Maika 7:8 - Edo Bible (E Baibol Ẹdo) Version 1996

⁸ Emwi ne ọ gha zẹ ne eghian mwa gha na gha gbe ọvẹ yan mwa i rrọọ. Ma dele nẹ, sokpan, ma gha vbe kpaegbe. Uwu ebiebi ma ye na, sokpan Osanobua gha rhie uwanmwẹ ne ima.

Maika 7:8 ပူးပေါင်းရင်းမြစ်များ

Job 31:29

“I ma he ghọghọ vbe oghian mwẹ a gha rri oya ẹdẹ, ra ne I sẹ ọyẹnmwẹ vbe ẹbe a rruan iran,

Psalm 112:4

Te uwanmwẹ ladian vbe uwu ebiebi ne ọmwa esi, ne iran ni mwẹ itọhan, ẹnina, kevbe ẹmwata.

Psalm 143:3

Oghian mwẹ ru ọbafi mwẹ rre, obọ ẹre keghi gba mwẹ fẹẹrẹ. Ọ khui mwẹ ye uwu ẹwẹdọ ne ọ so ebiebi, te I ghi ye vbe ọmwa ne ọ wu ẹghẹ ne ọkpẹre.

Psalm 20:8

Emwa vberriọ gha rrua owẹ, iran ghi dele, sokpan ma gha kpaegbe, ma ghi mudia kpasi.

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 35:19

Ghẹ gie iran ne eghian mwẹ, avbe ọhọn ohoghe nii, ghọghọ mwẹ wẹ obọ vba mwẹ. Ghẹ gie iran ni khuiwu mwẹ vbe ai mwẹ otọ, ye igiogio gbe mwẹ ye akhiẹ mwẹ.

Psalm 37:21

Ọmwadan mọmọ emwi, sokpan ẹ i hae, sokpan, ọmwa esi ghi gha zẹ emwi obọ.

Psalm 37:24

Deghẹ iran de, iran i ra wa gha rre evba. Rhunmwuda e Nọyaẹnmwa gha silo iran kpaegbe.

Psalm 38:16

Ghẹ gie avbe eghian ye igiogio gbe usẹ ne ọ sẹ mwẹ. Ghẹ gie iran ye udemwẹ mwẹ gha rhuọ.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Psalm 97:11

Uwanmwẹ wan mu ọmwata, kevbe oghọghọ, yan ọmwa esi.

Aizaia 2:5

Banbanna nian, wa ne ivbi uniẹn e Jekọb wa gie ima gha khian vbe uwu uwanmwẹ ne Nọyaẹnmwa rhie ne ima.

Aizaia 49:9

I gha tama avbe oleghan wẹẹ, ‘Wa kpao ighẹ a fannọ uwa kua nẹ kevbe iran ni rre uwu ebiebi wẹ wa ladian gha die uwu uwanmwẹ.’

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Aizaia 9:2

Iran ni te ka khian vbe uwu ebiebi miẹn uwanmwẹ nọkhua otọe aghọnghọn ọ re iran te ye usin banbanna nian, uwanmwẹ wan yan iran.

Jerimaia 48:27

E Moab, ye rre vbene u gha ya ivbi Izrẹl gbogiẹ hẹẹ. U ke gha ru iran vbene a miẹn wẹ te a mu iran vbe uwu ẹbu otu izigan.

Jerimaia 50:11

E Nọyaẹnmwa khare wẹẹ, “Wa ne ivbi e Babilọn, wa ọ re ọ ya khọn ẹvbo mwẹ. Wa ghọghọ nian, ẹko wa vbe rhiẹnrhiẹn uwa, wa gha hẹ yo hẹ rre vbe ẹmila ne ọ wiẹn ọka ra ẹsin ne ọ ra mu.

Jerimaia 8:4

E Nọyaẹnmwa keghi tama mwẹ wẹ ne I tama avbe emwa irẹn wẹẹ, “Ọmwa gha de, ẹ i ghi kpaegbe ra? Ọmwa gha bibi odẹ, ẹ i ghi werriegbe ra?

