Malakai 3:18 - Edo Bible (E Baibol Ẹdo) Version 1996

¹⁸ Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

Malakai 3:18 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

Job 17:10

Sokpan, iran gha do tẹn yọ mwẹ odaro, I i ra miẹn ọkpa kẹkan ne ọ wan vbọ.

Job 6:29

Ehe ne uwa he khian sẹ ni, sẹe. Wa do bọ a i ta ẹmwata yi. Wa ghẹ hu abe mẹ. Mẹ ọ re ọ rria asẹ.

Ẹksọdọs 11:7

Sokpan vbe ehe ne avbe ivbi Izrẹl ye, ekita i ra gbọ ọmwa ra emwirri rhọkpa vbọ, ne uwa miẹn ehe na rẹn wẹ e Nọyaẹnmwa rhie alughaẹn ye ẹkpo ivbi Igipt kevbe ivbi Izrẹl.’ ”

Jerimaia 12:15

Sokpan, I gha viọ iran kpao nẹ, I gha tohan iran, I gha viọ dọmwadẹ uhunmwu ẹvbo dọlegbe gha die otọ ẹre kevbe ẹvbo ẹre.

Daniẹl 2:18

Ọ na tama iran wẹ ne iran na erhunmwu ghe ọba ẹrinmwi ne ọ tohan iran, ne ọ vbe rhan otọ oro nii ma iran, ne a ghẹ miẹn ehe na gbele iran an ba avbe iguọbaziro nekpa vbe Babilọn.

Joẹl 2:14

Ughaghe, e Nọyaẹnmwa ne Osanobua rua gha fi ekhọe werriẹ, ọ ghi ye emwiokọ nibun ru uwa ẹse. Ẹghẹ nii, wa ghi vbe ha oko ọka kevbe ayọn gie ẹe.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Malakai 1:4

Adeghẹ emwa Idọm ne ivbi uniẹn Isọ ghi vbe kha wẹẹ, “A guọghọ ima ẹvbo rua, sokpan, ma gha dọlegbe họlọ iran,” ẹghẹ nii, e Nọyaẹnmwa ghi vbe wanniẹn wẹẹ, “Gie iran dọlọ ẹe bọ, I gha dọlegbe dunmwu ẹẹn sẹ otọ. Emwa ghi gha tie iran ‘Ẹvbo dan’ kevbe ‘Uhunmwu ẹvbo ne ohu ẹre mu e Nọyaẹnmwa ẹdẹdẹmwẹdẹ.’ ”

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Iyẹn ne ọ Maan Ọghe Jọn 12:26

Ọmwa ne ọ ho ne ọ gha ga mwẹ, ọ kere ne ogha lele mwẹ, ọnii nọ wẹẹ, ehe ne imẹ ye ọre ọguọmwadia mwẹ gha vbe gha ye. Erha mwẹ gha ye ọghọ ne ọmwa ne ọ rhirhi ga mwẹ.

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Iwinna 27:23

Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Ebe ne Pọl gbẹẹn gie emwa Rom 1:9

Osanobua ne imẹ ya ekhọe mwẹ hia ga vbe uwu ne I na ya ekhọe mwẹ hia kpe orhu Iyẹn Ne ọ maa rẹnrẹn ighẹ ẹghẹ ne I ya na erhunmwu hia ọre I ya ye uwa rre.

I Tẹsalonaika 1:9

Iran na hia wa ta ẹe khian, ighẹ ẹmwẹ vbe ne uwa rhan obọ miẹn ima hẹ vbe ima do miẹn uwa, kevbe vbene uwa ghi fi iyeke gbe ẹbọ hẹ do gha ga Osanobua ne ọre Osanobua ẹmwata ne ọ rrọọ.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”