Malakai 3:13 - Edo Bible (E Baibol Ẹdo) Version 1996

¹³ E Nọyaẹnmwa khare wẹẹ, “Ẹ i re avbiẹ ẹmwẹ dan wa he talọ vbe ekpa mwẹ. Sokpan, wa keghi vbe nọ wẹẹ, ‘De ẹmwẹ ne ima tae vbe ekpa ruẹ?’

Malakai 3:13 ပူးပေါင်းရင်းမြစ်များ

Job 15:13

Ohu Osanobua muẹn ẹsẹse, te u gha niẹn ukpe ghe ẹre.

Job 40:8

Ẹ i re te u ho ne u rhie maa wẹ, mẹ I ru emwi ẹmwata? Ne u bu ohiẹn gbe mwẹ kevbe ne u bu asẹ ne egbe uẹ?

Psalm 10:11

Ọmwa dan ghi tama egbe ẹre wẹẹ, “Osanobua i zẹ yọ! Ọ mimi aro ẹre nẹ, ẹi bẹghe mwẹ!”

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Aizaia 3:8

Erriọ nọ, ọ ghe Jerusalẹm fo nẹ! E Juda ra de rẹnkhẹn uan. Emwi ne iran ta, ke ne iran ru hia, wa gbodan ghe Nọyaẹnmwa, te iran wa sirra emwa hia kpa unu ghe Osanobua tobọ ọre.

Aizaia 37:23

De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Aizaia 46:12

“Wa danmwehọ mwẹ, wa ni ze vbe ẹkoko udu ni ro wẹ akhọnmiotọ wa rrei ẹsẹse.

Aizaia 5:19

Wa khare wẹẹ, “Wa wẹ Nọyaẹnmwa gie obọ kẹe vbe emwi ne ọ wẹ rẹn ra ru, ne ima miẹn ọẹn. Wa gie Osanobua nọhuanrẹn ọghe Izrẹl ru vbe ne ọ mwamwa ẹn, wa gie a ghe emwi ne ọ rre ọre ekhọe.”

Jerimaia 44:18

Sokpan, ke ẹghẹ ne ima ya dobọ ese ne a zọ ghe Ọba okhuo ne Ẹrinmwi yii gha dee, a na vbe dobọ ayọn ne a sa ye otọ ne ẹẹn yii, ma ma miẹn emwi rhọkpa, emwa ima wulo vbe okuo, ohanmwẹ vbe gbele eso ua.”

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Ezikiẹl 18:25

“Sokpan wa keghi kha wẹẹ, ‘Emwi ne Nọyaẹnmwa ne Udazi ru ma khuia.’ Wa danmwehọ mwẹ, wa ne ivbi Izrẹl, wa ro wẹ odẹ ne I ru emwi la ma khuia.

Ezikiẹl 35:13

I họn ẹmwẹ ọpakharha ne u gha ta gun mwẹ.”

Hozia 7:16

Iran keghi wa gha fi iyeke gbe mwẹ iran na gha lẹ bu ẹbọ ne ẹ i mwẹ ẹtin rhọkpa yo. Zẹ vbene uhanbọ ne ọ gọe ye, ne ẹ i na gia mu ẹtin yan, erriọ ọre iran ye. Rhunmwuda ẹmwẹ uhiomwẹ ne iran ta, avbe ọkaolotu iran gha wulo uwu dan, ivbi Igipt ghi vbe gha giẹ.”

Malakai 2:14

Wa nọ emwi ne ọ zẹẹ ne ẹi ghi na rhan obọ miẹn rẹn. Emwi ne ọ sii ẹe ọrọre wẹ ọ rẹnrẹn wẹ, wa ma ghi mu eyan nii sẹ, ne uwa yan ma okhuo ne uwa rhiere ẹkpo ne uwa na rre igbama. Egbakhian ruẹn ọ re irẹn gha khin, u ma mu eyan ne u yaan ma rẹn sẹ egbe ne a ya miẹn wẹ odaro Osanobua ọ re u na yan wẹ wẹ i ra rhie aro ghe ehe ọvbehe.

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”

Malakai 3:12

Eghẹ nii, emwa ẹvbo hia ghi gha tie uwa uhunmwu ne ọ maa rhunmwuda, ẹvbo uwa gha khian ehe ne ọ maa ne ọ gia yin.

Malakai 3:14

Wa khare wẹẹ, ‘Ẹi zẹdẹ mwẹ esa ne a gha ga Osanobua. De esa ne ọ khin ne a gha ru vbene ọ khare ra ne a gha rhie ma e Nọyaẹnmwa ne Oghodua wẹ ọ da mwa ne ima na ru emwi ne ima ru?

Malakai 3:8

Wa dọlegbe bu mwẹ gha dee mẹ gha bu uwa gha dee. Sokpan wa nọ rẹn wẹẹ, “De emwi ne ima gha ru ya dọlegbe bu ruẹ gha dee?” I nọ uwa nian, “Ọ kere ne ọmwa gha mu Osanobua ru ra?” Wa rẹnrẹn wẹ ọ ma kei, sevba, wa gha mu mwẹ ru. Wa nọ rẹn wẹẹ, “Odẹ vbo?” Vbe ẹmwẹ a ghae ye ihe ighe kevbe imuohan.

Ebe ne Pọl gbẹẹn gie emwa Rom 9:20

Sokpan, vbe uwẹ a ke rre yi ọse mwẹ ne ọ zẹ azẹ wanniẹn ma Osanobua? Akhe vbe nọ ọmwa ne ọ maẹn wẹẹ, “Vbua na ma mwẹ vbenian hẹ yi?”

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!