Maika 7:4 - Edo Bible (E Baibol Ẹdo) Version 1996

⁴ Iran ni maa sẹ, kevbe ne ẹ i ru ero vbe uwu iran, te ehia wa kuogboi zẹ vbe irunmwu. Ẹdẹ ni rre nẹ ne Nọyaẹnmwa gha rri avbe emwa oya, zẹ zẹ iran ighe avbe akhasẹ tama iran ye otọ. Banbanna nian, iro han iran hia.

Maika 7:4 ပူးပေါင်းရင်းမြစ်များ

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 22:5

Ẹghẹ ulẹ ọbanban ọna khin, ẹghẹ a khọn ọmwa muotọ kevbe iro hanrẹn vbe Iya Umian, e Nọyaẹnmwa, Oghodua ne Osanobua ne Udazi, ọ re ọ ru ima ọna. Ekẹn ne a gbe lẹga ẹvbo mwa khian ne a rẹnkhẹẹn uan, utumwẹ wa bu rre kegha migbo vbe uhunmwu oke.

Aizaia 55:13

Avbe uvbiakhẹ gha wan vbe ehe ne ogigban te ye na. Ewae gha wan rhie ihe igban. Ena ghi gha re ama ni gha rrọọ ẹdẹdẹmwẹdẹ iyagbaye ọghe iwinna ne imẹ ne Nọyaẹnmwa winnaẹn.”

Jerimaia 10:15

Iran i mwẹ esa ne iran ye, te ọ kere ne a gha zan iran, a gha fuẹn iran an, vbe Nọyaẹnmwa a ghi fi iran emwi.

Jerimaia 11:23

A gha gbele avbe igbama iran vbe okuo; ohanmwẹ gha gbele ivbi iran an. I rhie ẹghẹ yọ nẹ ne I gha gie ọkhọ ya rruan ivbi Anatọt, ọ gha sẹ ẹghẹ nii, okpa ne ọ ra miẹn uhunmwu vbọ i rrọọ.”

Jerimaia 46:21

Uhin avbe ivbiyokuo ne ọ ve ẹre igho viọ ba egbe, egbe wọ ehia yotọ nẹ zẹ vbe ivbi ẹkhuia ẹmila. Iran ma kpaegbe ne iran gbinna iran hia fi iyeke gbe, iran na lẹẹ ẹdẹ ne iran ra khian rhie sotọ nẹ, ẹdẹ ne iran ra la ọrhiae rrie.

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Ezikiẹl 2:6

“Sokpan wẹ ovbi ọmwa, ghẹ gie ohan iran mu ẹẹn, ra ẹmwẹ ne iran ta. Iran gha yagha a; iran ghi fa ruẹ ua, te ọ ra yevbe ne ọmwa rre uwu ẹbu ekpakpahuangan. Sevba, ghẹ gie ohan avbe etẹ nii mu ẹẹn ra emwi ne iran a rhirhi ta.

Ezikiẹl 28:24

E Nọyaẹnmwa keghi kha wẹẹ, “Avbe ẹvbo ni lẹga Izrẹl, ọkpa ne ọ gha ye dọlegbe yevbe ogigban kevbe ọkọsọ ne ọ gha kuan Izrẹl egbe i ghi rrọ. Iran gha vbe rẹn wẹ mẹ ọrọre Nọyaẹnmwa ne Oghodua.”

Emọs 8:2

E Nọyaẹnmwa keghi nọọn wẹẹ, “Emọs, de emwi ne u bẹghe yi?” Mẹ keghi wanniẹn wẹẹ, “Okhuae ọmọ erhan.” E Nọyaẹnmwa keghi kha wẹẹ, “Ufomwẹ Izrẹl ne emwa mwẹ rre nẹ. Mẹ i ghi dọlegbe fi ekhọe werriẹ vbe ekpa oya ne I gha rri iran re.

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.

Iyẹn ne ọ Maan Ọghe Luk 21:25

“Ama gha rhiegbe ma vbe owẹn, kevbe uki kevbe avbe orhọnmwẹ. Egbe gha wọ agbọn ẹvbo ni bun vbe agbọn, ne afianma okun ni gbinna, kevbe odin amẹ ni hẹ yo hẹ rre.

Hibru 6:8

Sokpan, a deghẹ ọ zọ igban kevbe irunmwu ladian, ọ rhiae nọ, ọ mu egbe ẹre ye ne Osanobua gha na fi ẹre unu, a ghi ya erhẹn fuẹn ọnrẹn uan.