Malakai 4:1 - Edo Bible (E Baibol Ẹdo) Version 1996

¹ E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Malakai 4:1 ပူးပေါင်းရင်းမြစ်များ

Job 18:16

Inian kevbe abọ ẹre luẹluẹe, ọ vbe kaka a.

Psalm 119:119

Te uwẹ ghe emwa dan hia zẹ vbe iku, rhunmwuda ọnii, igiodẹ ruẹ yẹ mwẹ.

Psalm 37:9

Iran ni mu ẹtin yan e Nọyaẹnmwa, ọ re ọ ra yan otọe ni, sokpan, a gha khulo avbe emwa dan ladian.

Ẹksọdọs 15:7

Vbe uwe akhọnmiotọ ruẹ nọkhua u rrua iran ne eghian ruẹn gbe otọ izohu ruẹ baa ladian, ọ keghi giẹn iran an zẹ vbe irunmwu ni ka ẹe.

Aizaia 40:24

Iran ye vbe ivbi erhan ne a da rhie gbọọ ne ọ ma he ke ọre zẹ inian. E Nọyaẹnmwa gha gie ẹhoho iran ghi kaka, iran ghi hoho kua vbe abọ irunmwu.

Aizaia 41:2

“Gha ọ rhie ne ọ khọnmiotọ ke owẹn owiẹ rre yi ne ọ na gie ẹe khọnmiotọ vbe ehe ne ọ rhirhi a la hia? Gha ọ gie ẹe khọn avbe ọba kevbe avbe uhunmwu ẹvbo muotọ? Umozo ẹre bẹlẹ ehia ku otọ vbene a gha kha wẹ ebubẹ ọ re iran khin. Ifẹnmwẹ ọnrẹn zagha iran, zẹ vbe ebe nọkakae vbe odaro ẹhoho.

Aizaia 47:14

“Te iran ra gha yevbe iku irunmwu ni bunnọẹn erhẹn ghi giẹn ehia a! Iran i ra kue sẹtin miẹn egbe iran fan erhẹn ni gha yọn ne iran gbe, ẹ i re erhẹn kherhe ne a ghae.

Aizaia 5:24

Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Aizaia 9:18

Uyinmwẹ dan emwa nii gha to vbe erhẹn ne ọ giẹn ẹti oha igban, ọ gha giẹn vbe erhẹn ẹgbo ne ọ zẹ okpighogho ghe odukhunmwu.

Aizaia 9:19

Rhunmwuda ne ohu na mu e Nọyaẹnmwa ne Oghodua, ikhi ne ọ rria emwa re gha to vbe erhẹn vbe otọe nii hia, ọ kevbe gha fuẹn emwi nii hia a, ọ keghi do khian ne dọmwadẹ ọghọe ghi na sinmwi uhunmwu ẹnrẹn.

Ezikiẹl 20:38

I gha viọ iran ni sọtẹ kevbe ni ru orukhọ. I gha viọ iran hin otọe ne iran ye na rre sokpan mẹ i ra gie iran werriegbe gha rrie otọ Izrẹl. Ẹghẹ nii, wa gha na rẹn ighe mẹ ọrọre Nọyaẹnmwa.”

Ezikiẹl 21:32

Erhẹn gha fuẹn uwa a. A gha gbe esagiẹn uwa yotọ vbe ẹvbo uwa tobọ uwa, a i ghi vbe miẹn ọmwa rhọkpa ne ọ gha ye uwa rre ọvbehe.’ ” E Nọyaẹnmwa guaan nẹ.

Ezikiẹl 24:11

Banbanna nian, mu uwawa ẹrọnmwọ nii yan erhẹn, ne u gie ẹe vbe viẹn kpaan. Ẹghẹ nii ọ re awua gha na lahin ukodo nii rre vbe a ghi gien ọtọn kua nẹ.

Ezikiẹl 34:17

“Rhunmwuda ọnii, wa ne ohuan mwẹ, mẹ ne Nọyaẹnmwa ne Udazi tama uwa nian wẹ I gha bu ohiẹn uwa, I ghae emwi esi wannọ hin emwi dan rre, ohuan hin uwu ẹbu avbe ẹwe rre.

Ezikiẹl 7:10

Ẹdẹ ọfuan dee. Uyinmwẹ ikẹtin ra gba ehehia. Itengbemu hin ukpo ne ọ yo.

Joẹl 2:1

Wa kpe okpe, wa si orhu okuo vbe Zaiọn ne oke nọhuanrẹn Osanobua. Wa gha guọ ivbi e Juda! Ẹdẹ e Nọyaẹnmwa dee ẹgiẹgiẹ.

