Maika 7:14 - Edo Bible (E Baibol Ẹdo) Version 1996

¹⁴ Nọyaẹnmwa, gha re ne ọ su ohuan avbe emwa ruẹn, emwa ne u hannọ zẹ. A gha rhe miẹn wẹ iran ọkpa ọ ya yin fua vbe otọ ẹgbo, otọe ne ọ maa emwiokọ lẹga iran. Gie iran ya gha koko egbe iran vbe ehe ne oha ne aranmwẹ na rri evbare ne ọ mobọ maa nii, vbe Basian kevbe Giliad, zẹ vbene iran gha ru vbe ẹghẹ ne ọ kpee fua.

Maika 7:14 ပူးပေါင်းရင်းမြစ်များ

Psalm 100:3

Wa ghẹ mianmian wẹ Nọyaẹnmwa ọrọre Osanobua rẹn ọ re ọ yi ima ọghọe ọ re ima khin ma ọrọre emwa rẹn ma ọ re oghẹn ohuan rẹn.

Psalm 143:5

I ye avbe ẹdẹ ni gberra rre, mẹ vbe roro avbe emwi hia ne u he ru, I ye iwinna ruẹn hia rre.

Psalm 28:9

Miẹn emwa ruẹn fan Nọyaẹnmwa ne u vbe fiangbe emwa ni re ọwuẹ. Gha re ọsuohuan iran, ne u vbe gha gbearoghe iran ẹdẹdẹmwẹdẹ.

Psalm 95:7

Rẹn ọrọre Osanobua mwa; ma ọrọre emwa ne irẹn gbearoghe, oghẹn ohuan ne irẹn koko. Ẹdẹnẹrẹ, wa danmwehọ vbene ọ kha hẹ:

Ẹksọdọs 33:16

Vbe ne ẹmwata, de odẹ ne ọmwa gha ya rẹn wẹ ẹko ruẹ rhiẹnrhiẹn ghe emwa ruẹn kevbe imẹ. A deghẹ u lele ima gha khian mẹ kevbe emwa ruẹn ghi gha re emwa ni miẹn aro ne ọ maa sẹ emwa ọvbehe hia vbe agbọn na.”

Ihuan Ne Ọ Sọọ Ihuan Hia 4:1

A miẹn vbene u mose hẹ enida mwẹ, a miẹn vbene aro ruẹ fi hẹ wainwain. Vbe ukpọn ne u rhie gue uharo. Eto ruẹ gha bi yo bi rre vbe oghẹn ẹwe ni rhulẹ rrie ototọ oke Giliad.

Aizaia 27:13

Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.

Aizaia 35:2

Ato gha so ihuan, ọ ghi vbe gha wee ne oghọghọ; ọ ghi do gha mose zẹ vbe avbe Oke Lebanọn ọ ghi do gha ma emwiokọ zẹ vbe otọ e Kamẹl kevbe Siarọn. Agbọn hia gha miẹn ose e Nọyaẹnmwa iran gha miẹn ukpọlọmwẹ kevbe ẹtin ẹnrẹn.

Aizaia 37:24

U giee avbe eguọmwadia ruẹ, ne iran do rhuọ ma mwẹ ighẹ u ye avbe ikẹkẹ okuo ruẹ hia khọn ehe ne ọ yo sẹ vbe oke Lebanọn mu otọ nẹ. U rhuọ ma mwẹ wẹ evba nii ọ re u na tọnnọ avbe sida ni tan sẹẹ gbotọ deba avbe uvbiakhẹ ni mose sẹẹ hia, kevbe wẹ u sẹẹ ehe ne ọ ghi dinmwi sẹẹ vbe uwu ẹgbo nii.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Aizaia 65:10

Iran gha ga mwẹ, iran ghi vbe gha viọ ohuan kevbe ẹmila iran ya gha rria vbe Otọe Nọrriẹe ọghe Siarọn vbe odẹ orrie kevbe vbe Iya Orueghe vbe odẹ ahọ.

Jerimaia 49:31

‘Wa larre! Wa gie ima ya hẹrhu iran ni ro ighẹ iran i ghi rre uwu ẹbe, ẹkun sẹ iran otọ nẹ. Ẹvbo iran i mwẹ ẹkhu ne a yi yọ, ra emwi ne a ya khui ẹre, ẹi vbe mwẹ emwi ne a ya degue ọ re hiehiere.’

Eve Orriara 1:7

Itowa ne ọ rre ivbiẹ ghi nọ na Jerusalẹm do ye ẹghẹ ne ọ na rre atẹ rre. Ẹghẹ ne obọ eghian ghi na gba ẹre a ma ghi miẹn ọmwa ne ọ yi ọre obọ. Iran ni khọn mu ẹẹn keghi yae gha gbogiẹ ye ne ọna de guọghọ ua.

Eve Orriara 5:21

Dọlegbe viọ ima rriegbe Nọyaẹnmwa! Viọ ima rriegbe! Rhie uyi mwa nẹdẹ dọlegbe ye ihe.

