Maika 6:8 - Edo Bible (E Baibol Ẹdo) Version 1996

⁸ Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Maika 6:8 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Gẹnẹsis 5:22

Inọk keghi ye gu Osanobua gha yin vbe ukpo iyisẹn yan uri (300), ọ na yevbe biẹlẹ emọ ọvbehe

II Krọnikol 30:11

Sokpan, a keghi ye miẹn eso vbe ẹwae Asiẹ, e Manasẹ kevbe Zẹbulọn ni gha ho ne iran rrie Jerusalẹm.

II Krọnikol 32:26

Sokpan, vbe okiekie, e Hẹzekaia kevbe ivbi e Jerusalẹm keghi mu egberriotọ rhunmwuda ọnii, e Nọyaẹnmwa ma ghi rri emwa ni oya a te do miẹn wẹ Hẹzekaia wu.

II Krọnikol 33:19

Erhunmwu ne ọba naẹn, kevbe ewanniẹn ne Osanobua rhie yọ, okha ọghe avbe orukhọ ne ọ ru ọ ke fiwerriẹ — avbe emwi dan ne ọ ru, avbe aro ẹbọ kevbe amazẹ ọghe Asiẹrra ne ẹbọ ne okhuo ne ọ mannọẹn, kevbe avbe amazẹ ne ọ gha ye uhunmwu rhanmwẹ otọ na, a gbẹnnẹ ehia ye Okha Avbe Akhasẹ.

II Krọnikol 33:23

sokpan, aro irẹn ma rriotọ vbe ẹghẹikẹghẹ ne ọ vbe fiwerriẹ bu e Nọyaẹnmwa gha dee vbene erha ẹe ru, ọ keghi kakabọ ru orukhọ erha ẹe ẹsẹse.

II Krọnikol 34:27

U keghi roiro fi uyinmwẹ werriẹ, u na mu egbe rriotọ vbe odaro mwẹ, u na sọ ukpọn ye egbe ruẹ urhu, u na vbe gha viẹ, vbe u họn vbene I wẹ I gha rri e Jerusalẹm kevbe emwa ni rrọọ oya hẹẹ, I họn erhunmwu ruẹn.

Nehimaia 9:13

Vbe Oke Sainai, u ke ẹrinmwi tuorre u gu emwa ruẹn guan u keghi rhie uhi esi ne iran kevbe iruemwi ne ọ gbae. U keghi rhie Uhi ruẹ ne Mosis ne ọguọmwadia ruẹ, ne ọ viọ gie iran. Amẹ ke uwu okuta ladian vbe ohanmwẹ amẹ gbe iran.

Psalm 101:1

Ihuan mwẹ re ọghe a ya ekhọe ga kevbe ohiẹn ẹmwata, wẹ ọre imẹ so ẹe na Nọyaẹnmwa.

Psalm 112:4

Te uwanmwẹ ladian vbe uwu ebiebi ne ọmwa esi, ne iran ni mwẹ itọhan, ẹnina, kevbe ẹmwata.

Psalm 112:9

Ọ gha rhie ne ne ẹ i mwẹ wọrhọwọrhọ itohan rẹn i vbe baku ọ gha mwẹ ẹtin, a ghi vbe gha ya ọghọ ne ẹẹn.

Psalm 37:26

Ẹghẹ hia ọ re ọ ya zẹ emwi obọ, ọ ghi vbe gha rhie ne emwa mọmọ. Afiangbe ọ re ivbi ẹre khin.

Psalm 73:28

Zẹvbe ọghomwẹ, u miẹn vbe ọ rhiẹnrhiẹn hẹ ne a sikẹ Osanobua! Ne Osanobua ne Udazi gha re ọmwa ne a lẹ gbinna, kevbe ne a gha na iyẹn emwi ne ọ he ru hia!

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Aizaia 56:1

E Nọyaẹnmwa tama emwa rẹn wẹẹ, “Wa gha ru emwi ẹmwata kevbe ne ọ gbae, rhunmwuda, ẹ i ghi rrei ban I do miẹn uwa fan.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Jerimaia 22:16

Te ọ gha danmwehọ ẹzọ ovbiogue sẹ otọ emwi hia keghi maa ne ẹẹn. Ọnii ọ re a ya a rẹn e Nọyaẹnmwa kha.