Joẹl 2:31

Owẹn gha so ebiebi uki ghi do gha baa vbe esagiẹn ọ te sẹ ẹdẹ ne ẹdẹ nọkhua, ẹdẹ ugborrirri, ọghe Nọyaẹnmwa nii, gha ya egbe ladian.

Emọs 2:9

“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Obedaia 1:18

Ivbi e Jekọb kevbe Josẹf gha ye vbe erhẹn, iran gha fuẹn ivbi Isọ ua. Vbene erhẹn giẹn ebe ne ọ kakae, ọkpa ne ọ gha miẹn uhunmwu i rre ivbi Isọ. Mẹ ne Nọyaẹnmwa ọ re ọ taa ẹe.

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.

Zẹfanaia 1:14

Ẹdẹ nọkhua ọghe Nọyaẹnmwa sikẹ otọ nẹ, ọ wa sẹẹ otọ fo, ọ wa dee ẹgiẹgiẹ! Ẹdẹ ne ẹdẹrriọ gha wa rriara, rhunmwuda, ovbiyokuo ne ọ wegbe sẹ gha rhie urhu hoho ua ẹdẹrriọ vbe ẹtin a ghi fo ẹe!

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Zẹkaraia 14:1

Ẹdẹ ne Nọyaẹnmwa ra tota gha bu ohiẹn sẹ otọ nẹ. Ẹdẹrriọ, a gha fu emwi viọ vbe Jerusalẹm, a ghi wa vbe sirra ruẹ gha ghae emwi ne a fu viọ nii.

Malakai 3:15

Vbene ima ghi ghe ẹre na, iran ni tọn egbe mu ọ re ọ ghi rre uwu oghọghọ. Ẹire wẹ te agbọn wa ma emwa dan ọkpa, sokpan iran ghi ye uyinmwẹ dan iran danmwẹ Osanobua ghe ne egbe wọ ẹre, a i vbe ru iran emwirhọkpa.’ ”

Malakai 3:18

Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

Malakai 3:2

Sokpan, de ọmwa ne egbe ẹre gha rrọ ẹdẹ ne ọ ra rre? De ọmwa ne ọ gha miẹn uhunmwu vbe ọ gha ya gbe ladian? Te irẹn ra ye vbe evbakhuẹ ne ọ wegbe, zẹ vbe erhẹn ne ọ kpe ematọn huan.

Malakai 3:3

Te irẹn ra do bu ohiẹn zẹ vbe ọmwa ne ọ kpe, kevbe ne ọ vbe ya esiliva khian ọgbọn. Zẹ vbene ogun ẹrọnmwọ kpe esiliva kevbe igoru, erriọ ukọ e Nọyaẹnmwa ra kpe avbe ohẹn huan ne iran miẹn ehe na gha viọ emwi ihaoko ne ọ kere gie Nọyaẹnmwa.

Malakai 4:5

Sokpan, vbene ẹdẹ nọkhua ne ọ muohan ọghe Nọyaẹnmwa te do rre, I gha gie Elaija ne akhasẹ bu uwa gha dee.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Iyẹn ne ọ Maan Ọghe Luk 19:43

Ghe, ẹdẹ ne u gha vba vbe egbe dee, avbe eghian ruan gha gbe odin lẹga ruẹ, iran ghi ke uẹ ye ako, iran ghi hẹ rhu uẹ vbe igienenẹ.

Iyẹn ne ọ Maan Ọghe Luk 21:20

“Wa ghẹ ghi miẹn ighẹ ivbiyokuo lẹga Jerusalẹm, wa ghi rẹn ighẹ te a ghi ra dunmwu ẹn ruan.

Iyẹn ne ọ Maan Ọghe Luk 6:23

Ọ gha ye rriọ, wa gha ghọghọ, wa gha kuu ne uwa gha ghọghọ, rhunmwuda, ere nọkhua rre otọ khẹ uwa vbe ẹrinmwi rhunmwuda erriọ zẹẹ avbe erha iran ru avbe akhasẹ.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

II Pita 3:7

Sokpan agbọn kevbe ẹrinmwi ne ọ rrọọ banbanna, ẹmwẹ ọkpa ni ọghe Osanobua, ọre a ya da ẹe yi, ne a do ya erhẹn fuẹn ọnrẹn uan. Te a viọ iran hinrre khẹ ẹdẹ ne a gha gui ẹzọ avbe emwa dan ne a fuẹn iran uan.