Maika 7:16 - Edo Bible (E Baibol Ẹdo) Version 1996

¹⁶ Avbe uhunmwu ẹvbo gha miẹn ọna, iro ghi han iran vbene iran ye wegbe sẹ nii. Vbe uwu iro ne ọ han iran, iran gha koko unu gbua, iran ghi ya obọ khiọ ehọ.

Maika 7:16 ပူးပေါင်းရင်းမြစ်များ

Job 21:5

Wa tọn aro mu ghe mwẹ. Ọna ma sẹ ne ọ gha si ọbuaroua ye uwa egbe kevbe ọ gbe obọ gbe unu?

Psalm 126:2

U miẹn ogie ne ima giẹ u miẹn ihuan oghọghọ ne ima so. Ẹghẹ nii ọ re avbe uhunmwu ẹvbo nekpa na kha wẹẹ, “Nọyaẹnmwa ru emwi ne ọ kpọlọ ne iran.”

Itan 30:32

Adeghẹ u te wa kọn sẹrriọ wẹ te u ya itengbemu ziro ọkhọ, dobọyi ne u roro ẹe!

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 52:15

Sokpan, te irẹn khian gha re ọyunnuan ne avbe uhunmwu ẹvbo nibun, avbe ọba gha yan unu uan, iran i miẹn ẹmwẹ ta. Iran gha bẹghe, iran ghi vbe rẹn otọ emwi ne iran ma he rẹn ẹdẹ.”

Aizaia 66:18

I rẹn iro ekhọe iran kevbe uyinmwẹ iran. I dee do si avbe emwa uhunmwu ẹvbo hia koko. Iran gha si kokoo nẹ, iran gha miẹn emwi ne ẹtin mwẹ gha sẹtin ru,

Ezikiẹl 38:23

Vbe odẹ vbenian, I gha rhie ma avbe uhunmwu ẹvbo wẹ ọmwa ne ọ kpọlọ kevbe nọhuanrẹn ọ re imẹ khin. Ẹghẹ nii iran gha rẹn ighe mẹ ọrọre Nọyaẹnmwa.”

Maika 3:7

Iran ni ta emwi ni gha he sunu ye otọ, efaa gha rruan iran vbe ọ ma ghi sẹ vberriọ. Emwiekhue gha rruan iran rhunmwuda Osanobua ma ghi zẹ ẹmwẹ wanniẹn iran.

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Hagai 2:22

I ghi ya avbe arriọba kevbe ẹtin iran uhunmwu rhu, I gha ya avbe ikẹkẹ okuo kevbe iran ni hin iran uhunmwu rhu, avbe ẹsin gha wulo, iran ni hin iran khian gha gbele egbe ua.

Zẹkaraia 12:9

Ọ gha se ẹghẹ ne a kha na, I gha fuẹn iran an ighe ẹvboikẹvbo ne ọ ho ne ọ gu e Jerusalẹm gbinna.

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Arhie Maan 11:18

Okuosu keghi yi iran ne ni ma yayi, rhunmwuda ọsẹ ẹghẹ ne ohu ruẹ gha ya rre, ne a do bu ohiẹn iran ni wulo nẹ. Ẹghẹ sẹe ne a gha ya san, avbe akhasẹ ne eguọmwadia ruẹ ẹse, ke avbe emwa ruẹn, ni mu ohan ruẹn, ni kpọlọ kevbe ni kanmwa. Ẹghẹ sẹe ne a ya fuẹn iran an ighẹ iran ni fuẹn agbọn uan.”