Malakai 2:7 - Edo Bible (E Baibol Ẹdo) Version 1996

⁷ Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Malakai 2:7 ပူးပေါင်းရင်းမြစ်များ

II Ọba 16:11

Ẹre Uraia na bọ Ogiukpo ne ọ ye vberriọ zẹẹ, ọ keghi ru ẹe fo zẹ vbene Ehaz te sẹ owa.

II Ọba 16:16

Uraia keghi ru vbene ọba khare.

II Krọnikol 30:22

E Hẹzekaia ne Ọba keghi tian avbe Livai ye iguemwi ne iran ya ru ugamwẹ e Nọyaẹnmwa.

II Krọnikol 31:4

Ye vbe deba ọnii, ọba keghi wẹ ne avbe emwa gha viọ emwi ihaoko ne ọ khẹke avbe ohẹn kevbe Livai rre, ne iran miẹn ehe na wa rhie egbe ye ẹmwẹ emwi ne Uhi e Nọyaẹnmwa wẹ ne a gha ru.

Ẹzra 7:10

Te Ẹzra wa mu aro ye ẹmwẹ nene uhi e Nọyaẹnmwa ne a ruẹ, kevbe ne a ya ruemwi kevbe ne ọ gha ma ivbi Izrẹl ne uhi kevbe ilele ni rrọọ.

Ẹzra 7:25

“Wẹ ne Ẹzra, u ghi lo ẹwaẹn ne Osanobua ruẹ rhie nuẹn, ne u zẹ iran ni khaemwisẹ kevbe ni bu ohiẹn, ne iran gha gbearoghe avbe emwa hia ni lele Uhi Osanobua ruẹ ru emwi vbe odẹ Orrie e Yufretes. U ghi ma iran hia uhi nii ighẹ avbe emwa ni ma he te ka rẹn ọnrẹn.

Itan 5:2

Ẹghẹ nii, u gha rẹn vbene a ya yin ẹse hẹ, ẹmwẹ ne u guan gha vbe rhie ma wẹ u mwẹ irẹnmwi.

Asan-Ibo 5:5

A ma zẹdẹ ve emwi ọ re ọ maa sẹẹ a ghi ve nẹ, a ma ghi ru ẹe.

Aizaia 42:19

Wa he miẹn ọmwa ne ọ he rhu aro sẹẹ ọguọmwadia mwẹ ra? Ne ọ vbe yin ehọ sẹẹ ọguọmwadia ne I gie ẹre uhunmwu?

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Jerimaia 15:19

Ẹre Nọyaẹnmwa na rhie ewanniẹn ye ọna wẹẹ, “U gha dọlegbe rre, I gha dọlegbe rhan obọ miẹn ruẹn, u ghi dọlegbe gha re ọguọmwadia mwẹ. A deghẹ u mu etalọ oya fua, u na gha ta uhunmwu ne a gie ne ọ mwẹ esa, u gha dọlegbe gha re akhasẹ mwẹ. Emwa ni gha dọlegbe bu ruẹ rre, ẹghẹ i rrọ ne a gha ya miẹn wẹ wẹ ọ re ọ ghi bu iran gha khian.

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Jerimaia 2:8

Avbe ohẹn ma vbe nọ wẹẹ, “E Nọyaẹnmwa vboo?” Avbe ohẹn mwẹ ma rẹn mwẹ, avbe iran ni khaemwisẹ keghi sọtẹ mwẹ, avbe akhasẹ kegha ye eni e Baal guan yotọ iran kegha gho avbe amazẹ ni emwa maa.

Ezikiẹl 22:26

Avbe ohẹn rra uhi mwẹ, iran i vbe yọghọ ne avbe emwi nihuanrẹn. Iran i vbe vin uwu ye ẹkpo emwi ne ọ huanrẹn kevbe nọ ma huan. Iran i vbe ma emwa alughaẹn negbe ne ọ rre ẹkpo emwi ne awua i ye ke ne awua ye, iran i vbe zẹdẹ zẹ ye ẹmwẹ Ẹdẹ Ikẹtin. Emwi ne a ghi la ọna miẹn ọrọre wẹ ivbi Izrẹl i ghi yọghọ mẹ.

Ezikiẹl 7:26

Ọkhọ okpa gha lele ọvbehe. Iyẹn dan ghi gha gbe usun rre. Wa gha rinmwian avbe akhasẹ ne iran ta emwi ne iran miẹn. Avbe ohẹn i ghi ra miẹn emwi ma emwa ẹre, avbe eniwanrẹn i ra vbe miẹn ude bu.

