Malakai 3:7 - Edo Bible (E Baibol Ẹdo) Version 1996

⁷ Zẹ vbene avbe erha uwa odede ru, ọre uwa vbe ru, ne uwa na fi iyeke gbe uhi mwẹ, wa ma vbe ya iran ru emwi.

Malakai 3:7 ပူးပေါင်းရင်းမြစ်များ

Nehimaia 9:26

“Sokpan, emwa ruẹn sọtẹ, iran ma họn ẹmwẹ ne uẹn iran keghi fi iyeke gbe Uhi ruẹ, iran gbele avbe akhasẹ ni bu iran ude ni tama iran ne iran dọlegbe bu ruẹ gha dee iran kegha yagha a yan egbe yan egbe.

Aizaia 65:2

Te imẹ te wa mu egbe vbe ẹghẹ hia ne I ya miẹn avbe emwa mwẹ yi, iran ni ya izevbudu ru emwi ne ọ ma gba, iran na gha ru ọghe iran khian.

Jerimaia 16:11

Ẹghẹ nii u ghi tama iran wẹẹ, ‘E Nọyaẹnmwa khare wẹ, avbe erha uwa odede fi iyeke gbe mwẹ, iran ke ya gha ghoo, iran keghi ya gha gaa avbe ẹbọ ọvbehe. Iran hee mwẹ yotọ, iran ma rhie emwi ne ima iran re.

Jerimaia 16:12

Sokpan wa ọ re ọ wa vbe rhia sẹẹ avbe erha uwa odede. Wa hia ọ re ọ wa ze vbe udu, wa kevbe mwẹ ekhọe dan, wa i vbe hẹnmwẹ mẹ.

Jerimaia 3:22

Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Jerimaia 7:25

Ke ẹdẹ ne erha uwa ke Igipt ladian gha dee do sẹ ẹdẹnẹrẹ na, te I gha gie avbe eguọmwadia mwẹ ighe avbe akhasẹ gie uwa.

Jerimaia 7:26

Sevba ọmwa ne ọ zẹyọ ra ne ọ vbe danmwehọ I rrọọ, sokpan, wa keghi do ze vbe, udu wa keghi vbe sọtẹ sẹẹ avbe erha uwa odede.

Ezikiẹl 2:3

“Ovbi ọmwa, I ra giọ bu ivbi Izrẹl gha khian. Iran sọtẹ, iran keghi mu aro igbinna da mwẹ, etẹ nii ọ re iran ye khin na, zẹ vbene avbe erha iran odede vbe gha ye.

Ezikiẹl 20:13

Uhin wẹ vbe uwu ato, iran ke wa gha yagha mwẹ. Iran rra uhi mwẹ, iran keghi vbe fi iyeke gbe iyi mwẹ ne ọ rhie arrọọ ne ọmwaikọmwa ne ọ ya ẹe ru emwi. Iran ke wa mu Ẹdẹ Ikẹtin rhiaa fẹẹrẹ, I te wa mu egbe ne I gie iran họn obọ ohu mwẹ vbe egbe vbe uwu ato nii, ne I wa fuẹn iran an.

Ezikiẹl 20:21

Sokpan, orre nii keghi vbe yagha mwẹ. Iran rra uhi mwẹ, iran ma ya iyi mwẹ ru emwi, iyi ne ọ rhie arrọọ gie ọmwaikọmwa ne ọ ya ẹe ru emwi. Iran mu Ẹdẹ Ikẹtin rhia. Mẹ te wa mu egbe ne I gie iran họn ẹmwẹ obọ ohu mwẹ vbe egbe vbe uwu ato vba, ke ne I wa gbele iran hia a.

Ezikiẹl 20:28

I viọ iran gha die otọ ne I wẹ I gha mu ne iran. Iran ghi miẹn avbe oke ni yo kevbe avbe erhan ni mwẹ ebe nunuunu, iran kegha zọ ese vbe ehe ne ehia ye.

