Maika 6:9 - Edo Bible (E Baibol Ẹdo) Version 1996

⁹ Emwi ẹwaẹn nọ ne a gha mu ohan e Nọyaẹnmwa. Ọ datie okpẹvbo ni wẹẹ, “Wa danmwehọ, wa ni si egbe koko vbe okpẹvbo ni!

Maika 6:9 ပူးပေါင်းရင်းမြစ်များ

II Samuẹl 21:1

Ukhunmwu nọkhua ọkpa keghi do fi vbe ẹghẹ ne Devid na gha rre ẹkete, ikpiia gbalaka ọ re ọ wa ya vbe otọ. Ẹre Devid na nọ otọ ẹre vbe obọ e Nọyaẹnmwa, e Nọyaẹnmwa keghi kha wẹẹ, “E Sọl kevbe ẹgbẹe ọre diyi izigha, ọ gbele ivbi e Gibiọn rua.”

Job 10:2

Osanobua, ghẹ bu abe gbe mwẹ, tama mwẹ, de ẹzọ ne u gunmwẹ gui yi.

Job 23:14

Ọ gha mu emwamwa ne ọ mwamwa ye otọ mẹ sẹ. Ọkpa kẹkan vbe uwu emwamwa ni bun ne ọ mwẹ ọre ọnii khin.

Job 5:17

“Afiangbe nọ ne ọmwa ne Osanobua dia ye odẹ, ọ gha guẹ gui, ghẹ khiẹkhiẹ egbe yọ.

Psalm 107:43

Wa gie avbe umẹwaẹn mu avbe emwi na roro, ne iran miẹn kue wẹ, aho ẹmwẹ ọmwa ne ẹ i beghe ọghe Nọyaẹnmwa gele rrọọ.

Psalm 48:10

Ehe hia ọ re emwa na rho ruẹ otiti ruẹ vbe gba otọ agbọn hia ẹmwata ọ re u ya khaemwisẹ.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Psalm 9:16

E Nọyaẹnmwa ye egbe ne a miẹn, vbekpa ohiẹn ẹmwata ne ọ bu. Iwinna dan ọghe emwa dan, khuẹn ifi mu iran.

Itan 22:3

Emwa ni wan gha miẹn wẹ orueghe dee, iran ghi rhie uhunmwu iran lẹre, sokpan, ọmwa ne ẹ i ro iro ghi wa ya owẹ khian larọ, ọ ghi ya gha gbe ima rẹn vbe okiekie.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 27:10

Ẹvbo ne a gbe ekẹn gaa nii khian itowa. Emwa lẹkua vbọ zẹ vbe ẹgbo ne ọ dihoi rua. Ọ khian ehe ne avbe ẹmila na rria.

Aizaia 30:27

Urria ọ re a ke bẹghe ẹtin kevbe uyi ọghe Nọyaẹnmwa. Erhẹn kevbe ighogho ọ re ọ rhie ma vbe ohu a mu ẹẹn. Ọ gha guan, ẹmwẹ ọnrẹn ghi giẹn emwi uan vbe erhẹn.

Aizaia 66:6

Wa danmwehọ o! Utumwẹ nọkhua ne ọ rre ore ẹvbo nii, owogho ne ọ rre uwu Ọgua Osa nii, utumwẹ ọghe eghian e Nọyaẹnmwa, ne Nọyaẹnmwa rri ẹre oya nọ!

Aizaia 9:13

Ivbi Izrẹl ma he ye fiwerriẹ, a gha rhe miẹn wẹ e Nọyaẹnmwa ne Oghodua rria iran ikhi nẹ, iran ma he ye werriegbe bu ẹre rre.

Jerimaia 26:18

“Ẹghẹ ne Hẹzekaia na gha re ọba e Juda, e Maika ne akhasẹ ne ovbi ẹvbo ne a tie ẹre Morẹsiẹt keghi tama emwa hia wẹ Nọyaẹnmwa ne Oghodua khare wẹẹ, “ ‘A gha gua vbe e Zaiọn zẹ vbe ugbo E Jerusalẹm gha khian ne itowa na degbe itowa oke ni ne Ọgua Osa ye gha khian ẹgbo.’

Jerimaia 26:6

Wa gha wa yin ehọ khian vberriọ, vbene I ru e Siailo ọ re I ra vbe ru Ọgua Osa na avbe uhunmwu ẹvbo ni rre otọe agbọn na hia ghi gha ya eni ẹvbo na tie ihẹn.”

Jerimaia 47:7

Sokpan, vbe ọ ghi ra ya hẹwẹ hẹẹ, vbe I waa iwinna ne ẹẹn ne ọ winna? Mẹ Ọ re ọ tama rẹn ne ọ dekun Askẹlọn, kevbe avbe emwa ni rre eghute.”

Ezikiẹl 7:9

Mẹ i ra sẹ uwa rae, ra ne I tohan uwa. I ra rria uwa ikhi ye uyinmwẹ ne ọ hu ẹko ne uwa yinrin, nu uwa miẹn ehe na rẹn wẹ mẹ ọrọre Nọyaẹnmwa kevbe wẹ, mẹ ọ re ọ rri uwa oya.”

Hozia 13:16

Te a gha rri e Sameria oya ye ne ọ na sọtẹ mwẹ. Emwa rẹn gha wulo ye okuo, a gha viọ avbe emobọ fianmwẹ otọe, a ghi va avbe ikhuohanmwẹ ẹko.”

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Emọs 2:5

rhunmwuda ọnii, I gha rhu erhẹn ye Juda I ghi vbe giẹn avbe odin e Jerusalẹm ruan.”

Emọs 6:1

U miẹn vbe ọ gha ba so uwa hẹ, wa ni wa zẹ ọwọbu vbe Zaiọn, kevbe uwa ni kha wẹ vbe nene ẹbe ke dee, ni rre Sameria, wa ne okpemwa ni rre Izrẹl ne okpẹvbo na, wa ne emwa do gha lẹ vba nọ iyobọ!

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Maika 6:10

Ẹfe ne a la odẹ dan miẹn rre uwu owa emwa dan. Iran ya omwa ne ọ ta ohoghe mwa emwi, emwi ne ọ wa sọnnọ mwẹ.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Zẹfanaia 3:2

Ọ ma danmwehọ e Nọyaẹnmwa ra ne ọ vbe rhan obọ miẹn emwi a rẹn enegbe ne ọ ma ẹre re. Ọ ma mu ẹtin ẹnrẹn yan e Nọyaẹnmwa ra ne ọ nọ ẹre iyobọ.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.