Jerimaia 22:3

“Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Jerimaia 9:23

E Nọyaẹnmwa keghi kha wẹẹ, “Ọ ma kei ne iran ni wan ya ẹwaẹn iran gha rhuọ ra ne iran ni wegbe ya iwegbe iran gha rhuọ ra ne iran ni fe ya ẹfe iran gha rhuọ.

Eve Orriara 3:26

rhunmwuda ọnii, ne a ye i ziengbe diakhẹ ọre, ọ re ọ maa sẹ ne a diakhẹ ọre ne ọ miẹn ima fan —

Ezikiẹl 16:63

I gha ya emwi ne u baku ru hia bọọ. Sokpan wẹ gha ye iran rre, ekhue i ra gie uwẹ vbe rhan unu ruẹn.” E Nọyaẹnmwa ne Udazi tae nẹ.

Ezikiẹl 33:14

I sẹtin tama ọmwa dan wẹ te ọ ra wu yọ, sokpan, a deghẹ ọ dobọ emwi dan ne a ru yi, ọ na suẹn gha yin ẹse, vbe ne ọ maa,

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Hozia 12:6

Rhunmwuda ọnii nian, wa ne ivbi uniẹn e Jekọb wa mu ẹtin yan Osanobua uwa ne uwa vbe hu ẹre gha dee. Wa mudia ẹse, wa gha ru emwi ẹmwata ne uwa ya i ziengbe mudia khẹ Osanobua uwa ne ọ guan yọ.

Hozia 6:6

Ahoẹmwọmwa ne ẹ i beghe ọghe uwa ọ re I ho ighẹ ẹ i re aranmwẹ ne uwa ya zọ ẹse. Emwa mwẹ rẹn mwẹ, ọ re ọ yẹ mwẹ sẹ ne iran giẹn emwi ya zọ ese ghe mwẹ.

Levitikọs 26:41

Ne I na rhunmwuda ọnii mu aro da iran, ne I na viọ iran oghunmwu gha rrie ẹvbo eghian iran. Ọ gha sẹ okiekie, vbe a ghi vbokho avbe ivbi uwa nẹ iran mu egbe rrie otọ nẹ, ighẹ iran vbe rri oya ye orukhọ kevbe isọtẹ iran nẹ.

Emọs 5:24

Ye ihe enena, wa gie ohiẹn ẹmwata gha lẹ vbe ẹzẹ, kevbe uyinmwẹ ẹmwata zẹ vbe ẹzẹ ne ẹ i ka.

Maika 6:9

Emwi ẹwaẹn nọ ne a gha mu ohan e Nọyaẹnmwa. Ọ datie okpẹvbo ni wẹẹ, “Wa danmwehọ, wa ni si egbe koko vbe okpẹvbo ni!

Zẹfanaia 2:3

Wa fiwerriẹ bu e Nọyaẹnmwa gha dee, wa hia ni mwẹ amuegberriotọ ni rre otọe na, wa ni vbe ru vbene ọ khare. Wa gha ru vbene ọ kere, ne uwa vbe mu egbe rriotọ vbe odaro e Nọyaẹnmwa, ughaghe, ọ gha la uwa ban ighẹ irrioya nii, vbe ẹdẹ ne Nọyaẹnmwa gha rhie izohu ẹre maa.

Zẹkaraia 7:9

“Vbe ẹghẹ ne ọ kpee fua, I keghi gu avbe emwa mwẹ guan wẹẹ, ‘Wa gia miẹn wẹ vbene ọ khẹke ọ re a ru emwi yi wa ghi vbe gha tohan egbe, wa ghi gha mwẹ ẹnina egbe.

Matiu 5:3

“Ọ maa ne iran ni rẹnrẹn ighe ivbiogue iran khin vbe orhiọn, iran ọre ọ yan Arriọba ẹrinmwi!

Matiu 5:7

Ọ maa ne iran ni tohan emwa ọvbehe, Osanobua gha tohan iran!

