Malakai 2:4 - Edo Bible (E Baibol Ẹdo) Version 1996

⁴ Ẹghẹ nii, wa gha rẹn wẹ mẹ ọ re ọ gu uwa guan na, ne a ghẹ miẹn ehe na rra ile ne I gu avbe ohẹn ne ivbi uniẹn e Livai ta.

Malakai 2:4 ပူးပေါင်းရင်းမြစ်များ

I Ọba 22:25

E Makaia keghi tama rẹn wẹẹ, “U gha rẹn vbene ọ ya sunu hẹ vbe u a lẹ la ughugha ne ọ rre iyeke owa ya lẹre.”

Nehimaia 13:29

Osanobua, ye rre vbene emwa na ru ẹre awua hẹ ighẹ ukpo avbe ohẹn kevbe ile ne u gu avbe ohẹn kevbe Livai ta.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Jerimaia 28:9

Sokpan, akhasẹ ne ọ guan ẹmwẹ ọfumwegbe yotọ, ẹmwẹ ne ọ tae nii ghẹ ghi sẹẹ nẹ okpa ọ re a gha na ka ẹe ye akhasẹ ne Nọyaẹnmwa gele giee.”

Ezikiẹl 33:33

Sokpan, avbe ẹmwẹ ne u ta gha do sunu nẹ, ẹ i mwẹ iran ma sẹ o, iran gha rẹn wẹ akhasẹ ọ re ọ gha gu iran rre ẹvbo.”

Ezikiẹl 38:23

Vbe odẹ vbenian, I gha rhie ma avbe uhunmwu ẹvbo wẹ ọmwa ne ọ kpọlọ kevbe nọhuanrẹn ọ re imẹ khin. Ẹghẹ nii iran gha rẹn ighe mẹ ọrọre Nọyaẹnmwa.”

Ezikiẹl 44:7

Iran ru awua Ọgua Osa mwẹ vbekpa ne iran na gie avbe iran ni ma rhuẹ, avbe orhunmwuyẹn ne ẹ i họn ẹmwẹ mẹ, gha la uwu Ọgua Osa vbe ẹghẹ ne a ya ye ẹvbi aranmwẹ kevbe esagiẹn zọ ese ghe mwẹ. Rhunmwuda ọnii avbe emwa mwẹ rra uhi mwẹ vbekpa uyinmwẹ osọnnọ ne iran yin.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Nọmbas 18:2

Sokpan, wẹ vbe ivbuẹ gha winna vbe odaro Owa Ukpọn Ile, u ghi viọ avbe etuẹn, ẹwae Livai ne iran do deba ruẹ gha winna kevbe ne iran yuẹ obọ.

Nọmbas 18:21

E Nọyaẹnmwa keghi kha wẹẹ, “A ghae ye ihe igbe ne ivbi Izrẹl hẹ gunmwẹ, I ya ne avbe Livai. Ọ na ọrọre osa ne a ha iran re ye iwinna ne iran winna ya gbearoghe Owa Ukpọn Ile.

Nọmbas 25:12

Rhunmwuda ọnii, tama rẹn ighẹ I ra gu ẹe ta ile ne ọ gha rre atẹ rhinrin ẹdẹ.

Nọmbas 3:11

E Nọyaẹnmwa keghi tama e Mosis wẹẹ,

Nọmbas 3:12

“Avbe Livai ọre I gha viọ ye ihe emọ ọdiọn hia ọghe avbe ivbi Izrẹl, iran ghi gha re ọghomwẹ, rhunmwuda, emọ ọdiọn nikpia hia, ọghomwẹ iran khin. Ẹghẹ ne I na gbele emọdiọn nikpia vbe Igipt, I keghi vbe ya emọ ọdiọn ikpia ni rre ivbi Izrẹl fi ohan ne egbe mwẹ, deba emọ ọdiọn ọghe emwirri. Mẹ ọrọre Nọyaẹnmwa.”

Nọmbas 3:45

“Banbanna nian, ye avbe Livai fi ohan khian ọghomwẹ ye ihe emọ ọdiọn ikpia ọghe ivbi Izrẹl, ne u vbe ya emọdiọn avbe ẹmila ivbi e Livai ye ihe ivbi ẹmila ọghe ivbi Izrẹl.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Iyẹn ne ọ Maan Ọghe Luk 10:11

‘Ya sẹ egbe ebubẹ ẹvbo uwa ne ọ te sikan mu ima owẹ, ma bọnmwẹ ọẹn kua ne uwa, sokpan wa yerre, Arriọba Osanobua sikẹ uwa!’

Iyẹn ne ọ Maan Ọghe Jọn 15:2

Abọ ne ọma mọ vbọ, ọ ghi fiaẹn mu fua, abọ ne ovbe mọ, ọ ghi kpannọ igẹngẹn ọnrẹn kua ne ọ miẹn ehe na fanmwegbua, nọ miẹn ehe na gha mọ ẹse.