Malakai 3:12 - Edo Bible (E Baibol Ẹdo) Version 1996

¹² Eghẹ nii, emwa ẹvbo hia ghi gha tie uwa uhunmwu ne ọ maa rhunmwuda, ẹvbo uwa gha khian ehe ne ọ maa ne ọ gia yin.

Malakai 3:12 ပူးပေါင်းရင်းမြစ်များ

II Krọnikol 32:23

Emwa ni bun kegha rrie Jerusalẹm, iran kegha ya imuohan gie Nọyaẹnmwa, iran na vbe gha zẹ ọhẹ gie Hẹzekaia sẹrriọ we ke ẹghẹ ni kpa, emwa hia keghi wa gha ghe Hẹzekaia gidii.

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Aizaia 61:9

Iran gha hin usi vbe uwu avbe uhunmwu ẹvbo emwa ni rhirhi miẹn iran gha rẹn wẹ emwa ne imẹ fiangbe ọ re iran khin.”

Aizaia 62:4

A i ghi dọlegbe tie ruẹ “Evbahe.” Ra ne a gha tie otọe ruẹ “Ne Ọdọ He.” Eni ruẹn nọgbọn ghi gha re “Ẹko Ẹre Maa Osanobua.” A ghi gha tie otọe ruẹ “Ne Ọdọ Bọ,” rhunmwuda, ẹko rua maa e Nọyaẹnmwa ọ ghi vbe yevbe ọdọ ne otọe uwa.

Aizaia 62:5

Zẹ vbe igbama ne ọ rhie ọvbokhunvbi rọnmwẹ ọmwa ne ọ yi uwẹ gha rhie ruẹ rọnmwẹ zẹ vbene ẹko ovbiọha rhiẹnrhiẹn ọdafọn ọha erriọ ọ re ẹko rua ra gha maa Osanobua rua.

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Daniẹl 11:41

Ọ gha vbe mu okuo la Otọe Eyan nii ne arẹngbe. Ọ gha gbele arriaisẹn vbe ihe igbe nibun, sokpan avbe ẹvbo zẹ vbe Idọm, e Moab, kevbe ehe ne ọ ghi kẹe vbe Amọn, gha lẹ fe vbe obọ ẹre.

Daniẹl 8:9

Igho ọkpa kherhe keghi vbe zọ ladian vbe uwu ọkpa vbe uwu igho enẹ na, ẹtin ẹnrẹn keghi nien obọ sẹ odẹ ekẹn kevbe ahọ kevbe ghe Otọe Eyan nii.

Zẹkaraia 8:23

Ọ gha sẹ ẹghẹ ne a kha na, erhunmwuyẹn igbe gha bu ovbi e Ju ọkpa rre, iran ghi tama rẹn wẹẹ, ‘Ma ho ne ima vbe ghae vbe uhunmwu ne ọ maa ọghe uwa rhunmwuda ma họẹn ighe Osanobua rrọọ yaba uwa.’ ”

Malakai 3:13

E Nọyaẹnmwa khare wẹẹ, “Ẹ i re avbiẹ ẹmwẹ dan wa he talọ vbe ekpa mwẹ. Sokpan, wa keghi vbe nọ wẹẹ, ‘De ẹmwẹ ne ima tae vbe ekpa ruẹ?’

Iyẹn ne ọ Maan Ọghe Luk 1:48

rhunmwuda, ọ ye imẹ rre, mẹ ne ọguọmwadia ẹre ne ẹ mwẹ esa! Ke ẹghẹ na gha khian nian, agbọn hia gha tie mwẹ ene afiangbe.

Diuteronomi 11:12

E Nọyaẹnmwa Osanobua uwa ọ re ọ gbe aro ghe otọe na, ọ ghi vbe gha ba ẹe ne ukpo rhu.