Malakai 1:11 - Edo Bible (E Baibol Ẹdo) Version 1996

¹¹ Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Malakai 1:11 ပူးပေါင်းရင်းမြစ်များ

I Krọnikol 16:25

E Nọyaẹnmwa kpolo, ne a kakabọ rho nọ te a ra gha rhie uyi ne ẹẹn sẹ avbe ẹbọ hia.

Psalm 111:9

Ọ fannọ emwa rẹn yotọ ọ keghi gu iran ta ile etẹbitẹ. Ọmwa ne ọ huanrẹn kevbe ne ọ mwẹ ẹtin ọ re irẹn khin.

Psalm 113:3

Ke ahọ ya sẹ orrie wa rho eni e Nọyaẹnmwa!

Psalm 138:5

Iran gha ya emwi ne u ru so ihuan kevbe uyi ruẹ, kevbe aho ẹmwẹ ọmwa ruẹn nọkhua ba ẹre.

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Psalm 45:17

Ihuan mwẹ gha gie otiti ruẹ gha rrọ rhinrin ẹdẹ emwa hia ghi vbe gha rho ruẹ vbe ẹghẹ hia ẹdẹdẹmwẹdẹ.

Psalm 48:10

Ehe hia ọ re emwa na rho ruẹ otiti ruẹ vbe gba otọ agbọn hia ẹmwata ọ re u ya khaemwisẹ.

Psalm 48:11

Wa gie ẹko iran ni rre Zaiọn gha rhiẹnrhiẹn! Ohiẹn ẹmwata ọ re uwẹ bu, gie ọyẹnmwẹ gha sẹ emwa vbe otọe Juda hia.

Psalm 50:1

Osa ne Oghodua e Nọyaẹnmwa, guan rẹn ọ da tie otọ agbọn ke ahọ yasẹ orrie.

Psalm 65:9

U rhie maa vbene u gbe aro ghe otọe hẹ, vbene u na gie amẹ gha rhọ yọ u keghi ya ẹe gha maa ọ na vbe gha maa emwiokọ erriọ ọ re u ru ẹe.

Psalm 67:2

Ne agbọn hia miẹn ehe na rẹn iho ruẹ ne agbọn na hia miẹn ehe na rẹn imiẹnfan ruẹn.

Psalm 86:9

Uhunmwu ẹvbo ne uwẹ he yi hia, gha rre do ya uhunmwu rhanmwẹ otọ nuẹn iran gha rho ukpọlọmwẹ ruẹn.

Psalm 96:8

Wa rho eni Nọyaẹnmwa ne ọ mwẹ uyi, viọ emwi izọese rre ne uwa gha die Ọgua Osa ẹre

Aizaia 12:4

Ẹdẹ dee ne emwa gha na so ihuan vbenian, “Wa rhie ekpọnmwẹ ne Nọyaẹnmwa! Wa tu tie ẹre ne ọ do ye uwa obọ! Tama avbe uhunmwu ẹvbo hia iwinna ne ọ winna ẹn wa tama iran vbene ọ kpọlọ hẹ!

Aizaia 12:5

Wa so ihuan ghe Nọyaẹnmwa rhunmwuda iwinna nọkhua ne ọ winnaẹn wa gie otọ agbọn hia họn ẹmwẹ na.

Aizaia 19:21

E Nọyaẹnmwa gha rhie egbe ẹre ma ivbi Igipt, ẹghẹ nii, iran gha vbe miẹn irẹn kue, iran ghi vbe gha ga ẹe, iran ghi vbe gha viọ ese ne a zọ kevbe emwiokọ gie ẹe. Iran gha ye ẹkoata ve ẹre emwi, iran ghi vbe ru vbene iran ve.

Aizaia 30:27

Urria ọ re a ke bẹghe ẹtin kevbe uyi ọghe Nọyaẹnmwa. Erhẹn kevbe ighogho ọ re ọ rhie ma vbe ohu a mu ẹẹn. Ọ gha guan, ẹmwẹ ọnrẹn ghi giẹn emwi uan vbe erhẹn.

Aizaia 45:6

Te I ru ọna ne emwa hia ke okhiẹ agbọn na ya sẹ obọ nọkpa sẹtin rẹn wẹ mẹ ọrọre Nọyaẹnmwa kevbe wẹ osa ọvbehe i rrọọ.

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Aizaia 66:18

I rẹn iro ekhọe iran kevbe uyinmwẹ iran. I dee do si avbe emwa uhunmwu ẹvbo hia koko. Iran gha si kokoo nẹ, iran gha miẹn emwi ne ẹtin mwẹ gha sẹtin ru,

Jerimaia 10:6

Nọyaẹnmwa, a i miẹn ọmwa ne ọ ye vbe ruẹ; wẹ kpọlọ ẹsẹse, eni ruẹn kpọlọ, ọ vbe mwẹ ẹtin.

Jerimaia 10:7

De ọmwa ne ẹ i ra ya ọghọ ne uẹn, ọba avbe uhunmwu ẹvbo, hia? U sẹe ne a yọghọ na ọmwa ne ọ ye vbe ruẹ i rrọọ, vbe uwu avbe umẹwaẹn uhunmwu ẹvbo hia, ra vbe uwu avbe ọba iran.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Daniẹl 2:45

Wẹ miẹn vbene okuta ọkpa kpẹngiẹn vbe uhunmwu oke ne ọ yo ọkpa hẹ vbene ọmwa rhọkpa ma na ya obọ kan rẹn, kevbe vbene ọ dekun ọmwa ne a ya ematọn oze, obuẹ, esiliva kevbe igoru ma nii. Te Osanobua Nọkhua tama ruẹ emwi ne ọ gha sunu ẹdẹ nakhuẹ, Umogun. I tama ruẹn nẹ nian, emwi ne u mina miẹn zẹẹ, I vbe ta emwi ne a gele yae kha ma ruẹn nẹ.”

