Malakai 1:4 - Edo Bible (E Baibol Ẹdo) Version 1996

⁴ Adeghẹ emwa Idọm ne ivbi uniẹn Isọ ghi vbe kha wẹẹ, “A guọghọ ima ẹvbo rua, sokpan, ma gha dọlegbe họlọ iran,” ẹghẹ nii, e Nọyaẹnmwa ghi vbe wanniẹn wẹẹ, “Gie iran dọlọ ẹe bọ, I gha dọlegbe dunmwu ẹẹn sẹ otọ. Emwa ghi gha tie iran ‘Ẹvbo dan’ kevbe ‘Uhunmwu ẹvbo ne ohu ẹre mu e Nọyaẹnmwa ẹdẹdẹmwẹdẹ.’ ”

Malakai 1:4 ပူးပေါင်းရင်းမြစ်များ

Job 12:14

Osanobua gha dunmwu emwi sotọ, de ọmwa ne ọ gha dọlegbe bọ ẹe? Osanobua gha mu ọmwa ye ẹwẹdọ, de ọmwa ne ọ gha sẹtin fan ẹẹn fua?

Job 34:29

Osanobua gha kha ighẹ rẹn i zẹdẹ guan yọ, ọmwa ne ọ ra nọ rẹn ẹ i rrọọ. Ọ gha rhie aro ẹre lẹre, ọghe emwa nagbọn fo.

Job 9:4

Osanobua wan ẹsẹse, ọ vbe mwẹ ẹtin, ọmwa ne ọ gha sẹtin mu aro da ẹre irrọ.

Psalm 127:1

A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

Psalm 137:7

Nọyaẹnmwa, ye emwi ne ivbi Idọm ru rre, vbe ẹdẹ ne iran khọn Jerusalẹm. Yerre vbe iran gha go hẹ wẹẹ, “Wa wa dunmwu ẹn sẹ otọ.”

Psalm 33:10

E Nọyaẹnmwa ọ re ọ duẹ uma agbọn ẹvbo hia a, ẹi gie iran mu emwamwa iran sẹ.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 10:4

Iran gha gbele uwa a vbe okuo ra iran ghi silo uwa viọ gha rrie zẹ vbe oghunmwu. Ọ gha rhe ye rrio, ohu e Nọyaẹnmwa i he ye fo, obọ ẹre gha ye niẹn ladian ne ọ ya rria ikhi.

Aizaia 11:14

Iran gha koko dekun e Filistia ni rre odẹ ọlarrie owẹn, iran ghi vbe fu iran ni rre odẹ ahọ emwi viọ. Iran gha khọn ivbi Idọm kevbe Moab, ivbi Amọn ghi gha họn ẹmwẹ ne iran.

Aizaia 34:10

Asọn vbe avan ọ re ọ ra ya gha giẹn, ighogho ghi gha gbe vbọ rhinrin ẹdẹdẹmwẹdẹ. Otọe ni gha la ọrhiae rrie ke orre ya sẹ orre, a i ghi miẹn ọmwa ne ọ gha la evba gberra ọvbehe.

Aizaia 34:5

E Nọyaẹnmwa dunmwu umozo ẹre nẹ vbe ẹrinmwi, banbanna nian, ọ gha degbe Idọm ne emwa ne irẹn kha nẹ wẹ te iran ra fuan.

Jerimaia 31:17

Idaehọ rrọ nuẹn vbe odaro ivbuẹ gha werriegbe rriowa. Mẹ ne Nọyaẹnmwa tae ne.

Jerimaia 49:20

Rhunmwuda ọnii, danmwehọ vbene I khuan khẹ ivbi Idọm hẹ kevbe emwi ne I ra ru ivbi ẹvbo e Tẹman re. Te a ra silo ivbi iran kpao, izegbe ghi zẹ emwa hia.

Jerimaia 49:7

Emwi ne Nọyaẹnmwa ne Oghodua tae vbekpa Idọm ọ re ọna khin: “Ivbi Idọm i ghi sẹtin ye ẹrherhe iran roro emwi gba ra? Iran ni bu iran ude i ghi sẹtin tama iran emwi ne iran gha ru ra? Ẹwaẹn ne iran wan hia wa khian ne a hobẹkun ne ẹ ra?

Jerimaia 49:8

Ivbi e Dedan, wa fi egbe egbe werriegbe ne uwa lẹ! Wa ya lẹre! Iran do fuẹn ivbi uniẹn Isọ rua rhunmwuda, ẹghẹ sẹ ne nian ne I gha na rri iran oya.

Jerimaia 5:17

Iran gha rri emwiokọ kevbe evbare uwa fo. Iran gha gbele ivbi uwa nikpia kevbe nikhuo, iran gha gbele avbe ohuan kevbe ẹwe uwa, iran gha dunmwu ogba azara kevbe erhan ohọ uwa hia a. Ẹvbo ne a gbe odin ga ne uwa mu ẹtin yan, ivbiyokuo iran gha guọghọ ẹe rua.

Eve Orriara 3:37

Iho e Nọyaẹnmwa ọkpa, ọ re a ru vbe ẹghẹ hia.

