Malakai 2:5 - Edo Bible (E Baibol Ẹdo) Version 1996

⁵ “Vbe ile ne I gu iran taa, I khare wẹ, iran gha rre agbọn, agbọn gha vbe maa iran, emwi ne I rhie ne iran ọ re ọnii khin, ne iran miẹn ehe na gha ya ọghọ mẹ. Vbe ẹkpo nii, iran wa gha ya ọghọ mẹ, iran na vbe gha mu ohan mwẹ.

Malakai 2:5 ပူးပေါင်းရင်းမြစ်များ

Psalm 61:5

Osanobua wẹ họn eyan ne I yan rẹn nẹ, wẹ vbe rhie emwi ne ọ re ọghe iran ni ya ọghọ ne uẹn, mẹ nẹ.

Itan 14:2

Gha ta ẹmwata, u gha rhie ma wẹ u gele ya ọghọ ne Nọyaẹnmwa adeghẹ u i ta ẹmwata, ọnii rhie ma wẹ u i ru vberriọ.

Ezikiẹl 34:25

“I gha gu iran ta ile ne ọ gha rhie maa wẹ ẹkun gha sẹ iran otọ. I gha wabọ avbe aranmwẹ akọn dan hin otọe nii rre, ne avbe ohuan mwẹ sẹtin gha rrọọ vbe ne a i na mwẹ ẹbe vbe oha kevbe uwu ẹgbo.

Ezikiẹl 37:26

I gha gu iran ta ile, ne ọ gha gbe iran ẹkun sotọ ẹdẹdẹmwẹdẹ. I gha gbe iran igiẹ, I gha vbe gie iran gha muan yọ. I ghi miẹn wẹ Ọgua Osa mwẹ mudia ye otọe iran ẹdẹdẹmwẹdẹ.

Nọmbas 25:7

Ugbẹn vbe Finihaz ne ovbi Eliaza, ne ọ vbe re eyẹ Errọn ghi miẹn ọẹn, ọ keghi kpaegbe, ọ na lahin uwu ẹbu nii rre. Ọ na rhie asoro,

Nọmbas 25:8

ọ na lele okpia nii vbe okhuo nii la uwu owa ukpọn, ọ na ye asoro nii ha iran eva fua. Erriọ ọre a ghi ya dobọ egboghogbogho ne ọ te gha fuẹn ivbi Izrẹl rrie yi.

Nọmbas 3:45

“Banbanna nian, ye avbe Livai fi ohan khian ọghomwẹ ye ihe emọ ọdiọn ikpia ọghe ivbi Izrẹl, ne u vbe ya emọdiọn avbe ẹmila ivbi e Livai ye ihe ivbi ẹmila ọghe ivbi Izrẹl.

Nọmbas 8:15

U gha kpe avbe Livai huan nẹ, u na vbe ya iran fiohan mẹ, ẹghẹ nii te iran ghi kei ne ọ gha winna vbe uwu Owa Ukpọn Ile.