Malakai 2:14 - Edo Bible (E Baibol Ẹdo) Version 1996

¹⁴ Wa nọ emwi ne ọ zẹẹ ne ẹi ghi na rhan obọ miẹn rẹn. Emwi ne ọ sii ẹe ọrọre wẹ ọ rẹnrẹn wẹ, wa ma ghi mu eyan nii sẹ, ne uwa yan ma okhuo ne uwa rhiere ẹkpo ne uwa na rre igbama. Egbakhian ruẹn ọ re irẹn gha khin, u ma mu eyan ne u yaan ma rẹn sẹ egbe ne a ya miẹn wẹ odaro Osanobua ọ re u na yan wẹ wẹ i ra rhie aro ghe ehe ọvbehe.

Malakai 2:14 ပူးပေါင်းရင်းမြစ်များ

Gẹnẹsis 2:18

Ẹre Nọyaẹnmwa Osanobua na kha wẹẹ, “Ọ ma kei ne okpia na vbe ẹhi ẹre ọkpa kẹkan gha rrọọ. I gha yi ogieva ẹre ne ọ maẹn rhie nẹẹn ne ọ gha yi ọre obọ.”

Gẹnẹsis 31:50

E Leban keghi rhie tẹe wẹẹ, “U gha ru ivbimwẹ khọọ, ra te u viọ okhuo ọvbehe, a deghẹ mẹ ma rẹn, yerre wẹẹ Osanobua ghe ima.

Itan 2:17

Okhuo ne ọ ma guobọ ọdọ ẹre, ọ na vbe mianmian ulamwẹ ne ọ yo ne ẹẹn.

Itan 30:20

Emwi ne okhuo ne ọ ma gua obọ ọdọ ru ọ re ọna khin: ọ ghi ya ghẹ, iyeke ọnii, ọ ghi ya khuẹ, ọ ghi kha wẹẹ, “I ma ru a i ghẹ ru!”

Itan 5:20

Ovbi mwẹ, vbọzẹ ne u gha na rhie ahoẹmwọmwa ruẹn ne okhuo ọvbehe yi? Vbọzẹ ne ose amwẹ ẹrrẹe gha na viẹn ye uwe aro sẹẹ?

Asan-Ibo 9:9

Gu okhuo ne u ho ẹmwẹ ọnrẹn lo agbọn ruẹn vbe ẹghẹ ne u gha ya vbe agbọn ọrhiae ne Osanobua ya ru uẹ ẹse na. Lo nene avbe ẹdẹ ne ọ ma maa na hia, rhunmwuda, ọna okpa ọrọre ere ne u ra re vbe uwu ẹsọn ne u miẹn hia.

Ihuan Ne Ọ Sọọ Ihuan Hia 1:15

A miẹn vbene u mose hẹ enida mwẹ; a miẹn vbe aro ruẹ fi wain hẹ ne ahoẹmwọmwa!

Aizaia 54:6

Izrẹl te u ye vbe okhuo ọvbokhan ne ọdọ lẹẹ sẹ rae ekhọe ẹre na rhiaa ẹsẹse. Sokpan, e Nọyaẹnmwa dọlegbe tie ruẹ rriegbe ọ na kha wẹẹ,

Aizaia 58:3

Emwa nii nọrẹn wẹẹ, “Vbọzẹ ne ima gha na gha ya aguẹ yi adeghẹ e Nọyaẹnmwa i dẹghe ẹre. Vbọzẹ ne ima gha na gha ya ohanmwẹ rriegbe adeghẹ rẹn i zẹ yọ.” E Nọyaẹnmwa tama iran wẹẹ, “Ẹmwata ne ọ rrọ ọrọre wẹ ẹghẹ ne uwa na rre aguẹ, iwinna obọ uwa ọ re uwa mu aro da, wa ghi vbe gha wọ iran ni winna ne uwa uhunmwu.

Jerimaia 29:23

Emwi ne ọ ra rruan iran ọ re ọnii khin rhunmwuda, iran ru orukhọ ne ọ mu ọmwa ohan, iran rhie amwẹ ẹrrẹe, iran kevbe ye eni e Nọyaẹnmwa ta ohoghe. Emwi ne Nọyaẹnmwa i zẹdẹ ho ọ re ọna khin, ọ rẹn emwi ne iran ru, rẹn ọ re ọ vbe re ne ọ ra sẹ osẹe gbe iran. E Nọyaẹnmwa tae nẹ.’ ”

Jerimaia 42:5

Ẹre iran na tama mwẹ wẹẹ, “E Nọyaẹnmwa ọrọre osẹe ima, adeghẹ ma ma ru vbene e Nọyaẹnmwa wa yi ẹre iyi ne ima hia fẹẹrẹ ne Nọyaẹnmwa la obọ ruẹ rhie ne ima.

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Jerimaia 9:2

Akpawẹ I gha miẹn ehe dia vbe ato nian ne I miẹn ehe na kpao hin ehe ne emwa mwẹ ye rre. Iran rhọkpa i gia mu ẹtin yan ẹbu dan ni ya ọmwa ma iran khin.

Ezikiẹl 16:8

“I ghi vbe dọlegbe gberra, I keghi miẹn wẹ ẹghẹ sẹ nẹ ne ẹmwẹ okpia gha ya gha rre uẹ aro. I keghi ya ẹwu mwẹ gue egbe ruẹ ne u bannọ yotọ, I keghi yan ma ruẹn ighe I gha ho ẹmwẹ ruẹn. Vbe ẹmwata, I keghi guẹ rhie obọ ye ebe wẹ I gha rhie ruẹ rọnmwẹ, wẹ na ghi do gha re ọghomwẹ.” Erriọ ọre Osanobua ne Udazi khare.

Maika 1:2

Wa danmwehọ ẹmwẹ na, wa ne uhunmwu ẹvbo hia, wa danmwehọ, wa hia ni rre agbọn na! E Nọyaẹnmwa ne Udazi gha sẹ osẹe gbe uwa. Danmwehọ. Ọgua Osa ẹre vbe ẹrinmwi ọ re ọ ke guan rre.

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Malakai 3:8

Wa dọlegbe bu mwẹ gha dee mẹ gha bu uwa gha dee. Sokpan wa nọ rẹn wẹẹ, “De emwi ne ima gha ru ya dọlegbe bu ruẹ gha dee?” I nọ uwa nian, “Ọ kere ne ọmwa gha mu Osanobua ru ra?” Wa rẹnrẹn wẹ ọ ma kei, sevba, wa gha mu mwẹ ru. Wa nọ rẹn wẹẹ, “Odẹ vbo?” Vbe ẹmwẹ a ghae ye ihe ighe kevbe imuohan.

Giọgis 11:10

Iran keghi wanniẹn wẹẹ, “Ma gha ru vbene u khare, e Nọyaẹnmwa ọrọre osẹe ima.”

I Samuẹl 12:5

E Samuẹl keghi wanniẹn wẹẹ, “E Nọyaẹnmwa kevbe ọba ne irẹn zẹe ọrọre osẹe mwẹ vbe ehe ne uwa ye wẹẹ, wa ma miẹn emwi ka yọ mwẹ owẹ hiehiere.” Iran keghi wanniẹn wẹẹ, “E Nọyaẹnmwa ọrọre osẹe ghe ima.”