Malakai 1:9 - Edo Bible (E Baibol Ẹdo) Version 1996

⁹ Wa ne avbe ohẹn, wa hia ne uwa nọ Osanobua wẹ ne ọ gha ye obọ esi mu ima. E I họn erhunmwu uwa, obọ uwa ọ re ọ ye.

Malakai 1:9 ပူးပေါင်းရင်းမြစ်များ

II Krọnikol 30:27

Avbe ohẹn kevbe avbe Livai keghi na erhunmwu afiangbe e Nọyaẹnmwa ne emwa nii. Osanobua keghi họn erhunmwu iran vbe owa ẹre vbe ẹrinmwi, ọ keghi rhan obọ miẹn rẹn.

Ẹksọdọs 32:11

Sokpan e Mosis keghi rinmwian e Nọyaẹnmwa ne Osanobua ẹre, ọ wẹẹ, “Vbọzẹ yi e Nọyaẹnmwa ne u na gie ohu emwa ruẹn muẹn sẹrriọ, emwa ne uwẹ fannọ hin ọviẹn rre vbe Igipt vbe ekpa ẹtin kevbe iwẹgbe?

Jerimaia 26:19

E Hẹzekaia kevbe ivbi e Juda ma gbe Maika ua sokpan, e Hẹzekaia keghi gha mwẹ e Nọyaẹnmwa ọghọ, ọ na gha ho ne ọ miẹn aro nọ maa vbe obọ ẹre. E Nọyaẹnmwa keghi fi ekhọe werriẹ vbekpa ọkhọ ne ọ te wẹ ne ọ rruan iran. Ghe nian, ma ra ye obọ ima si ọkhọ rri egbe ima uhunmwu.”

Jerimaia 27:18

Adeghẹ akhasẹ ọ re iran gele khin, adeghẹ mẹ gie iran uhunmwu, wẹ ne iran do nọ imẹ ne Nọyaẹnmwa ne Oghodua, ne I ghẹ gie a viọ avbe emwiewe ne ọ ghi kẹe vbe Ọgua Osa kevbe ẹguae ọba gha rrie Babilọn.”

Eve Orriara 2:19

Wa gha kpaegbe yan egbe yan egbe vbe asọn ne uwa datie Nọyaẹnmwa; wa hihiẹ ekhọe uwa ladian ne uwa nọ rẹn wẹ ne ọ tohan ivbi uwa. Avbe emọ ne ohanmwẹ gbele ua lele adesẹ ore ẹvbo!

Joẹl 2:12

“Sokpan, vbene emwi hia ye ye na, wa fiwerriẹ ne uwa bu mwẹ gha dee, ekhọekekhọe hia, deba aguẹ, kevbe eve kevbe akhiẹ.” Erriọ Nọyaẹnmwa khare:

Joẹl 2:17

Ohẹn ne ọ ga e Nọyaẹnmwa vbe ẹkpo onurho kevbe Ogiukpo Ọgua Osa, te iran gha viẹ ne iran gha na erhunmwu wẹẹ, “Tohan emwa ruẹn Nọyaẹnmwa, ghẹ gie ẹvbo ọvbehe zan mwa ra ne iran ya ima gha gbe ogie kha wẹẹ, ‘Osanobua uwa vbo?’ ”

Emọs 5:22

Wa gha viọ emwi imuohan ne a giẹn uan, kevbe ọghe ọka gunmwẹ, mẹ i ghi miẹn uwa re. Mẹ i ghi rhan obọ miẹn avbe aranmwẹ ne uwa bẹre ne uwa ya gha ha oko gunmwẹ.

Iyẹn ne ọ Maan Ọghe Jọn 9:31

Ma rẹnrẹn wẹ Osanobua i zẹ ye ọmwa orukhọ ẹre, sokpan ọ zẹ ye avbe emwa ni daa nẹ re, ni vbe ru emwi ne ọ ho ne iran gha ru.

Ebe ne Pọl gbẹẹn gie emwa Rom 2:11

Rhunmwuda, aro ọkpa ọre Osanobua ya ghe emwa hia.

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.