Ezikiẹl 36:11

I gha ru ẹ ne emwa nagbọn kevbe avbe ẹmila gha muan yọ. Wa gha bun sẹẹ vbene uwa te ka ye yi, wa gha vbe biẹlẹ emọ nibun. I gha gie uwa yin evba nii vbene uwa te ka gha ye yi, I ghi vbe ru ẹe ne agbọn ma uwa sẹẹ vbene uwa ka ye yi. Ẹghẹ nii, wa gha rẹn wẹ mẹ ọrọre Nọyaẹnmwa.

Levitikọs 27:32

Vbe uwu avbe emwirri igbe, ọkpa vbọ ghi gha re ọghe Nọyaẹnmwa. A gha ka avbe emwirri, ogigbe vbọ, ọghe Nọyaẹnmwa nọ.

Emọs 9:11

E Nọyaẹnmwa khare wẹẹ, “Ẹdẹ dee ne I gha dọlegbe rhie arriọba e Devid ne ọ yevbe itowa nian ye ihe. I gha dọlọ ekẹn ne a gbe lẹga ẹre yi, I ghi dọlegbe rhie ẹre ye ihe. I gha dọlegbe bọ ẹe, I ghi gie ẹe do gha ye vbene ọ ka ye de yi vbe ẹghẹ nii.

Obedaia 1:19

Emwa ni ke odẹ ekẹn e Juda rre gha mu Idọm, iran ni ke ototọ oke odẹ orrie rre gha mu e Filistia, ivbi Izrẹl gha yan iwewe Ifreim kevbe Sameria; ivbi e Bẹnjamin gha mu e Giliad.

Maika 5:4

Ọ gha rre, ẹtin ne ọ ke ehe ne Nọyaẹnmwa ye rre ọre ọ ra ya gha khaemwisẹ yan emwa rẹn, deba orrirri ọba ọghe Nọyaẹnmwa Osanobua tobọ ẹre. Emwa rẹn gha rrọ vbe a i mwẹ ebe rhunmwuda, otọ agbọn hia gha miẹn ukpọlọmwẹ ọnrẹn kue.

Zẹfanaia 3:13

Ivbi Izrẹl ni miẹn uhunmwu vbọ i fu ọmwa, iran i ra tọlọ ọmwa, iran i ra ta ohoghe ra ne iran mu ọmwa rẹrẹ. Agbọn gha ma iran, ẹkun gha vbe sẹ iran otọ vbene iran i na mu ohan ọmwa ikọmwa.”

Zẹkaraia 10:10

I gha viọ iran ke Igipt kevbe Asiria gha die owa I ghi gbe iran ẹkun sẹ otọ vbe ẹvbo iran. I gha gbe iran ẹkun sẹ otọ vbe Giliad kevbe Lebanọn. Emwa gha vuọn otọe nii hia.

Zẹkaraia 11:7

Iran ni dẹlẹe kevbe ni vbe khiẹnnẹ avbe ohuan na, keghi rhie mwẹ vbe iwinna, mẹ keghi khian Ọsuohuan avbe ohuan ne a ra ya gbele ua. I keghi viọ ọkpọ eva mwẹ obọ, I keghi tie ọkpa vbọ “Aro ne ọ maa” kevbe nọkpa “Akugbe.” I na gha gbearoghe avbe oghẹn ohuan nii.

Malakai 3:4

Ẹghẹ nii emwi ihaoko ne ivbi e Jerusalẹm kevbe Juda, viọ gie Nọyaẹnmwa ghi gha yẹ ọre, zẹ vbene iran ka ye vbe ẹghẹ ne ọ gberra.

Nọmbas 23:9

I gha ke uhunmwu oke ni yo bẹghe iran. I gha sẹtin ke uhunmwu oke ne giẹre rhie aro lele iran. Ẹvbo ne irẹn ọkpa vbe ẹhi ẹre rrọ iran khin. Irẹnrẹn i ghẹ afiangbe iran sẹ avbe ẹvbo ọvbehe.

Nọmbas 32:1

Ẹwae ọghe Riubẹn kevbe Gad keghi wa gha mwẹ ẹmila ni bun ẹsẹse. Ugbẹn vbe iran ghi miẹn vbene otọe Jazẹ kevbe Giliad maa ne avbe ẹmila hẹ,

Matiu 2:6

“ ‘Bẹtlẹhẹm ne ọ rre Judia, wẹ i re ne ọ kanmwa sẹ, vbe ẹbu ẹvbo iriegie Judia Rhunmwuda, odọ ọwuẹ ọre ọkaolotu gha ke ladian rre ne ọ do ru arọndẹ ne Izrẹl, emwa mwẹ.’ ”

Iyẹn ne ọ Maan Ọghe Jọn 17:16

Vbene imẹ i re ọghe agbọn na, erriọ zẹẹ iran i vbe re ọghe agbọn na.

Diuteronomi 33:28

Ẹre ivbi e Jekọb na gha rrọọ vbe ọfumwegbe ọ kevbe gbe ẹkun sẹ otọ vbe otọ ne ọka kevbe ayọn na kpọ ehe ne iso na gie evbu gha tue ye otọ.