Malakai 2:9 - Edo Bible (E Baibol Ẹdo) Version 1996

⁹ Rhunmwuda ọnii, te imẹ ghẹghi vbe ru ẹe wẹ ne ivbi Izrẹl gha zan uwa rhunmwuda wa ma ru vbene imẹ ho; wa gha ma emwa emwi, wa i ya obọkpa mu emwa hia.”

Malakai 2:9 ပူးပေါင်းရင်းမြစ်များ

I Ọba 22:28

E Makaia keghi datu wẹẹ, “U gha ye egbe hẹnnẹdẹn rre, ọnii rhie maa wẹ ẹ i re Nọyaẹnmwa ọre ọ gie mwẹ uhunmwu.” Ọ keghi kha wẹẹ, “Wa hia họn vbene I kha hẹ na!”

Job 32:21

Mẹ i ra gbe ghe obọkpa vbe imuaemwẹ na, mẹ i ra vbe kpe ọmwarhọkpa ye ewọwọ,

Itan 10:7

A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Itan 12:8

U gha mwẹ ẹwaẹn, emwa ghi gha tian ruẹn, sokpan, u gha re akpa, emwa ghi ye aro gbe uẹ re.

Ezikiẹl 13:21

I gha sanmwẹ ukhiọnfọ ẹyaẹn uwa kua, I ghi vbe gie avbe emwa mwẹ lẹ obọ ẹtin uwa fe ọghe ọfo vbotọ ẹdẹdẹmwẹdẹ. Ẹghẹ nii wa gha na rẹn ighe mẹ ọrọre Nọyaẹnmwa.

Ezikiẹl 7:26

Ọkhọ okpa gha lele ọvbehe. Iyẹn dan ghi gha gbe usun rre. Wa gha rinmwian avbe akhasẹ ne iran ta emwi ne iran miẹn. Avbe ohẹn i ghi ra miẹn emwi ma emwa ẹre, avbe eniwanrẹn i ra vbe miẹn ude bu.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Nahum 3:6

I gha ru uẹ vbe emwi osọnnọ I ghi ya iku gue ruẹ mu otọ emwa gha yan unu an gha ghe ruẹ vbe ohan nọkhua.

Malakai 2:3

I gha rria ivbi uwa ikhi, i ghi ya uwa aro wiẹn isan avbe aranmwẹ ne uwa do ya zọ ese, a ghi vbe dada uwa ladian gha rrie otiku.

Malakai 2:8

“Sokpan, banbanna nian, wa ne avbe ohẹn fi iyeke gbe odẹ ẹmwata ne ọ rrọ nẹ. Emwi ne uwa ma emwa ẹre wa sii emwa nibun ya gha ru emwi ne ọ ma kei. Wa rraa ile ne I gu uwa taa nẹ.

Iyẹn ne ọ Maan Ọghe Luk 10:29

Sokpan ne ọmaemwa uhi ni keghi ho ne irẹn rhie maa ighẹ rẹn yin ẹse, ọ keghi rhunmwuda ọnii nọ Jesu wẹẹ, “Gha ọre ogieva mwẹ?”

Iyẹn ne ọ Maan Ọghe Luk 11:42

“Ọ suaa, wa ne Farisi! Wa ghae avbe emwi uwọnmwẹ negiẹrẹ hia vbe ihe igbe, rhie obọkpa ne Osanobua, avbe itehie kevbe akpọkọ kevbe avbe ebe ni dekẹe hia, wa keghi yangbe ẹmwata ne a ta, kevbe ne a gha ho ẹmwẹ Osanobua. Ọ te kei ne uwa ru ena vbe ne a i na yangbe ni dekẹe.

Galatia 2:6

Sokpan iran ni ye vbe avbe olotu, I tae vberriọ, rhunmwuda, emwi ne iran khin, i mwẹ esa nọ khin ne imẹ, rhunmwuda Osanobua ighe ikpakpa ya bu ohiẹn. Vbene I kha re, avbe olotu ma vbe gun mwẹ zẹ iro emwi ọgbọn.

Diuteronomi 1:17

Wa ghẹ gbe ghe obọ ọkpa vbe uwa a bu ohiẹn hiehiere. Abọkpa nii wa ya gha bu ohiẹn hia, ọmwa ne ọ khọnrẹn wẹ ne ọ gha khin. Wa ghẹ mu ohan ọmwarhọkpa, rhunmwuda obọ Osanobua ọ re ohiẹn ne uwa bu ke rre. A deghẹ wa miẹn ohiẹn ne ọ wegbe sẹ uwa, wa ghi mu ẹẹn bu mwẹ gha dee ne I bu ẹre.’

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.