Malakai 4:5 - Edo Bible (E Baibol Ẹdo) Version 1996

⁵ Sokpan, vbene ẹdẹ nọkhua ne ọ muohan ọghe Nọyaẹnmwa te do rre, I gha gie Elaija ne akhasẹ bu uwa gha dee.

Malakai 4:5 ပူးပေါင်းရင်းမြစ်များ

Aizaia 40:3

Urhu ọkpa datu wẹẹ, “Wa gbẹn odẹ ye otọ khẹ e Nọyaẹnmwa vbe uwu oha! Wa gbẹn odẹ yotọ vbe uwu oha ne Osanobua mwa.

Joẹl 2:31

Owẹn gha so ebiebi uki ghi do gha baa vbe esagiẹn ọ te sẹ ẹdẹ ne ẹdẹ nọkhua, ẹdẹ ugborrirri, ọghe Nọyaẹnmwa nii, gha ya egbe ladian.

Zẹfanaia 1:14

Ẹdẹ nọkhua ọghe Nọyaẹnmwa sikẹ otọ nẹ, ọ wa sẹẹ otọ fo, ọ wa dee ẹgiẹgiẹ! Ẹdẹ ne ẹdẹrriọ gha wa rriara, rhunmwuda, ovbiyokuo ne ọ wegbe sẹ gha rhie urhu hoho ua ẹdẹrriọ vbe ẹtin a ghi fo ẹe!

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Iyẹn ne ọ Maan Ọghe Luk 1:17

Rẹn gha ladian zẹ vbe akhasẹ Osanobua ne ọ wo vbe egbe kevbe ne ọ mwẹ ẹtin zẹ vbe Elaija ne akhasẹ. Rẹn gha dọlọ erha kevbe emọ kugbe. Iran ni ze vbe ẹkoko udu, ọ gha fi iran ekhọe werriẹ ne iran gha ro iro zẹ vbe adazẹ ọmwa. Ọ gha mu emwa Nọyaẹnmwa egbe ye otọ khẹ ọre.”

Iyẹn ne ọ Maan Ọghe Luk 9:30

Ikpia eva keghi wa rre vbe udomwurri do gha guee guan, iran na ọre Mosis kevbe Elaija.

Iyẹn ne ọ Maan Ọghe Jọn 1:21

Iran nọ rẹn wẹẹ, “De ọmwa ne uwẹ ghi khin khekherriọ? Elaija ore u khin ra?” Jọn wanniẹn wẹẹ, “Ẹn ọ, I i re ọre.” Iran dọlegbe nọ rẹn wẹẹ, “Wẹ ọrọre nene Akhasẹ ra?” Ọ wanniẹn wẹẹ, “Ẹn o.”

Iyẹn ne ọ Maan Ọghe Jọn 1:25

Iran nọ rẹn wẹẹ, “Deghẹ wẹ i re nene Mẹzaia, ra Elaija ra akhasẹ, vbọzẹ ne u ghi na same ne emwa khekherriọ?”

Arhie Maan 6:17

Rhunmwuda ẹdẹ izohu iran nọkhua gbe nẹ, de ọmwa ne ọ gha sẹtin khẹ iran vbe igbinna?”