Malakai 3:16 - Edo Bible (E Baibol Ẹdo) Version 1996

¹⁶ Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Malakai 3:16 ပူးပေါင်းရင်းမြစ်များ

Gẹnẹsis 22:12

Rẹn tama rẹn wẹẹ, “Ghẹ kuan ọmọ nii egbe, ghẹ vbe ru ẹre emwi rhọkpa.” I rẹnrẹn nian wẹẹ, “U mu egbe ne u ya gha hẹnmwẹ ne Osanobua, rhunmwuda, u ma gun mwẹ sinmwi ovbuẹ ne ukpọmọkpa.”

II Samuẹl 7:1

Vbe ẹghẹ na nian, te obọ e Devid ghi wa gba otọe arriọba ẹre hia ẹsẹse, e Nọyaẹnmwa keghi vbe rhie ẹre lẹre hin obọ avbe eghian rẹn hia rre.

I Ọba 18:12

A deghẹ I ghi kpao nẹ orhiọn e Nọyaẹnmwa tọ ọn mu gha rrie ehe ne a ma rẹn vbo? Ẹghẹ nii, mẹ gha ghi tama Ehab ighẹ u rre emwa, ighẹ rẹn ma ghi miẹn ọn, ọ ghi gbe mwẹ uan. Yerre wẹ, ke ẹghẹ ọvbokhan mwẹ gha dee, ekhọe ọ re I ya ga e Nọyaẹnmwa.

I Ọba 18:3

Ẹre Ehab na tie Obedaia ne ọka ẹguae. Obedaia keghi re ọmwa ne ọ ye ekhọe ga e Nọyaẹnmwa,

II Krọnikol 6:7

E Solomọn keghi rhie te ẹe wẹẹ, “E Devid ne erha mwẹ keghi zẹe vbe iro ne irẹn bọ ọgua osa ne a gha na gha ga e Nọyaẹnmwa ne Osanobua ọghe Izrẹl.

Nehimaia 1:11

Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.

Ẹsta 2:23

A keghi gie emwa ni iran gualọ otọ ẹmwẹ na, a keghi miẹn wẹẹ, ẹmwata ọ re wa nọ. A keghi rhunmwuda ọnii silo emwa na rrọọ. Ẹre ọba na wẹ ne a gbẹn emwi na ye otọ vbe ebe isiemwiẹro ọghe otọe arriọba nii.

Ẹsta 6:1

Vbe asọn ne a kha na, ọba ma miẹn ovbe, ọ na wẹ ne a mu ebe ne a gbẹnnẹ emwi ni sunu vbe otọe arriọba yi rre ne a do gha tie ẹre ma iran.

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Psalm 10:4

Ọmwa dan i vbe zẹ ye Nọyaẹnmwa re vbe uwu itengbe mu ẹnrẹn, ọ rorẹe wẹ, Osanobua imwẹ asa ne ọ khin.

Psalm 104:33

I gha so ihuan ghe Nọyaẹnmwa, vbe ẹdẹ agbọn mwẹ hia, inu ẹghẹ ne I gha ya vbe agbọn hia; I gha so ihuan urhomwẹ ghe Osanobua mwẹ.

Psalm 111:10

A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.

Psalm 115:13

Ọ gha fiangbe iran hia ni ye ọghọ ne ẹẹn, ke ne ọ kpolo, kevbe ne ọ kanmwa.

Psalm 119:63

Ọse iran hia ni gaa ọ re imẹ khin, iran hia ni ya uhi ruẹ ru emwi.

Psalm 139:4

Uhin vbe I te guan ladian; u rẹn ẹmwẹ ne I ra ta nẹ.

Psalm 147:11

Sokpan iran ni ya ọghọ ne ẹẹn ọ re ọ ye ẹko rhiẹnrhiẹn ọẹn iran ni mu ẹtin van aho ẹmwẹ ọmwa rẹn ne ẹ i beghe.

Psalm 16:3

Wẹ miẹn uyi ne ọ rre iran egbe. Ighe iran ni guobọ e Nọyaẹnmwa. Ne I gha rre uwu ẹbu iran, ọrọre ne ọ ghi sẹ mwẹ ọyẹnmwẹ sẹẹ.

