Malakai 3:14 - Edo Bible (E Baibol Ẹdo) Version 1996

¹⁴ Wa khare wẹẹ, ‘Ẹi zẹdẹ mwẹ esa ne a gha ga Osanobua. De esa ne ọ khin ne a gha ru vbene ọ khare ra ne a gha rhie ma e Nọyaẹnmwa ne Oghodua wẹ ọ da mwa ne ima na ru emwi ne ima ru?

Malakai 3:14 ပူးပေါင်းရင်းမြစ်များ

Job 22:17

Avbe emwa ni he Osanobua ye otọ ọ re ena khin, iran na yayi wẹ ẹ i miẹn emwi ru iran re.

Job 34:9

Ọ wẹ uhunmwu agbọn I zẹdẹ rrọ, ne a gha ru emwi esi ne a hia ne a lele vbene Osanobua ho.

Job 35:3

ra ne u vbe gha nọ Osanobua wẹẹ, ‘De ne o kan ruẹn vbe orukhọ ne I ru? De ere ne I gha miẹn vbọ rhunmwuda ighẹ I ma ru orukhọ?’

Aizaia 43:22

E Nọyaẹnmwa khare wẹẹ, “Sokpan, te ẹmwẹ mwẹ khan uwa, Izrẹl, wa ma ghi ga mwẹ.

Aizaia 58:3

Emwa nii nọrẹn wẹẹ, “Vbọzẹ ne ima gha na gha ya aguẹ yi adeghẹ e Nọyaẹnmwa i dẹghe ẹre. Vbọzẹ ne ima gha na gha ya ohanmwẹ rriegbe adeghẹ rẹn i zẹ yọ.” E Nọyaẹnmwa tama iran wẹẹ, “Ẹmwata ne ọ rrọ ọrọre wẹ ẹghẹ ne uwa na rre aguẹ, iwinna obọ uwa ọ re uwa mu aro da, wa ghi vbe gha wọ iran ni winna ne uwa uhunmwu.

Jerimaia 18:12

Iran gha wanniẹn wẹẹ, ‘Ẹn o, vbọzẹ? Ma gha wa ze vbe udu, a ghi vbe gha ru emwi dan khian zẹ vbene ima ho ne ima gha ru.’ ”

Jerimaia 2:25

Izrẹl, ghẹ wiẹn owẹ uwa a ra ne ẹho uwa vbe kaka ne uwa ya khọn lele ẹbọ ọvbehe khian. Sokpan, wa ghi kha wẹẹ, ‘Ẹn o, I i sẹtin werriegbe. Avbe ẹbọ ẹrrẹe la mwẹ aro nẹ, te I ra lele iran.’ ”

Jerimaia 44:18

Sokpan, ke ẹghẹ ne ima ya dobọ ese ne a zọ ghe Ọba okhuo ne Ẹrinmwi yii gha dee, a na vbe dobọ ayọn ne a sa ye otọ ne ẹẹn yii, ma ma miẹn emwi rhọkpa, emwa ima wulo vbe okuo, ohanmwẹ vbe gbele eso ua.”

Hozia 7:16

Iran keghi wa gha fi iyeke gbe mwẹ iran na gha lẹ bu ẹbọ ne ẹ i mwẹ ẹtin rhọkpa yo. Zẹ vbene uhanbọ ne ọ gọe ye, ne ẹ i na gia mu ẹtin yan, erriọ ọre iran ye. Rhunmwuda ẹmwẹ uhiomwẹ ne iran ta, avbe ọkaolotu iran gha wulo uwu dan, ivbi Igipt ghi vbe gha giẹ.”

Joẹl 2:12

“Sokpan, vbene emwi hia ye ye na, wa fiwerriẹ ne uwa bu mwẹ gha dee, ekhọekekhọe hia, deba aguẹ, kevbe eve kevbe akhiẹ.” Erriọ Nọyaẹnmwa khare:

Zẹfanaia 1:12

Vbe ẹghẹ ne a kha na, I gha mu ukpa ya gualọ Jerusalẹm. Avbe iran ne ẹko owa iran vuọẹn ke ni ya obọ rra ẹwẹe iran, I gha rri iran oya. Iran ni kha wẹẹ, ‘E Nọyaẹnmwa i ru emwi rhọkpa.’

Malakai 3:13

E Nọyaẹnmwa khare wẹẹ, “Ẹ i re avbiẹ ẹmwẹ dan wa he talọ vbe ekpa mwẹ. Sokpan, wa keghi vbe nọ wẹẹ, ‘De ẹmwẹ ne ima tae vbe ekpa ruẹ?’

Jems 4:9

Wa gha khiẹ, wa gha go, wa gha viẹ, wa ya ogiẹ uwa khian eve, wa vbe ye ọyẹnmwẹ uwa khian akhiẹ.