbe, adeghẹ ẹire vberriọ, te I gha rre ne I do fuẹn uhunmwu ẹvbo uwa a.”

Malakai 4:6 ပူးပေါင်းရင်းမြစ်များ

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 24:6

Rhunmwuda ọnii, Osanobua fi agbọn unu nẹ. Emwi ne emwa iran ru, ọ re iran ha osa ẹre na. Te iran ni ghi dekẹe ghi kanmwa yọ kanmwa yọ.

Aizaia 40:3

Urhu ọkpa datu wẹẹ, “Wa gbẹn odẹ ye otọ khẹ e Nọyaẹnmwa vbe uwu oha! Wa gbẹn odẹ yotọ vbe uwu oha ne Osanobua mwa.

Aizaia 43:28

avbe nikhaemwisẹ uwa ru owa mwẹ awua. Rhunmwuda ọnii, I keghi sii ọfuan ye Izrẹl egbe I keghi kue ne a yagha emwa wẹ.”

Aizaia 61:2

Ọ gie mwẹ ne I ya kha, wẹ ẹghẹ sẹ nẹ, ne Nọyaẹnmwa gha ya miẹn emwa rẹn fan. Ọ ghi vbe khọn eghian iran muotọ. Ọ giee mwẹ nẹ I ya fu iran ni khiẹ ẹko rre,

Aizaia 65:15

Emwa mwẹ ne a hannọ zẹ gha ya eni uwa gha mu ẹbọ gbe emwa, Mẹ ne Nọyaẹnmwa ne Udazi ọ re ọ ra gbele uwa a. Sokpan, I gha he iran ni họn ẹmwẹ mwẹ eni ọgbọn.

Daniẹl 9:11

Izrẹl hia rraa uhi ruẹ, iran ma vbe danmwehọ ẹmwẹ ne uwẹ tae. Ma rukhọ ghe ruẹ, wẹ keghi gie ihen ne a tie ye Uhi e Mosis ne ọguọmwadia ruẹ sẹ ima egbe.

Zẹkaraia 11:6

(E Nọyaẹnmwa khare wẹẹ, “Mẹ i ghi tohan ọmwarhọkpa vbe otọe agbọn ọvbehe. Mẹ tobọ mwẹ gha viọ emwa ni hia ye ẹtin iran ni khaemwisẹ yan iran obọ. Iran ni khaemwisẹ gha duẹ otọ agbọn uan, mẹ i ra vbe wọlọ ẹe hin ẹtin obọ iran rre.”)

Zẹkaraia 13:8

a gha wa ẹvbo nii ye ihe eha, obọ eva vbọ gha wulo vbọ vbe uwu emwa ni rrọọ.

Zẹkaraia 14:12

E Nọyaẹnmwa gha mu emianmwẹ ne ọ wegbe ku avbe uhunmwu ẹvbo hia ni mu okuo ye Jerusalẹm. Ikpakpa egbe iran gha kẹkẹ ua vbe iran ma he wu, aro iran kevbe aranmwẹ iran gha kẹkẹ ua.

Zẹkaraia 14:2

E Nọyaẹnmwa gha si avbe uhunmwu ẹvbo hia kugbe ne iran do gu e Jerusalẹm gbinna. A gha khọn mu ẹvbo nii, a gha fu emwi ni rre owa vbọ viọ. A gha mu avbe ikhuo ni rrọ yagha. A gha wa ẹvbo nii ye ihe eva, obọkpa vbọ gha yo iwe, sokpan, a i ra viọ iran ni ghi dekẹe hin ore ẹvbo rre.

Zẹkaraia 5:3

Rẹn keghi tama mwẹ wẹẹ, “Emwi ne a gbẹn ye uwu ẹre ọrọre ihen ne a ra tie ne uhunmwu otọe hia. Vbe obọkpa vbe ebe nii, a gbẹn ọẹn yọ wẹ a gha hẹ avbe oyi hia kua vbe otọe nii; a keghi gbẹn ye obọ nọkpa wẹ emwa ni ye ta ohoghe vbe iran a vbe vẹn ihen nẹ, a gha vbe hẹ iran kua.

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.

Iyẹn ne ọ Maan Ọghe Mak 11:21

Pita keghi ye emwi ne ọ sunu rre, ọ na khama Jesu wẹẹ, “Ọmamwaemwi, ghe vbe erhan ohọ ne u fi ẹre unu wu.”

Iyẹn ne ọ Maan Ọghe Luk 1:76

Wẹ ne ovbi mwẹ, akhasẹ Osanobua Ne Ọ Yo Sẹ, ọre a gha tie ruẹ. Wẹ gha ke aro ne Nọyaẹnmwa. Ne u ya zẹ odẹ ye otọ khẹ ọre.

Hibru 6:8

Sokpan, a deghẹ ọ zọ igban kevbe irunmwu ladian, ọ rhiae nọ, ọ mu egbe ẹre ye ne Osanobua gha na fi ẹre unu, a ghi ya erhẹn fuẹn ọnrẹn uan.

Arhie Maan 19:15

Umozo ne ọ mu ne ọ ra ya khọn uhunmwu ẹvbo hia mu otọ kegha ke unu ẹnrẹn ladian. Ọkpọ ematọn ọre ọ khian ya gha khaemwisẹ yan iran, ọ gha vbe balọ ayọn ne ọ rre uwu okọ izohu Osanobua ne Oghodua ladian.

Arhie Maan 22:3

Emwi ne Osanobua fi ẹre unu ọkpa ne a gha miẹn vbe ẹvbo nii, ẹ i rrọọ. Ẹkete Osanobua kevbe ọghe Oteghe Ohuan ghi gha rre ẹvbo ni, avbe eguọmwadia ẹre ghi gha ga ẹe.