Malakai 3:15 - Edo Bible (E Baibol Ẹdo) Version 1996

¹⁵ Vbene ima ghi ghe ẹre na, iran ni tọn egbe mu ọ re ọ ghi rre uwu oghọghọ. Ẹire wẹ te agbọn wa ma emwa dan ọkpa, sokpan iran ghi ye uyinmwẹ dan iran danmwẹ Osanobua ghe ne egbe wọ ẹre, a i vbe ru iran emwirhọkpa.’ ”

Malakai 3:15 ပူးပေါင်းရင်းမြစ်များ

Ẹsta 5:10

Sokpan, ọ keghi zin egbe, ọ na gha rrie owa, ọ keghi tie avbe esiọre hia gha die owa ẹre, ọ na wẹ ne Zeres ne amwẹ ọnrẹn vbe deba iran.

Job 1:22

Vbene emwi na hia ye sunu sẹ, e Job ma rukhọ vbe ekpa ne ọ gha na zan Osanobua.

Job 12:6

Avbe oyi kevbe emwa ni ma rẹn Osanobua, ghi gha rrọọ vbe ọfumwegbe. A gha rhe miẹn wẹ, ẹtin obọ iran ọrọre Osanobua iran.

Job 21:30

Ẹdẹ ne ohu gha mu Osanobua, ọ na wẹ rẹn ra rri emwa oya, ọmwa dan ọ re ọ la ban ẹghẹ hia.

Job 22:23

Ẹn, hẹko ya imuegberriotọ werriegbe bu Osanobua. Ne u kie ehia ukpe ighẹ avbe emwi dan ne a ru vbe owa ruẹ.

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Psalm 106:14

Iran keghi vuọn ne orriarria vbe uwu ato, iran na gha danmwẹ Osanobua ghe.

Psalm 141:4

Ghẹ gunmwẹ gha ho ne I ru emwi ne ọ ma gba, ra ne I deba emwa dan vbe uyimwẹ ọkhọ iran. I i gha gu iran rri evbare kugbe ẹdẹ.

Psalm 49:18

Gie a kha wẹ te agbọn na kue sẹ ọmwa ọkpa ọkẹn a na gha tian rẹn rhunmwuda ighe ọ dunna ne ẹẹn.

Psalm 58:2

Hiehiere! Emwi dan ne uwa ra ru ọkpa, ọ re uwa zẹ iro ẹre, wa ghi vbe gha ru orukhọ ekhọe dan vbe otọe nii.

Psalm 73:12

Erriọ iran ne emwa dan ye. Iran mwẹ emwi ọrhẹnrhẹn te iran ye miẹn nibun ba ẹre.

Psalm 73:3

Rhunmwuda, I kegha gbe ọ ma kan uwa ne iran ni tọn egbe mu, vbe I miẹn wẹ emwi wa dinna odẹ ne emwa dan.

Psalm 78:18

Iran na wa yan ru ẹe ne iran danmwẹ Osanobua ghe, vbe ne iran na gha nọ evbare ne ọ khọn iran.

Psalm 78:41

Iran kegha danmwẹ Osanobua ghe, iran keghi zẹ obalọ ye Ọmwa Ne ọ huanrẹn Izrẹl egbe.

Psalm 78:56

Sokpan, iran sọtẹ Osanobua ne Udazi, iran kegha danmwẹ ọẹn ghe, iran ma ya uhi ẹre ru emwi.

Psalm 95:9

Evba iran na danmwẹ mwẹ ghe, ne iran miẹn otọ mwẹ, egbe ne iran rhe ya miẹn emwi ne I ru ne iran nẹ.

Itan 12:12

Emwi okpa ne ọ rre ekhọe emwa dan ọrọre vbene iran gha na miẹn emwi dan ru hẹ, sokpan, ọmwa ẹmwata ghi mudia gbain.

Asan-Ibo 8:14

Ẹmwẹ oya ọ re ọna wa khin. Wẹ ghe emwi ne ọ sunu vbe agbọn na, ugbẹnso, emwa esi ghi ya uhunmwu hẹ oya ne ọ khẹke ọmwa dan, emwa dan, ghi ya rri ere ne ọ khẹke ọmwa esi, I wẹ ọna i maa.

Aizaia 2:22

Ghẹ mu ẹtin yan ọmwa ne ọ sẹtin wu. Vbe iran gbe vbe iran hẹẹ?

Jerimaia 7:10

Wa ru avbe emwi na ne ẹ i yẹ mwẹ, wa ghi vbe do gha mudia ye odaro mwẹ, vbe uwu ọgua Osa mwẹ, wa ghi vbe gha kha wẹẹ, ‘Ma rrọ vbe ai mwẹ ẹbe!’

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Daniẹl 6:16

Ẹre ọba ghi na wẹ ne a ya mu e Daniẹl fi uwu uvun ne a viọ avbe oduma vuọn ni. Ọ keghi tama e Daniẹl wẹẹ, “Te Osanobua ni ne u ye ekhọe ruẹ hia ga vberriọ gha miẹn ruẹn fan o.”

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Iwinna 12:21

Vbe ẹdẹ ne iran mwamwaẹn yi, e Hẹrọd keghi hẹ ukpọn ọba ẹre ye egbe, ọ keghi tota ye ẹkete ẹre, ọ na ke evba gha gu emwa rẹn guan.

Iwinna 5:9

Rhunmwuda ọnii, Pita tama rẹn wẹẹ, “Vbọzẹ ne uwẹ vbe ọdafọn na gha si uma wẹ, ne uwa do danmwẹ Orhiọn Nọyaẹnmwa ghee? Iran ni ya tọn ọdafọn ye otọ wa rre onurho nian, iran gha vbe mu uwẹ ladian ba ẹre.”

I Kọrinti 10:9

Wa ghẹ gia danmwẹ e Nọyaẹnmwa ghee, vbene eso ru vbe uwu iran, ne ẹyẹn na gbele iran uan.

Hibru 3:9

Osanobua khare wẹ, “Evba ọre avbe erha uwa odede na gha danmwẹ mwẹ ghe, vbe gualọ mwẹ ẹmwẹ ne unu. Egbe ne iran rhe ya miẹn ne I ru, vbe ọwara ukpo iyeva.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”