Malakai 3:6 - Edo Bible (E Baibol Ẹdo) Version 1996

⁶ Mẹ ọrọre Nọyaẹnmwa, mẹ i vbe fiwerriẹ. Rhunmwuda ọnii wa ma he wa wirua fo, wa ne ivbi uniẹn e Jekọb.

Malakai 3:6 ပူးပေါင်းရင်းမြစ်များ

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

Gẹnẹsis 15:7

Ẹre Nọyaẹnmwa na tama rẹn wẹẹ, “Mẹ ọrọre Nọyaẹnmwa ne ọ we ne u kpao vbe Babilonia rre, ne a miẹn ehe na mu otọe na nuẹn zẹ vbe ọwuẹ.”

Gẹnẹsis 22:16

“I ye eni mwẹ yan, Nọyaẹnmwa ọre ọ guan na, wẹẹ I gha fiangbuẹ ẹsẹse rhunmwuda emwi ne u ru na ne u ma na gun mwẹ sinmwi ovbuẹ,

Psalm 102:26

A gha ho iran bẹkun, sokpan, wẹ gha rrọọ, ehia gha rẹnhuan zẹ vbe ukpọn, a gha ho iran bẹkun.

Psalm 102:27

Sokpan, abọ ọkpa ni wẹ ye ẹdẹ, ẹdagbọn ruẹn i vbe mwẹ ọfo.

Psalm 102:28

Avbe ivbi mwa gha rrọọ vbe ai mwẹ ẹbe, kevbe wẹ, rhunmwuda ighe wẹ ọre ọ tan obọ gue iran avbe ivbi iran gha rrọọ zẹ vbe emwa ne ẹkun sẹ ọre otọ.

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 78:38

Sokpan, Osanobua tohan emwa rẹn ọ ya orukhọ iran bọ iran, ọ ma fuẹn iran an. Ẹghẹ nibun ọ re ọ ya mu ohu ne ọ te mu ẹẹn yotọ ọ ke vbe werriegbe vbe ohu ẹre nọkhua.

Psalm 78:57

Sokpan iran sẹ ẹmwẹ ọnrẹn, iran ma guobọ ẹre, vbene avbe erha iran wa vbe ru, iran khian ne ẹ i gia mu ẹtin yan zẹvbe uhanbọ ne ọ gọe.

Aizaia 41:13

Mẹ ọrọre Nọyaẹnmwa, Osanobua ruẹ, I rhie iwegbe ne uwa, I keghi tama uwa wẹẹ, ‘Wa ghẹ mu ohan, I gha yi uwa obọ.’ ”

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 46:4

Mẹ ọrọre Osanobua uwa, I gha gbe aro ghe uwa rhinrin wa te do khian ọmaẹn, ne uwa fu edẹ. Mẹ ọ re ọ yi uwa, I gha gbearoghe uwa I gha rhie iyobọ ne uwa, I ghi fannọ uwa vbe irri.

Jerimaia 32:27

“Mẹ ọrọre Nọyaẹnmwa, ne ọ re Osanobua emwa nagbọn hia. Emwi okpa i rrọọ ne ọ wegbe gbe ne imẹ.

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Hozia 11:9

Mẹ i ra ya ohu rri uwẹ oya. Mẹ i ra dọlegbe fuẹn Izrẹl rua ọvbehe rhunmwuda, Osanobua mẹ khin ighe ẹ i re ọmwa kẹkan. Mẹ, ne Ọmwa Nọhuanrẹn, mẹ gu uwẹ rrọ. Mẹ i ra ya ohu bu rua rre.

Habakọk 1:12

E Nọyaẹnmwa, ke omuhẹn fẹẹrẹ gha dee, wẹ ọrọre Osanobua. Wẹ ọrọre Osanobua mwẹ, nọhuanrẹn kevbe etẹbitẹ. Nọyaẹnmwa, Osanobua kevbe ọmwa ne ọ degue mwẹ hin ẹbe rre, wẹ hannọ ivbi e Babilọn zẹ, u keghi ya iran wegbe ne iran miẹn ehe na gha rri ima oya.

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Ebe ne Pọl gbẹẹn gie emwa Rom 5:10

Eghian Osanobua ọre ima te gha khin, sokpan rẹn keghi la ekpa uwu ovbi ẹre ya ima khian ọse ẹre. Vbe ne a ghi na miẹn na ighẹ ọse Osanobua ma ghi khin, u ma rẹn ẹ i mwẹ ọ ma ye arrọọ ọghe Kristi miẹn ima fan.

Filipai 1:6

Rhunmwuda ọnii, aro mwẹ wa da ọna wẹ, Osanobua nọ suẹn iwinna esi na vbe uwu uwa, gha ru ẹe gha khian rhinrin a te do ru ẹe fo, vbe Ẹdẹ Kristi Jesu.

Hibru 13:8

Jesu Kristi ọkpa ne ọ rrọọ nodẹ, ọre ọ rrọọ ẹre na, rẹn ọre ọ khian vbe gha rrọọ akhuẹ kevbe ẹdẹdẹmwẹdẹ.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Arhie Maan 1:8

“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.

Arhie Maan 22:13

Mẹ ọrọre Alfa Kevbe Omega, okaro kevbe okiekie, omuhẹn kevbe ufomwẹ.”

I Samuẹl 15:29

Ọba Oghodua ugborrirri ọghe Izrẹl i ta ohoghe ra ne ọ gha fi ekhọe werriẹ, rẹn i re ọmwa kẹkan, ẹ i gbe yo gbe rre.”