Ezikiẹl 11:10

A gha vbe gbele uwa a vbe ore ẹvbo uwa, vbe okuo, ẹghẹ nii, emwa hia gha rẹn wẹ mẹ ọrọre Nọyaẹnmwa.

Ezikiẹl 25:13

Banbanna nian, I tae ighẹ I gha rri Idom oya, I ghi gbele emwa nagbọn kevbe aranmwẹ ni rre otọe nii hia a. I gha ya ẹe khian ẹvbo ne ọ gbe ẹvbi kevbe ore ẹvbo Tẹman gha dee do sẹ Dedan, a gha gbele avbe emwa nii uan vbe okuo.

Ezikiẹl 25:14

Izrẹl ne emwa mwẹ gha rria Idọm ikhi mẹ, iran gha gie Idom hẹnmwẹ ohu ne ọ kakabọ mu mwẹ vbe egbe. Idom gha rẹn emwi ne ọ khin ne emwa gha re emwa ne I wẹ I ra rria ẹre ikhi.” E Nọyaẹnmwa ne Udazi guaan nẹ.

Ezikiẹl 26:14

Emwi ne I ra sẹrae ma gberra okuta ne emwi rhọkpa ma degue ehe ne avbe ọgbehẹn gha na gha ka ọga iran. A i ghi dọlegbe bọ ẹvbo nii ọvbehe. Mẹ ne Nọyaẹnmwa ne Udazi ọ re ọ tae.”

Ezikiẹl 35:4

I gha ya uwa khian otọe ne ọ gbe ẹvbi I gha ye ore nọkhua uwa khian itowa, otọe uwa ghi khian ne ọ dihoi rua. Ẹghẹ nii, wa gha rẹn ighe mẹ ọrọre Nọyaẹnmwa.

Ezikiẹl 35:9

“I gha ye uwẹ khian ne ọ dihoi rua ẹdẹdẹmwẹdẹ, a i ghi miẹn ọmwa ne ọ gha di ẹvbo ruẹ ya ọvbehe. Ẹghẹ nii, u gha rẹn wẹ mẹ ọrọre Nọyaẹnmwa.

Emọs 1:11

E Nọyaẹnmwa khare wẹẹ, “Te ivbi Idọm wa gha ru orukhọ yan egbe yan egbe, rhunmwuda ọnii, I gha wa rri iran oya. Iran keghi gha ru ọbafi ivbi Izrẹl ne etẹn iran, iran ma ghi vbe mwẹ itohan hiehie ghe iran. Ohu iran i zẹdẹ mwẹ erọkhọrọkhọ, ẹ i vbe fo iran vbe ekhọe.

Emọs 3:15

I gha dunmwu avbe owa ne a bọ ẹre ọghe okhuakhua kevbe ọghe owowo kua; avbe owa ne a ye akọn eni tee gha rẹnkhẹn uan, a gha dunmwu dọmwadẹ owa nekhua hia a.”

Emọs 5:11

Wa wọ avbe ivbiogue uhunmwu, wa keghi vbe do iran ọka viọ. Rhunmwuda ọnii, wa i yin owa okuta ne mose mose ne uwa bọlọe, ra na uwa da ayọn ne ọ ke ugbo azara ne uwa gbe rre.

Emọs 6:11

E Nọyaẹnmwa ghẹghi taa ẹe nẹ, owa nekhua kevbe ne giere, te a ra rẹnkhẹn ehia a.

Emọs 6:2

Wa ya ghe ore Kalnẹ. Wa ghi vbe ke evba kpao ya ghe ore nọkhua ighẹ Hamat kevbe ya sẹ e Gat ne ẹvbo e Filistin. Emwi rrọ ne iran ya maa sẹ otọ arriọba e Juda kevbe Izrẹl ra? Ehe ne otọe iran lae vbe digba sẹ ọwua ra?

Obedaia 1:1

Ẹmwẹ akhasẹ ne Obedaia miẹn ọre ọna khin ẹmwẹ ne Nọyaẹnmwa ne Udazi tae vbe ekpa Idọm. E Nọyaẹnmwa gie ukọ ẹre gha rrie avbe uhunmwu ẹvbo nẹ, ma vbe họn uhunmwu ne a gie iran re wẹẹ: “Wa mu egbe! Wa gie ima mu okuo gha rrie Idọm!”

Obedaia 1:10

“Rhunmwuda, u rhare, u do izigha avbe etuẹn, ivbi uniẹn Jekọb, a gha fuẹn ruẹn uan, a ghi vbe fa rua ẹdẹdẹmwẹdẹ.

Malakai 1:3

I keghi vbe khuiwu Isọ kevbe ivbi uniẹn ọnrẹn. I dunmwu ẹvbo oke ọghe Isọ ua, I na se otọe ne o rro rae ne avbe aranmwẹ oha.”

Matiu 12:30

“Ọmwa ne ẹ i rre otu mwẹ, te ọ gunmwẹ gbinna. Ọmwa ne ẹ i gunmwẹ si emwi koko, te ọ duẹ ọre rua a.