Malakai 2:16 - Edo Bible (E Baibol Ẹdo) Version 1996

¹⁶ E Nọyaẹnmwa Osanobua Izrẹl khare wẹẹ, “Ne a gha khu okhuo wa sọnnọ mwẹ. Te ọ wa sọnnọ mwẹ vbe ọmwaikọmwa vbe uwu uwa a ru amwẹ ọnrẹn emwi dan vberriọ. Gia miẹn wẹ, u ma rhie obọ gberra eyan ne u yaan ma amwọn wẹ u i ra rhie aro ye okhuo ọvbehe aro.”

Malakai 2:16 ပူးပေါင်းရင်းမြစ်များ

Psalm 73:6

Rhunmwuda ọnii, iran ghi ya itengbemu tee egbe, zẹ vbe emwiurhu, kevbe ọkpankpan, zẹvbe ẹwu.

Itan 28:13

U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.

Itan 5:20

Ovbi mwẹ, vbọzẹ ne u gha na rhie ahoẹmwọmwa ruẹn ne okhuo ọvbehe yi? Vbọzẹ ne ose amwẹ ẹrrẹe gha na viẹn ye uwe aro sẹẹ?

Aizaia 28:20

Wa ghi do ye vbe oko nii ne a ya kpa itan, ọ keghi lovbiẹ ye ukpo ne ẹ i sẹ a na niẹn egbe, kevbe ukpọn ne wẹnrẹn ne ẹ i sẹ a ya hiẹn egbe.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Iyẹn ne ọ Maan Ọghe Luk 16:18

“Ọmwa ne ọ rhirhi khu amwẹ ọnrẹn, ọna vbe rhie okhuo ọvbehe, ru oghẹ, ọmwa ne ọ rhie okhuo ne a khu, ọ vbe ru oghẹ.

I Kọrinti 7:10

Ọghe iran ni rọnmwẹ ọdọ, emwi ne I tama iran, ẹ i re imẹ ọ re ọ ta ẹe sokpan ẹmwẹ Nọyaẹnmwa nọ, wẹ ne okhuo ne ọ rre owa ọdọ ghẹ kpa sẹ ọdọ ẹre rae.