Maika 6:7 - Edo Bible (E Baibol Ẹdo) