Maika 7:20 - Edo Bible (E Baibol Ẹdo) Version 1996

²⁰ Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Maika 7:20 ပူးပေါင်းရင်းမြစ်များ

Gẹnẹsis 24:27

Rẹn keghi kha wẹẹ, “Urhomwẹ nọ ne Nọyaẹnmwa, Osanobua Ebraham arowa mwẹ ne ọ wa rhie ekhọe yọ ne ọ mu eyan ne ọ yan ma arowa mwẹ sẹ. E Nọyaẹnmwa wa ma mwẹ odẹ gha die owa ọtẹn arowa mwẹ zẹẹ.”

Gẹnẹsis 32:10

Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ.

Jerimaia 33:6

Sokpan, I gha mu ẹvbo na egbe rran, kevbe emwa ni rrọọ, I ghi gie egbe rran iran. I gha rhie ọfumwegbe nọkhua kevbe ẹkun ne ọ sotọ ẹsẹse ne iran.

Diuteronomi 7:12

“Deghẹ wa gha rhie ehọ ye avbe uhi na, wa na gha ya iran ru emwi vbe ọghe ẹmwata, e Nọyaẹnmwa Osanobua gha mwẹ ahoẹmwọmwa ne ẹ i fafaa ghe uwa zẹ vbene ọ yan ma avbe erha uwa odede.

Diuteronomi 7:8

Sokpan e Nọyaẹnmwa ho ẹmwẹ uwa, ọ na wẹ rẹn gha vbe mu eyan ne ọ yan ma avbe erha uwa odede sẹ. Ọna ọ si ẹe ne ọ na ya ẹtin ẹnrẹn nọkhua miẹn uwa fan, ọ na fannọ uwa kua hin eviẹn ne uwa khin ne ọba Igipt rre.