Daniẹl 11:33

Avbe ọkaolotu ni wan ọghe emwa nii, gha ma emwa ọvbehe nibun ẹwaẹn. Sokpan, vbe omwa ẹghẹ eso, iran gha gbele eso ua vbọ, a gha gien iran, iran ghi wulo, a gha do eso emwi viọ, a ghi munọ iran oghunmwu.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Levitikọs 10:11

Wa ghi gha ma ivbi Izrẹl hia uhi ne I rhie la obọ Mosis gie uwa.”

Zẹfanaia 3:4

Avbe akhasẹ nii rrọ ma rẹn enegbe, uma dan iran si, avbe ohẹn ghi gha ru awua avbe emwi nihuanrẹn, iran gha khiẹn uhi Osanobua ne ọ miẹn ehe na gua emwi ne iran ho ro.

Hagai 1:13

Ẹre Hagai na ta uhunmwu ne Nọyaẹnmwa gie ma emwa nii wẹẹ, “I gha gu uwa gha rrọọ, eyan ne I yan rẹn ọ re ọnii khin.”

Zẹkaraia 7:3

kevbe ne iran vbe nọ avbe ohẹn kevbe akhasẹ ọta na wẹẹ, “Te ọ kere ne ima ye gha khiẹ ye ẹmwẹ Ọgua Osa ne a guọghọ ua vbe ekpa ne ima gha na gha yo aguẹ vbe uki ne ogisẹn vbene ima ka ru ẹe ke ukpo nibun ni gberra gha dee?”

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Nọmbas 27:21

“Eliaza ne ohẹn ọre rẹn ra ye aro khọ, ọmwa ne ọ gha ya Urim kevbe Tumin gualọ otọ emwi ne I ho. Odẹ vbenian Eliaza ọre ọ ra gha dia e Jọsua kevbe emwa Izrẹl hia vbe emwi ne iran ra gha ru hia.”

Iyẹn ne ọ Maan Ọghe Jọn 13:20

Ẹmwata ọre I tama uwa. Ọmwa ne ọ rhirhi rhan obọ miẹn ọmwa ne imẹ gie, ọ vbe rhan obọ miẹn mwẹ. Ọmwa ne ọ rhirhi rhan obọ miẹn mwẹ vbe rhan obọ miẹn ọmwa ne ọ gie mwẹ.”

Iyẹn ne ọ Maan Ọghe Jọn 20:21

Jesu keghi vbe dọlegbe tama iran wẹẹ, “Ọfumwegbe gu uwa rrọọ. zẹ vbene Evbavba gie mwẹ, erriọ mẹ vbe gie uwa.”

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

II Kọrinti 5:20

Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.

Galatia 4:14

Sokpan wa ma sọnnọ mwẹ, ra ne uwa sua mwẹ fua, egbe ne a ya miẹn wẹ egbe ihe ne egbe mwẹ gha ye, edanmwẹ nọkhua ọre ọ wa gha khin ne uwa. Sokpan, wa keghi rhan obọ miẹn mwẹ, vbene a miẹn wẹ odibo Osanobua ọre I khin, wa na rhan obọ miẹn mwẹ, vbene uwa gha vbe ya rhan obọ miẹn Kristi Jesu.

Diuteronomi 21:5

Avbe ohẹn Livai ghi vbe gha rre evba rhunmwuda iran ọ re ọ gha bu ohiẹn uhi ne o dekan uyinmwẹ ikẹtin hia. E Nọyaẹnmwa Osanobua ọ re ọ zẹ iran ne iran gha ga irẹn, kevbe ne iran vbe gha ya eni irẹn fiangbe ọmwa.

Diuteronomi 24:8

“Adeghẹ te uwẹ khuọnmwi emianmwẹ ikpakpa ne ọ gie ọmwa na hẹẹ, miẹn wẹ u ru zẹẹ vbene avbe ohẹn e Livai tama ruẹn, wa rhie owẹ lele igiodẹ iran zẹ vbene I rhie ne iran.

I Tẹsalonaika 4:8

Rhunmwuda ọnii, ọmwaikọmwa ne ọ ma rhan obọ miẹn iruẹmwi na, ẹ i re ọmwa ne agbọn ọre ọ ma rhan obọ miẹn ighẹ Osanobua ne ọ rhie nene iruẹmwi rre nọ, ọmwa ne ọ rhie Orhiọn Ne Ọ Huanrẹn ọghọe ne uwa.

I Samuẹl 2:17

Orukhọ avbe ivbi Elai na keghi re emwi ne ọ wegbe vbe aro e Nọyaẹnmwa rhunmwuda obọ oya ne iran ya gha mu avbe emwi ne a ya zọ ese ghe Nọyaẹnmwa.