Maika 7:19 - Edo Bible (E Baibol Ẹdo) Version 1996

¹⁹ U gha dọlegbe tohan mwa uhukpa bare. U gha ya owẹ rrilo orukhọ mwa mu otọ u ghi kpolo ẹe ku ototọ okun!

Maika 7:19 ပူးပေါင်းရင်းမြစ်များ

II Samuẹl 24:14

E Devid keghi wanniẹn, “Te I la ẹmwẹ na! Sokpan, I i ho ne emwa nagbọn rriọmwẹ oya. Gie Nọyaẹnmwa tobọ ẹre rri ima oya, rhunmwuda, ọ mwẹ itohan.”

Psalm 103:12

Zẹ vbe ne ahọ rrei ne orrie, erriọ rẹn vbe mu orukhọ mwa khian rrei ne ima.

Psalm 130:8

Ọ gha miẹn Izrẹl ne emwa rẹn fan, hin uwu orukhọ iran rre.

Psalm 85:3

u dobọ ohu ne a mu ghe iran yi, u keghi vbe gbe ibiẹ rriẹ vbe ohu ruẹ nọkhua.

Aizaia 33:24

A i ghi vbe miẹn orhiọnkpa vbe ẹvbo ima ne ọ gha kha wẹ rẹn khuọnmwi, a gha vbe ya orukhọ hia bọ ọmwa.

Aizaia 38:17

Orriara mwẹ gha fiwerriẹ khian ọfumwegbe u miẹn ẹdẹ agbọn mwẹ fan hin obọ ẹbe hia rre, u ya orukhọ mwẹ hia bọ mwẹ.

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Jerimaia 31:20

“Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Jerimaia 33:8

I gha khue iran huan hin orukhọ ne iran ru ghe mwẹ, I ghi vbe ya orukhọ kevbe isọtẹ iran bọ iran.

Jerimaia 50:20

Ọ gha sẹ ẹghẹ nii, a i ghi ra miẹn orukhọ vbe Izrẹl, ra uyinmwẹ dan vbe Juda rhunmwuda, I gha ya orukhọ bọ avbe emwa ni fi yi vbọ. Mẹ ne Nọyaẹnmwa taa ẹe nẹ.”

Eve Orriara 3:22

Aho ẹmwẹ ọmwa ne ẹ i fira kevbe itohan ọghe e Nọyaẹnmwa ye rrọọ rhinrin,

Eve Orriara 3:32

Ọ sẹtin gie ima miẹn akhiẹ sokpan ahoẹmwọmwa rẹn ghe mwa re ne aro dae kevbe ne ọ deziẹn ẹsẹse.

Ezikiẹl 18:22

A gha ya orukhọ ẹre hia bọ ẹe, ọ ghi diagbọnya rhunmwuda, ọ ru emwi ne ọ kere.

Ezikiẹl 39:29

I gha hihiẹ orhiọn mwẹ yan ivbi Izrẹl, I i ghi dọlegbe fi iyeke gbe iran ọvbehe. Mẹ ne Nọyaẹnmwa ne Udazi ọ re ọ tae.”

Daniẹl 9:24

“Ukpo ekigbesiyenẹ vbe ihe ihinrọn ọ re Osanobua bu yọ ne ọ gha na do fannọ emwa ruẹn kevbe ẹvbo ruẹ nọhuanrẹn hin obọ orukhọ kevbe ọkhọ rre. A gha ya orukhọ bọ emwa, a ghi mu ẹmwata etẹbitẹ gbọọ, ẹghẹ nii umian nii, kevbe ẹmwẹ akhasẹ nii ghi do sẹ, a ghi do do ugie ya dọlegbe rhie Ọgua Osa ye ihe.

Hozia 14:2

Wa bu e Nọyaẹnmwa werriegbe gha dee, wa gie erhunmwu na gha re emwi ne uwa gha ya ha oko gie ẹe wẹẹ, “Ya orukhọ ima hia bọ mwa, ne u vbe rhan obọ miẹn erhunmwu ima hia. Ma gha vbe rho ruẹ zẹ vbene ima yan rẹn.

Hozia 14:4

E Nọyaẹnmwa khare wẹẹ, “I gha dọlegbe si emwa mwẹ kẹ egbe. I gha ya ekhọe mwẹ hia hoẹmwẹ iran, ohu iran i ghi mu mwẹ ọvbehe.

Zẹkaraia 3:4

Odibosa nii keghi tama avbe ikuekẹn ne ọkpọmwa rẹn wẹẹ, “Wa bannọ avbe ukpọn ni gbiruẹn ne okpia na hẹ ye egbe.” Rẹn keghi vbe tama e Jọsua wẹẹ, “I viọ orukhọ ruẹ hin rre nẹ, I gha viọ ukpọn ọgbọn ne uẹn ne u hẹ ye egbe.”

Ebe ne Pọl gbẹẹn gie emwa Rom 6:14

Rhunmwuda, ọ ma kei ne orukhọ gha khaemwisẹ yan uwa, wa i rre ototọ uhi, ighẹ ototọ ẹsọhẹ ọre uwa ye.

Ebe ne Pọl gbẹẹn gie emwa Rom 8:13

Rhunmwuda, deghẹ wa wa ru vbene egbe, zẹ vbene a yi ẹe tama uwa, wa gha wulo, sokpan deghẹ wa la ekpa Orhiọn fuẹn iwinna orukhọ uwa, wa gha fe.

Diuteronomi 30:3

Ẹghẹ nii, e Nọyaẹnmwa Osanobua rua gha tohan uwa. Ọ ghi viọ uwa werriegbe ke ẹvbo ne ọ zagha uwa yi gha dee, ọ ghi dọlegbe gie agbọn ma uwa.

Diuteronomi 30:6

E Nọyaẹnmwa Osanobua rua gha rhie ekhọe ne ọ họn ẹmwẹ ne uwa kevbe avbe ivbi uwa, wa ghi ya ekhọe uwa hia kevbe orhiọn uwa hia ho ẹmwẹ ọnrẹn wa ghi vbe gha yin otọe nii khian.

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 8:12

I gha mwẹ itohan ghe abakuru iran, I i ghi ra vbe ye orukhọ iran rre ọvbehe.”

I Jọn 3:8

Ọmwaikọmwa ne ọ vbe gha ru orukhọ khian, ọghe Esu nọ, rhunmwuda, ke omuhẹn gha dee ọre Esu na ru orukhọ. Rhunmwuda ọna ọre Ovbi Osanobua na rre, ne ọ do fuẹn iwinna Esu ua.