Malakai 3:8 - Edo Bible (E Baibol Ẹdo) Version 1996

⁸ Wa dọlegbe bu mwẹ gha dee mẹ gha bu uwa gha dee. Sokpan wa nọ rẹn wẹẹ, “De emwi ne ima gha ru ya dọlegbe bu ruẹ gha dee?” I nọ uwa nian, “Ọ kere ne ọmwa gha mu Osanobua ru ra?” Wa rẹnrẹn wẹ ọ ma kei, sevba, wa gha mu mwẹ ru. Wa nọ rẹn wẹẹ, “Odẹ vbo?” Vbe ẹmwẹ a ghae ye ihe ighe kevbe imuohan.

Malakai 3:8 ပူးပေါင်းရင်းမြစ်များ

Psalm 29:2

Wa rho eni uyi ọghe Nọyaẹnmwa gbe uhunmwu ke otọ ne Ne ọ huarẹn ọghọe vbe ọ gha ya egbe ladian.

Itan 11:24

Emwa eso rrọ ni lo igho iran wọrhọwọrhọ, ẹfe iran ghi ye gha maa yọ, eso ghi gha hẹko lo ẹre, sevba, ọ ghi ye gha khian ovbiogue.

Aizaia 43:23

Wa ma viọ ese ohuan ne a giẹn uan ọghe uwa gunmwẹ, wa ma ye ese uwa ye ọghọ mẹ. I ma nọ ese ne azọ, ya mu ẹsọn ne uwa gha miẹn ra ne I ya ẹmwẹ eturari ne I nọ, wọ uwa egbe.

Levitikọs 19:25

Sokpan vbe ukpo ne ogisẹn, wa sẹtin gha rri ọmọ erhan nii. Wa gha ru vbenian, erhan uwa ghi kakabọ gha mọ yọ. Mẹ ọre Nọyaẹnmwa Osanobua ruẹ.

Zẹkaraia 5:3

Rẹn keghi tama mwẹ wẹẹ, “Emwi ne a gbẹn ye uwu ẹre ọrọre ihen ne a ra tie ne uhunmwu otọe hia. Vbe obọkpa vbe ebe nii, a gbẹn ọẹn yọ wẹ a gha hẹ avbe oyi hia kua vbe otọe nii; a keghi gbẹn ye obọ nọkpa wẹ emwa ni ye ta ohoghe vbe iran a vbe vẹn ihen nẹ, a gha vbe hẹ iran kua.

Malakai 1:13

Wa ghi kha wẹẹ, ‘Ena hia wa khan ima,’ wa ghi gha tọn ukpihue mu ghe mwẹ, wa gha ra ha oko gunmwẹ, wa ghi mu aranmwẹ ne uwa do mu rre, ra ne ọ kun use ra ne ọ khuọnmwi. Wa yayi ighe mẹ gha rhan obọ miẹn uwa ọnii ra?

Malakai 1:8

“Ne uwa na mu aranmwẹ ne ọ rhu arọ ra ne ọ kunse ra ne ọ khuọnmwi do ya gha zọ ese ghe mwẹ ni, te uwa ro ighe emwi esi ọre ọnii khin ra? Wa mu egbe aranmwẹ vberriọ gie e gọvina ghe! Wẹ yayi wẹ ẹko ruẹ gha rhiẹnrhiẹn ọẹn ra ne ọ ru ẹse nuẹn?”

Matiu 22:21

Iran wanniẹn tama rẹn wẹẹ, “Ọ ghe Nọgbaisi nọ” Jesu wanniẹn tama iran wẹẹ, “A deghẹ erriọ nọ, wa rhie ne ọre ọghe Nọgbaisi ne ẹn ne uwa vbe rhie ne ọ re ọghe Osanobua ne Osanobua.”

Iyẹn ne ọ Maan Ọghe Mak 12:17

Jesu wanniẹn tama iran wẹẹ, “Rhunmwuda ọnii, wa rhie emwi ne ọ re ọghe Nọgbaisi nẹ ẹn, ne uwa vbe rhie ne ọ re ọghe Osanobua ne Osanobua!” Ẹmwẹ ọnrẹn keghi wa yan iran unu uan.

Iyẹn ne ọ Maan Ọghe Luk 20:25

Rhunmwuda ọnii, Jesu tama iran wẹẹ, “Wa rhie emwi ne ọre ọghe Nọgbaisi nẹẹn ne uwa vbe rhie ne ọre ọghe Osanobua naẹn.”

Ebe ne Pọl gbẹẹn gie emwa Rom 13:7

Rhunmwuda ọnii wa ha osa kevbe igho ne a fian ye emwi ne uwa mwẹ ne iran, wa ghi vbe gha ye ọghọ vbe ute da ne iran.

Ebe ne Pọl gbẹẹn gie emwa Rom 2:22

U khare wẹ, “Wa ghẹ ghẹ.” Sokpan, wẹ ghẹ ra? Te amazẹ hia wa sọnnọ ọn, sokpan u do emwi hẹ vbe aro ẹbọ ra?

Jọsua 7:11

Izrẹl rukhọ nẹ. Ẹmwẹ ne ima gba ta ne I wẹ ne iran rhie mwẹ, iran rra ẹre. Iran viọ eso vbe uwu emwi ne a wẹ ne a fuẹn uan. Iran duẹe viọ, iran vbe ta ohoghe yọ, iran na viọ iran ba emwi iran.