Emọs 9:12

Rhunmwuda ọnii, ivbi Izrẹl gha khọn mu ehe ne ọ ghi te kẹe vbe Idọm, kevbe avbe uhunmwu ẹvbo hia ni ka re ọghomwẹ dee yi vbe ẹghẹ ọkpa,” erriọ e Nọyaẹnmwa ne ọ ra gie emwi na sunu khare.

Maika 5:4

Ọ gha rre, ẹtin ne ọ ke ehe ne Nọyaẹnmwa ye rre ọre ọ ra ya gha khaemwisẹ yan emwa rẹn, deba orrirri ọba ọghe Nọyaẹnmwa Osanobua tobọ ẹre. Emwa rẹn gha rrọ vbe a i mwẹ ebe rhunmwuda, otọ agbọn hia gha miẹn ukpọlọmwẹ ọnrẹn kue.

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.

Zẹfanaia 3:9

“Ẹghẹ nii, I gha fi avbe emwa ni rre uhunmwu ẹvbo werriẹ, iran ghi do gha na erhunmwu ghe imẹ ọkpa, vbene iran i ghi na na ghe ẹbọ ọvbehe. Iran hia gha vbe gha họn ẹmwẹ mẹ.

Zẹkaraia 8:7

I gha fannọ emwa mwẹ ke ẹvbo ne a viọ iran gha rrie rre.

Malakai 1:14

Emwi ọ gha rruan ne ọ mu ọmwa ru, ne ọ ye aranmwẹ nọ ma maa zọ ese ghe mwẹ, vbe aranmwẹ esiesi ne ọ yan rẹn wẹ rẹn gha mu gunmwẹ rre uwu oghẹn ọnrẹn! Rhunmwuda, ọba nọkhua ọre imẹ, khin, te emwa ni rre uhunmwu ẹvbo hia mu ohan mwẹ.”

Malakai 3:3

Te irẹn ra do bu ohiẹn zẹ vbe ọmwa ne ọ kpe, kevbe ne ọ vbe ya esiliva khian ọgbọn. Zẹ vbene ogun ẹrọnmwọ kpe esiliva kevbe igoru, erriọ ukọ e Nọyaẹnmwa ra kpe avbe ohẹn huan ne iran miẹn ehe na gha viọ emwi ihaoko ne ọ kere gie Nọyaẹnmwa.

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Matiu 8:11

Ne I tama uwa, emwa nibun gha ke ọlarre owẹn kevbe ọlarrie owẹn rre, iran ghi gu Ebraham, kevbe Aizik kevbe Jekọb tota rri evbare vbe Arriọba ẹrinmwi.

Iyẹn ne ọ Maan Ọghe Luk 1:10

Vbe ẹghẹ na, emwa ke gbe ẹbu ye ore gha na erhunmwu vbe a giẹn eturari nii.

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Ebe ne Pọl gbẹẹn gie emwa Rom 15:16

Ọnii nọ wẹ ne I gha re ọguọmwadia Jesu Kristi ne ọ gha winna ne iran ne ẹ i re Ju. Mẹ ghi gha kpe orhu Iyẹn Ne ọ maa Osanobua zẹ vbe ohẹn, ne iran ne ẹ i re Ju sẹtin do gha re emwi izọ ese ne ọ gie Osanobua rhan obọ miẹn, kevbe ne Orhiọn Ne Ọ Huanrẹn ya fi ohan nẹẹn.

Filipai 4:18

Rhunmwuda ọnii, wa ghe ebe ọ sẹ mwẹ obọ ọghe emwi hia ne uwa he hẹ gun mwẹ, ọ wa vbe sẹ kpọ kua. Emwi ne uwa viọ ne Epafroditọs viọ gu mwẹ, sẹ mwẹ obọ nẹ nian, emwi ne I ho hia gbae. Te ena ye vbe emwi izọ ese ne ọ winhin ne a ya mu ohan gie Osanobua, emwi ne ọ yẹ ọre, ne ọ gha vbe rhan obọ miẹn.

II Tẹsalonaika 1:12

Vbe nian na ọre eni Nọyaẹnmwa gha na miẹn uyi rhie vbe obọ uwa, wa ghi vbe miẹn rhie vbe obọ irẹn, vbe ekpa ẹsọhẹ Osanobua kevbe Nọyaẹnmwa Jesu Kristi.

I Timoti 2:8

I ho ne ikpia hia gha na erhunmwu vbe ehe hia, emwa ni ye egbe yan Osanobua, emwa ni gha sẹtin viọ obọ iran da odukhunmwu vbe ne a i na mu ohu kevbe ne a i na muan ẹmwẹ.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”

Arhie Maan 5:8

Ugbẹn vbe ọ ghi wa ru vberriọ nẹ, avbe emwi ne a yi ni ma wu nii, kevbe ediọn eneyanugie nii keghi dele gbe otọ vbe odaro Oteghe Ohuan nii. Ọkpọkpa vbe uwu iran kegha mwẹ akpata kevbe avbe ọkpan igoru ne a ye eturari vuọn, ena ni re erhunmwu emwa Osanobua.