Ezikiẹl 20:8

sokpan, iran yagha mwẹ, iran ma danmwehọ, iran ma viọ amazẹ osọnnọ iran kua ra ne iran sẹ avbe ẹbọ Igipt rae. Mẹ keghi te wa mu egbe ne iran họn ẹmwẹ obọ ohu ne ọ mu mwẹ vbe egbe vbe Igipt vbe odọ niii.

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Zẹkaraia 1:3

sokpan, banbanna nian, mẹ tama uwa wẹẹ wa werriegbe bu mwẹ gha dee, mẹ gha vbe werriegbe bu uwa rre.

Malakai 1:6

E Nọyaẹnmwa ne Oghodua tama avbe ohẹn wẹẹ, “Te ọmọ ya ọghọ ne erha ẹe, ọviẹn vbe ya ọghọ ne arowa ẹre. Mẹ ọrọre erha uwa, vbọzẹ ne uwa i na ya ọghọ mẹ? Mẹ ọrọre arowa uwa, vbọzẹ ne uwa i na lohan mwẹ? Wa zan mwẹ wa ghi ye vbe gha nọ wẹẹ, ‘Vbe ima ya zan ruẹn hẹ?’

Malakai 3:13

E Nọyaẹnmwa khare wẹẹ, “Ẹ i re avbiẹ ẹmwẹ dan wa he talọ vbe ekpa mwẹ. Sokpan, wa keghi vbe nọ wẹẹ, ‘De ẹmwẹ ne ima tae vbe ekpa ruẹ?’

Matiu 23:27

“U miẹn agbọn ne uwa ye, enimaemwa Uhi kevbe Farisi, ayunukpaegbe! Wa ye vbe idin ne a ye orhue dọlọ, ne odukhunmwu ẹnrẹn ye mose mose, sokpan uwu ẹre vuọn ne ugboloko orinmwi kevbe osọnnọ ẹwia.

Iyẹn ne ọ Maan Ọghe Luk 15:16

Ọ te khọn rẹn ne ọ gha rri ikpakpalọ ne a ya koko avbe esiebo nii ne ẹko vuọn sokpan ọ ma miẹn ne ọ rhie nẹẹn.

Ebe ne Pọl gbẹẹn gie emwa Rom 10:21

Sokpan ọ ghi ra guan vbe ekpa Izrẹl, ọ wẹẹ, “Ẹdẹ hoho rhurhuurhu ọre I ya viọ obọ da odẹ wẹ ne iran dede ighẹ ẹvbo ne ẹ i họn ẹmwẹ kevbe ne ọ sọtẹ.”

Ebe ne Pọl gbẹẹn gie emwa Rom 10:3

Rhunmwuda iran ma rẹn vbene Osanobua ya dọlọ ọmwa kugbe be egbe ẹre hẹ, iran keghi rhunmwuda ọnii gha bẹlẹ odẹ ọghe egbe iran, rhunmwuda ọnii, iran ma ghi ye obọ ye Osanobua re vbekpa ọghe vbene ọ ho ne ọ ya dọlọ iran kugbe ba egbe irẹn hẹẹ.

Ebe ne Pọl gbẹẹn gie emwa Rom 7:9

Mẹ tobọ mwẹ ka gha rre agbọn yi vbe ne uhi i na rre evba, sokpan, a ghi yi uhi nẹ nian, orukhọ keghi rhiọrre, mẹ na ghi wu.

Diuteronomi 31:20

I gha viọ iran gha rrie otọe esiesi ne ọ maa emwiokọ na, zẹ vbene I tama avbe erha iran odede. Evba nii i. iran gha miẹn dọmwadẹ evbare ne iran ho, iran gha vbe gha rrọ vbe uwu ẹkovọnmwẹ, sokpan iran gha fi iyeke gbe, iran ghi ya gha gho ẹbọ ọvbehe. Iran gha he mwẹ ye otọ, iran ghi vbe rra ile mwẹ.

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.