“Te I te ra si emwa mwẹ koko zẹ vbene ọmwa rhọ emwiokọ ẹre si koko, sokpan, iran yevbe azara ne ọ ma mọ ọmọ, kevbe erhan ohọ ne ọ ma mọ, uhin ighẹ ebe ni rrọ luẹluẹ nẹ. Rhunmwuda ọnii, I keghi fan obọ ẹre ne avbe ọrriọvbe ya otọe nii khian ọghe iran.”
I gha khulo avbe oghẹn irhiso kua, iran ni te ke odẹ okuọ rre, I gha khulo eso vbọ la uwu ato. I gha khulo iran ni ke odaro, la uwu Okun Nọwu, iran ni ke iyeke, gha la uwu e Meditẹrrenian. Ikun iran ghi gha wia. I gha fuẹn iran an, rhunmwuda emwi hia ne iran ru uwa ẹre.
A gha rhe miẹn ighẹ avbe erhan ohọ i mwẹ ọmọ, kevbe wẹ alimo ayọn i rre uhunmwu erhan azara, a gha rhe miẹn wẹ oliv ma maa, I ghẹ ugbo ma maa ọka, a gha rhe miẹn wẹ avbe ohuan hia wulo, i ghẹ ẹmila rhọkpa i rre irhu.
Wa gha ru vberriọ, ọ gha gie amẹ rhọ ye otọ uwa vbe ẹghẹ ne ọ khẹ ke, vbe ẹghẹ ahọ orhọ kevbe ahọ uyunmwu, ne uwa miẹn ehe na gha mwẹ ọka, ayọn kevbe ofigbọn ọliv.