Ezikiẹl 25:6

“Vbenian ọre Nọyaẹnmwa ne Udazi khare: Wa kpee obọ, wa na san ghe ukhunmwu ne oghọghọ. Wa keghi zan otọe Izrẹl.

Ezikiẹl 35:15

zẹ vbene uwẹ vbe ghọghọ ye ọfuan ọghe Izrẹl ne emwi obọ mwẹ. E Sẹa ne oke nọkhua, ẹn, kevbe otọe Idom hia gha dihoi rua. Ẹghẹ nii, emwa hia gha do rẹn ighe mẹ ọrọre Nọyaẹnmwa.”

Ezikiẹl 36:5

“Mẹ ne Nọyaẹnmwa ne Udazi, vbene ohu wa ya mu mwẹ ọ re I ya gu avbe ẹvbo ni yin lẹga ẹre guan, kpataki Idọm. Iran keghi ye ọpakharha kevbe a i zama ọmwa khọn otọe mwẹ, iran na vbe munọ avbe ehe ne aranmwẹ na rria ni rrọọ.

Emọs 9:11

E Nọyaẹnmwa khare wẹẹ, “Ẹdẹ dee ne I gha dọlegbe rhie arriọba e Devid ne ọ yevbe itowa nian ye ihe. I gha dọlọ ekẹn ne a gbe lẹga ẹre yi, I ghi dọlegbe rhie ẹre ye ihe. I gha dọlegbe bọ ẹe, I ghi gie ẹe do gha ye vbene ọ ka ye de yi vbe ẹghẹ nii.

Obedaia 1:12

Ọ ma te kei ne u gha gbe ọvẹ ye emwi dan ne ọ rruan etuẹn ni rre Juda. Ọ ma te ke ne ẹko gha sẹ uẹ ọyẹnmwẹ vbe ẹdẹ ne iran fuan. Ọ ma te ke ne u gha giẹ iran vbe iran miẹn usẹ.

Maika 4:10

Wa gha mannọ egbe ne uwa gha rriakọn, zẹ vbe okhuo ne ọ ra biẹ, wa ne ivbi e Jerusalẹm, rhunmwuda, te uwa ghẹ ghi kpao hin adesẹ ore rre, ne uwa ya di oha ya. Te uwa ghẹ ghi yo e Babilọn nian, sokpan, evba nii ọ re Nọyaẹnmwa ra na ya fannọ uwa ye otọ vbe ohọ eghian uwa.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Zẹkaraia 12:8

Ọ gha sẹ ẹghẹ nii, e Nọyaẹnmwa gha degue emwa ni rre Jerusalẹm sẹrriọ we ọmwa ne ọ ghi vburriẹ sẹẹ vbọ gha wegbe vba vbene Devid gha ye. Ivbi uniẹn Devid gha su iran zẹ vbe odibo Nọyaẹnmwa zẹ vbe Osanobua tobọ ẹre.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Matiu 4:16

Iran ni rre uwu ebiebi, gha miẹn uwanmwẹ nọkhua. Uwanmwẹ gha wan yan iran, ni rre otọe uwu ne ọ so ebiebi.”

Iyẹn ne ọ Maan Ọghe Jọn 16:20

Ne I ta ẹmwata ma uwa: Wa gha kpe orhu eve, wa ghi vbe gha viẹ, sokpan agbọn ghi gha ghọghọ, wa gha miẹn akhiẹ, sokpan a ya akhiẹ uwa khian oghọghọ.

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

II Kọrinti 4:9

Eghian wa bun ẹsẹse, sokpan ma i re ne ẹ i mwẹ ọse, a rhe fian ima ẹwẹn nọ da ugbẹnso, sokpan a ma miẹn ima uhunmwu.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

Arhie Maan 22:5

Asọn i ghi khian gha rrọọ ọvbehe, iran i ghi khian vbe gha gualọ ukpa ra ovẹn ne ọ yunmwu, rhunmwuda Nọyaẹnmwa ọre ọ khian gha re uwanmwẹ iran, iran gha khaemwisẹ zẹ vbe ọha ẹdẹ kevbe ẹdẹdẹmwẹdẹ.