Malakai 4:3 - Edo Bible (E Baibol Ẹdo) Version 1996

³ Ẹdẹ ne I gha guan yọ, wa gha khọnmiotọ vbe uhunmwu emwa dan, iran ghi do yevbe ebubẹ vbe atataowẹ uwa.

Malakai 4:3 ပူးပေါင်းရင်းမြစ်များ

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

II Samuẹl 22:39

I gbele iran fio otọe, iran i ghi sẹtin kpao, iran lovbiẹ yọ mwẹ akharha zẹ vbe oghunmwu.

II Samuẹl 22:43

I dunmwu iran an, iran keghi yevbe ebubẹ, I ya owẹ rrilo iran muotọ, zẹ vbe ekẹn vbe orere.

Job 40:12

Ẹn, ghe iran ne u silo iran kẹ otọ rẹn rẹnkhẹn ọmwa dan an, ye ehe ne ọ mudia yi.

Psalm 147:6

Ọ ghi tọn omwa ne ọ mu egherriotọ mu, sokpan, ọ ghi rẹnkhẹn ọmwa dan mu otọ.

Psalm 49:14

A tae nẹ ighe te iran ra wulo zẹvbe ohuan, uwu, ọ re ọ ra gha re ọsuohuan iran. Obọ ọmwata gha ke ukhunmwu ne iran, vbe ikinnegbe iran a gha kẹkẹ ua ẹgiẹgiẹ, vbe ẹvbo avbe orinmwi, ehe ne ọ rrei ne owa iran ẹsẹse.

Psalm 91:13

Wẹ gha ye owẹ rrilo oduma kevbe ẹyẹn ginna otọ oduma ni khọ, kevbe ẹyẹn ni mwẹ obi.

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 26:6

Te iran ne a te wọ ẹre uhunmwu ghi khian lae gberra nian iran ghi gha ya ọwẹ mamaẹn ginna otọ.

Eve Orriara 1:15

“E Nọyaẹnmwa gie ivbiyokuo mwẹ ni wegbe sẹẹ hia ọ gie ivbiyokuo do fuẹn avbe igbama mwẹ ọ keghi piẹnpiẹn avbe emwa mwẹ gbe ua vbene a minọ alimo vbe okọ ayọn.

Ezikiẹl 28:18

Emwi dan ọ re u wa gha ru vbe uwu ne u na dẹ kevbe ne u na khiẹn, sẹrriọ wẹ avbe ehe ne u na ru ugamwẹ keghi khian ne a murhia. Rhunmwuda ọnii, mẹ keghi mu erhẹn ye ẹvbo nii, I na gien ọnrẹn sotọ. Emwa ni ghi miẹn ọn nian gha miẹn wẹ, te a ghi ya a khian emuẹn.

Daniẹl 7:18

Emwa Osanobua ne ọ Sẹehia gha mwẹ ẹtin ọba iran ghi vbe dae yi ẹdẹdẹmwẹdẹ.”

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Zẹkaraia 10:5

Ivbi e Juda gha khọnmiotọ zẹ vbe ivbiyokuo ni ya owẹ gbele avbe eghian iran ye uwu ekhuọrhọ vbe adesẹ ore. Iran gha gbinna, rhunmwuda, e Nọyaẹnmwa rrọọ yaba iran, obọ iran gha vbe ke okhunmwu ne ẹsin avbe eghian.

Malakai 3:17

E Nọyaẹnmwa ne Oghodua khare wẹẹ, “Iran ghi gha re emwa mwẹ, ẹdẹ ne I gha guan yọ iran ghi gha re emwi obọ mwẹ. Mẹ gha tohan iran zẹ vbene erha ọmọ tohan ọmọ ne ọ ga ẹe.

Ebe ne Pọl gbẹẹn gie emwa Rom 16:20

Vbe ọ ma he kpẹe wan, Osanobua ne ọ re uhunmwu ọfumwegbe mwa, gha guọghọ Setan ye atataowẹ uwa. Te ẹsọhẹ Nọyaẹnmwa Jesu gha guwa gha rrọọ.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 14:20

A keghi minọ avbe ọmọ azara nii vbe uwu okọ nii, ne ọ rre vbe a gha la hin ore ẹvbo rre nẹ, esagiẹn kegha lẹ ke uwu okọ nii ladian, ehe ne ọ lẹ orogho la kegha re omwa ibiriki uri, ne udinmwimwẹ ọnrẹn vbe re omwa ibata isẹn.