Malakai 1:13 - Edo Bible (E Baibol Ẹdo) Version 1996

¹³ Wa ghi kha wẹẹ, ‘Ena hia wa khan ima,’ wa ghi gha tọn ukpihue mu ghe mwẹ, wa gha ra ha oko gunmwẹ, wa ghi mu aranmwẹ ne uwa do mu rre, ra ne ọ kun use ra ne ọ khuọnmwi. Wa yayi ighe mẹ gha rhan obọ miẹn uwa ọnii ra?

Malakai 1:13 ပူးပေါင်းရင်းမြစ်များ

II Samuẹl 24:24

Sokpan, ọba keghi wanniẹn wẹẹ, “Ẹn o, te I gha ha osa yọ. Mẹ i ra ye emwi ne ọ ma rhie emwi rhọkpa hin mwẹ obọ rre zọ ese ghe Nọyaẹnmwa.” Ọ keghi ya igho esiliva ekigbesiyeha dẹ isi okọ nii.

Aizaia 1:12

Gha tama uwa wẹ ne uwa gha viọ ena hia bu mwẹ rre vbe uwa a do ga mwẹ yi? Gha ọ wẹ ne uwa do gha gbe ukpukpẹ na vbe Ọgua Osa mwẹ yi?

Aizaia 57:6

Wa viọ okuta ikpẹbọ ke evba gha dee, wa ghi ya gho iran zẹ vbe ẹbọ. Wa ghi gha sa ayọn ye otọ zẹvbe emwi ne a ya zọ ese ghe iran, wa ghi vbe gha viọ ọka gie iran vbe emwi izọ ese. Wa yayi wẹ avbe emwi na yẹ mwẹ ra?

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Ezikiẹl 4:14

Sokpan, mẹ keghi wanniẹn wẹẹ, “Ẹn o, e Nọyaẹnmwa ne Udazi, I ma he mu awua ye egbe mwẹ egbe ẹdẹ, ke ọvbokhan wa gha dee, I ma he rri aranmwẹ ne ọ tobọ ẹre wu ẹdẹ, ra ne aranmwẹ ọvbehe gbe. I ma he rri evbare ne a ka ye ọghe awua ẹdẹ.”

Ezikiẹl 44:31

Avbe ohẹn ghẹ rri ahianmwẹ ra aranmwẹ ne uwu ẹhi gbe ra ne aranmwẹ ọvbehe gbee.”

Hozia 13:9

“I gha fuẹn uwa ne ivbi Izrẹl ua! De Ọmwa ne ọ ghẹ ghi sẹtin ru iyobọ ne uwa?

Levitikọs 22:8

We ne ọ ghẹ rri emiowo aranmwẹ ne ọ wu uwu ẹhi, ra ne aranmwakọn gbe. Ọ gha mu awua gie ẹe. Mẹ ọ re Nọyaẹnmwa.

Levitikọs 6:4

Ọmwa gha ru orukhọ vbenian, ọ ghi ha emwikemwi ne ọ la ekpa ibeleku miẹn nii. Ẹdẹ ne a gha miẹn wẹ ọ rri abe, ọ ghi ha obọkpa vbe a gha wa emwi nii ye ihe ugie, gbe ọmwa nii re vbe ọ gha ha ehia fo nẹ.

Emọs 8:5

Wa ghi gha tama egbe wẹẹ, “Ma gha sẹtin mudia ne irhiẹdẹ fo nẹ ma keghi ya gha khiẹnnẹ avbe ọka ima? De ẹghẹ ne Ẹdẹ Ikẹtin ra ya gberra yi ne ima miẹn ehe na suẹn emwi gha khiẹn? Ẹghẹ nii, ma ghi fian yan emwi hia, ma ghi gha ya omwa ne ọ ma gba mwa emwi, ma ghi mu esike ye vbene ọ gha ya mu emwa ni gu ima dẹlẹ emwi ru.

Maika 6:3

E Nọyaẹnmwa khare wẹẹ, “Wa ne emwa mwẹ, de emwi ne I ru uwa re. Vbe I ya khian uwa ihẹ hẹ yi? Wa zẹ mwẹ wanniẹn mwẹ.

Malakai 1:10

E Nọyaẹnmwa ne Oghodua khare wẹẹ, “Akpawẹ a miẹn ọkpa vbe uwu uwa ne ọ gha khui urho Ọgua Osa nian ne uwa ghẹ ghi miẹn ehe na ya gha hie erhẹn nọ ma maa ye Ogiukpo mwẹ. Ẹko uwa i ma mwẹ hiehiere. I i ra rhan obọ miẹn emwi ihaoko ne uwa viọ gunmwẹ.

Malakai 2:12

Te Nọyaẹnmwa gha yuo emwa ni ru egbe emwi vbenian kua hin uwu ẹbu ivbi Izrẹl rre, ne ọ ghẹ ghi vbe gie iran mwẹ oghae vbe emwi ne ẹvbo mwa do ya gha ha oko gie Nọyaẹnmwa ne Oghodua.

Malakai 2:13

Wa ghe emwi ọvbehe ne uwa vbe ru. Wa ye ameve uwa ro gue Ogiukpo Osanobua mu otọ, wa gha viẹ, wa gha kpe orhu eve rhunmwuda ighẹ e Nọyaẹnmwa i ghi rhan obọ miẹn emwi ne uwa ya ha oko gie ẹe.

Matiu 6:16

“Wẹ gha rre aguẹ, ghẹ suku aro ua vbene avbe ni zẹ imamase ru. Iran ghi sẹ ohanmwẹ ye aro vbe iran a gha khian vbe adesẹ ore ẹvbo, vbene agbọn hia gha na rẹn ighe aguẹ iran ye. Ne I tama uwa, ere ne ọ rre iran re wa vbe fo ye evba nẹ.

Matiu 6:5

“U gha na erhunmwu, ghẹ ya egbe ta avbe ni zẹ imamase ni mudia na erhunmwu vbe Ọgua ediọn kevbe ihuada ne agbọn miẹn ehe na gha dẹghe iran, Ne I tama uwa, ere ne ọ rre iran re wa vbe fo ye evba nẹ.

Diuteronomi 15:21

Sokpan a deghẹ emwi irri nii mwẹ okan, deghẹ uke nọ ra te ọ rhu aro ra deghẹ ọ mwẹ ehe ne ọ mobọ ke ẹe yi ẹre re, ghẹ ya ẹe zọ ese ne Nọyaẹnmwa Osanobua ruẹ.

I Samuẹl 2:29

Vbọzẹ ne aro uwa ghi na vbe wu ye emwi izọ ese kevbe emwi ihaoko mwẹ ne I nọ vbe obọ emwa mwẹ? Vbọzẹ ne uwẹ ne Elai na daa ne ivbi uẹ sẹ emwi ihaoko mwẹ ne I nọ vbe obọ emwa mwẹ? Vbọzẹ ne uwẹ ne Elai na daa ne ivbi uẹ sẹ imẹ vbe ne u na gie iran gha rri ehe ne ọ maa sẹ vbe emwi ne emwa ya zọ ese ghe mwẹ ya gha tii ye egbe?