Malakai 2:2 - Edo Bible (E Baibol Ẹdo) Version 1996

² Te ọ kere ne uwa gha ya uyinmwẹ uwa rhie ọghọ mẹ. Deghẹ wa wẹ wa i rhie ehọ ye ẹmwẹ ne I ta, te I ra fi uwa unu. I gha fi avbe emwi ne uwa miẹn ya gha da egbe yi unu vbe ẹmwata, I fi ehia unu nẹ, rhunmwuda I tie ẹmwẹ ne I tama uwa ẹmwẹ kpataki.

Malakai 2:2 ပူးပေါင်းရင်းမြစ်များ

Psalm 69:22

Te evbare eghọ iran, gha gbe iran okọ ye ẹzẹ, te evbare iruẹmwi ne iran le gha mu iran gbotọ.

Itan 3:33

Te Nọyaẹnmwa fi owa emwa dan unu, sokpan, ọ keghi fiangbe owa emwa esi.

Aizaia 42:25

Rhunmwuda ọnii, ọ keghi gie obọ ohu ẹre vba mwa, ma keghi miẹn obalọ okuo vbe egbe ohu ẹre giẹn la otọ Izrẹl zẹvbe erhẹn sokpan ma ma rẹn emwi ne ọ gha sunu. Ma ma sẹtin miẹn emwi ruẹ vbọ hiehiere.

Aizaia 47:7

Te u te gha ro ighẹ oloi ọ re u ra gha khin ẹdẹdẹmwẹdẹ, u ma rhie avbe emwi na ye ekhọe ra ne u roro emwi ne ọ gha ke ẹre ikian.

Aizaia 57:11

E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Ezikiẹl 3:7

“Sokpan okpa i rre ivbi Izrẹl ne ọ gha ho ne ọ danmwehọ; iran i ra vbe danmwehọ imẹ yi. Te iran hia zevbudu, iran kevbe re emwa ọkpọzua.

Hagai 1:6

Wa kọ ọka ọrhẹnrhẹn, sokpan ekherhe wa miẹn fian. Wa miẹn evbare gha re sokpan ẹ i vuọn uwa ẹko. Wa miẹn ayọn gha da, sokpan ọ ma sẹ ọkẹn sẹ ne ọ gha gbe uwa. Wa mwẹ ukpọn, sokpan, ẹ i gbe uwa oni. Ọmwa ne ọ winna, igho ne ọ miẹn i sẹ ọe ya koko egbe.

Hagai 1:9

“Emwiorhọ ọrhẹnrhẹn ọ re uwa te rhie aro yi, sokpan, a keghi do miẹn wẹ ekherhe ọ re nọ. Wa ghi vbe viọ nene emwiorhọ sẹ owa nẹ, I keghi ya ẹhoho kpolo ẹe kua. Vbọzẹ ne I na ru ẹe vberriọ? Rhunmwuda, edọmwadẹ ọghe ọe gha khọn bọlọ owa iran, vbe Ọgua Osa mwẹ ye re itowa.

Malakai 2:1

E Nọyaẹnmwa ne Oghodua tama avbe ohẹn wẹẹ, “Wa ọre a gu guan na.

Malakai 3:9

Te a fi uwa unu rhunmwuda, te uhunmwu ẹvbo na hia wa mu mwẹ ru.

Iyẹn ne ọ Maan Ọghe Luk 17:18

Vbe a na miẹn hẹ ighe orhunmwuyẹn na ọkpa ọre ọ ghi dọlegbe rre do kpọnmwẹ Osanobua?”

Jọsua 7:19

Ẹre Jọsua na tama Ekani wẹẹ, “Ovbi mwẹ, ta ẹmwata vbe emwa na, vbe odaro e Nọyaẹnmwa Osanobua Izrẹl ne u miẹn kue. Banbanna nian, tama mwẹ emwi ne u ru. Ghẹ vbe wẹ ne u rhie ẹre lẹre mẹ.”

I Pita 4:11

Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.

Arhie Maan 14:7

Ọ keghi ya urhu ne ọ la kha wẹẹ, “Wa gha mu ohan Osanobua, wa vbe gha rho ukpọlọmwẹ ọnrẹn! Rhunmwuda ẹghẹ sẹ nẹ ne ọ ra na do bu ohiẹn emwa ne agbọn. Rhunmwuda ọnii, wa ghughẹ rre ne uwa ya uhunmwu rhanmwẹ otọ vbe odaro Osanobua, ọmwa ne ọ yi ẹrinmwi kevbe agbọn kevbe okun kevbe avbe uhunmwu ẹzẹ hia.”

Arhie Maan 16:9

Owowo ọhanabe ni kegha giẹn emwa uan, iran keghi ya ẹbọ yan eni Osanobua ọmwa ne ọ mwẹ asẹ vbe uhunmwu avbe egboghogbogho na hia, sokpan iran ma zobọ vbe orukhọ, ne iran rhie urhomwẹ ne ukpọlọmwẹ ọnrẹn.