Iyẹn ne ọ Maan Ọghe Luk 10:42

Sokpan emwi ọkpa kẹkan sẹe, Meri zẹ emwi ne ọ kere nẹ, a i ghi miẹn ẹre re ọvbehe.”

Iyẹn ne ọ Maan Ọghe Luk 11:42

“Ọ suaa, wa ne Farisi! Wa ghae avbe emwi uwọnmwẹ negiẹrẹ hia vbe ihe igbe, rhie obọkpa ne Osanobua, avbe itehie kevbe akpọkọ kevbe avbe ebe ni dekẹe hia, wa keghi yangbe ẹmwata ne a ta, kevbe ne a gha ho ẹmwẹ Osanobua. Ọ te kei ne uwa ru ena vbe ne a i na yangbe ni dekẹe.

Iyẹn ne ọ Maan Ọghe Luk 12:14

Jesu wanniẹn wẹẹ, “Ọkpia na, gha ọ rhie asẹ mẹ ne I ya gha bu ohiẹn ra ne I ya gha gha ukhu ne uwa yi?”

Iyẹn ne ọ Maan Ọghe Luk 6:36

Wa gha mwẹ itohan zẹ vbene erha uwa vbe mwẹ itohan.

Ebe ne Pọl gbẹẹn gie emwa Rom 7:16

A deghẹ ẹ i re emwi ne ọ rrọ mwẹ ekhọe ne I ru, ọre I gele ru, ọnii rhie maa ighẹ mẹ rhie obọ yọ wẹ nene uhi gbae.

Ebe ne Pọl gbẹẹn gie emwa Rom 9:20

Sokpan, vbe uwẹ a ke rre yi ọse mwẹ ne ọ zẹ azẹ wanniẹn ma Osanobua? Akhe vbe nọ ọmwa ne ọ maẹn wẹẹ, “Vbua na ma mwẹ vbenian hẹ yi?”

I Kọrinti 7:16

Vbe uwẹ a ya rẹn hẹ yi, wẹ ne amwẹ ne ọ yayi, ighẹ u i ra sẹtin miẹn ọdafọn fan? Ra wẹ ne ọdọ ne ọ yayi, vbe uwẹ ya rẹn hẹ ighẹ wẹ i ra sẹtin miẹn amwọ ọn fan?

Ẹfisọs 4:32

Sokpan, wa gha mwẹ itohan kevbe ekhọe agiẹngiẹn da egbe, wa vbe gha ya bọ egbe, zẹ vbene Osanobua vbe la ekpa Kristi yabọ uwa.

Diuteronomi 27:10

rhunmwuda ọnii, wa gha họn ẹmwẹ ne ẹẹn, ne uwa vbe gha rhie avbe uhi hia ne I viọ ne uwa ẹrẹna mwẹ.”

Diuteronomi 30:15

“Ẹdẹnẹrẹ na, I wẹ ne uwa zẹ vbọ, adeghẹ ọ ma an ne agbọn nọ, ra ọfuan kevbe uwu.

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.

II Tẹsalonaika 2:16

Te Nọyaẹnmwa Jesu Kristi tobọ ẹre, kevbe Osanobua ne Erha mwa ne ọ ho ẹmwẹ mwa, ọ keghi vbe ke uwu ẹsọhẹ ọre rhie igiẹdu etẹbitẹ ne ima, deba idaehọ ne ọ maa.

Jems 2:20

Akpa! Te u ho ne a rhie maa ruẹn wẹ, iyayi, vbe ne iwinna ina rrọọ i ghẹ ẹ i mwẹ esa.

Jọsua 24:14

“Banbanna nian khekherriọ,” wa ya uhunmwu rhanmwẹ otọ ne Nọyaẹnmwa, “ne uwa ye ẹkoata gae vbe ẹmwata. Wa mianmian avbe ẹbọ ne avbe erha uwa odede te gha ghoo vbe Mẹsopotamia kevbe Igipt ne uwa gha ga e Nọyaẹnmwa, ọkpa kẹkan.

I Pita 3:8

Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.