Psalm 20:7

Arhin eso mu ẹtin yan ikẹkẹ okuo iran, eso vbe mu ẹtin yan ẹsin iran. Sokpan ma mu ẹtin yan ẹtin e Nọyaẹnmwa ne Osanobua ima.

Psalm 33:18

E Nọyaẹnmwa ọ re ọ gbearoghe iran ni ya ọghọ ne ẹẹn. Iran ni mu ẹtin yan ahoẹmwọmwa rẹn ne ẹi beghe.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Psalm 56:8

Wẹ rẹn vbene obọ orueghe da mwẹ sẹ hẹ, wẹ gbẹnnẹ ẹmwẹ ameve mwẹ ye otọ nẹ, a ma mwamwa iran ye otọ vbe ẹbe ruẹ ra?

Psalm 56:9

Ẹdẹ ne I gha kpe tie ruẹ avbe eghian mwẹ gha lẹ werriegbe mẹ rẹn ọnọna wẹ, mẹ ọ re Osanobua ya ba,

Psalm 66:16

Wa danmwehọ wa hia ni ya ọghọ ne Osanobua mẹ gha vbe ta emwi ne ọ ru mẹ ma uwa.

Psalm 94:19

Ẹghẹikẹghẹ ne udu mwẹ ya mu waa I na vbe gha hawa u ghi fu mwẹ ẹko rre u ghi ya mwẹ sẹ ọyẹnmwẹ.

Ẹksọdọs 32:32

Sokpan, banbanna nian, lahọ ya orukhọ iran bọ iran. Adeghẹ u i ra ya bọ iran, lahọ khiẹn eni mwẹ hin ebe ne u gbẹnnẹ eni emwa ruẹn yi rre.”

Itan 13:20

Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.

Aizaia 26:3

E Nọyaẹnmwa, wẹ ọ re ọ rhie ọfumwegbe ne iran, ni mudia ẹse vbe iro ekhọe iran iran na vbe mu ẹtin iran ya ruẹn.

Aizaia 26:8

ma lele vbene uwẹ ho, ma mwẹ idaehọ vbe uwu uwẹ, wẹ okpa ọrọre emwi ne ima ho.

Aizaia 4:3

Emwa hia ne a ghi sẹrae vbe Jerusalẹm, iran ne Osanobua hannọọ zẹ vbọ wẹ ne ọ miẹn uhunmwu, a gha tie iran nọhuanrẹn.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Aizaia 65:6

“I mwamwa oya ne I gha rri iran re yotọ nẹ. Avbe gbẹn abe ne a bu gbe iran yotọ nẹ. Mẹ i ra fi aro ua vbe emwi ne iran ru, I gha ha ẹre werriegbe ne iran

Jerimaia 31:18

“I họn vbe ivbi Izrẹl ye akhiẹ tae wẹẹ, ‘E Nọyaẹnmwa, te ima te yevbe aranmwẹ ne a ma rri sokpan, wẹ keghi ma iran re ne a gha họn ẹmwẹ. Viọ ima werriegbe rre, ma mu egbe ne a ya bu ruẹ gha dee, e Nọyaẹnmwa ne Osanobua mwa.

Jerimaia 8:6

I wa gbe ehọ kotọ gha danmwehọ, sokpan wa ma ta ẹmwata. A ma miẹn ọkpa ne ọ vbe khiẹ ye ẹmwẹ emwi dan ne ọ ru. A ma miẹn ọkpa ne ọ, vbe nọ wẹẹ, ‘De emwi ne I baku ru?’ Dọmwadẹ ọghọe wa rhie uhunmwu da odẹ ọre zẹ vbe ẹsin ne ọ khọn rrie okuo.

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

Daniẹl 12:1

Odibosa ne ọ yọ ukpọn eto ovbiohuẹ nii keghi kha wẹẹ, “Ọ ghẹ ghi sẹ ẹghẹ nii, e Maikẹl ne ọka odibosa ne ọ gbearoghe avbe emwa ruẹn gha yegbe ladian, ẹghẹ orueghe ghi rre, egbe ne ọ he khọrhiọn sẹẹ, ke ne a ya bu agbọn tua agbọn. Ọ gha sẹ ẹghẹ nii, avbe ivbi ẹvbo ruẹ ne a gbẹnnẹ eni ẹnrẹn ye ebe Osanobua, a gha miẹn iran fan.

Daniẹl 7:10

Aranmwẹ erhẹn keghi ba kọe ladian. Arhunmwu arriaisẹn nibun kegha rre evba ne iran gha gae, arhunmwu arriaisẹn arriaisẹn nibun keghi mudia ye odaro ẹre. Iko ibuohiẹn nii keghi suẹn iwinna, a na we avbe ebe.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Iyẹn ne ọ Maan Ọghe Luk 2:38

Vbe ẹghẹ ọkpa nii zẹẹ, rẹn keghi vbe rre, ọ rhie ekpọnmwẹ ne Osanobua, ọ keghi vbe guan vbekpa ọmọ ni ma emwa ni ghi rhie aro ye odẹ khẹ ne Osanobua, do miẹn Jerusalẹm fan.

Iwinna 1:13

Iran la Jerusalẹm, iran kegha rrie owa ne iran dia: Pita, Jọn, Jems, kevbe Andru, Filip kevbe Tọmọs kevbe Batolomiu kevbe Matiu, Jems ne ovbi Alfiọs, Saimọn, ne ọya a ya sinmwi ẹvbo ọmwa, kevbe Judas ne ovbi e Jems.

Iwinna 10:2

Rẹn keghi re ọmwa ne ọ mwẹ ekhọe iyayi. Osanobua ọre irẹn kevbe ẹgbẹe ọre hia wa gaa. Ọ wa vbe hia vbe odẹ hia ne ọ gha ru iyobọ ne avbe Ju ni re ivbiogue.

Iwinna 2:1

Ugbẹn vbe ọ ghi sẹ ẹdẹ Pẹntikọst, iran ni yayi hia keghi si egbe koko ye ihe ọkpa.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Ẹfisọs 5:19

Wa gha ya ẹmwẹ e Psalm gu egbe guan, deba ihuan kevbe ihuan ugie, wa gha so ihuan kevbe Psalm ghe Nọyaẹnmwa, deba oghọghọ vbe uwu ekhọe uwa.

I Tẹsalonaika 5:11

Rhunmwuda ọnọna, wa gha rhie ẹtin ye egbe iwu, wa gha ye egbe obọ zẹ vbene uwa wa ruẹe na.

I Tẹsalonaika 5:14

Ma kakabọ tua unu muẹn ma uwa etẹn mwẹ, wa gha ye obọ sa ekhae ne iran ni si oroho, wa gha rhie udinmwẹ ne iran ni ma din, wa gha ye iran ni ma wo vbe egbe obọ, wa gha mu ẹmwẹ emwa hia wo egbe.

Hibru 10:24

Wa gie ima gha zẹ ye ẹmwẹ egbe, ne ima gha ye egbe obọ, ne a gha mwẹ aho ẹmwẹ ọmwa, kevbe ne a gha ru emwi esi.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

Hibru 3:13

Sokpan na ghẹ miẹn wẹ orukhọ rẹrẹ eso vbe uwu uwa do ya ẹe gha ze vbe udu, wa ghi gha ru iyobọ ne egbe ẹdẹgbegbe, ugbẹn vbe a miẹn wẹ “Ẹdẹnẹrẹ” ne ebe khare ye dekan ima.

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”

Arhie Maan 20:12

I keghi bẹghe emwa ni wulo nẹ ke ni kpọlọ kevbe ni kanmwa, ehia mudia ye odaro ẹkete nii. Iran kegha we ebe, a keghi vbe we ebe ọvbehe, ebe emwa ni ma he wu. A keghi bu ohiẹn avbe eniwulo nẹ zẹ vbene emwi ne iran ru ue, zẹ vbene a gbẹn ọẹn ye ebe ni.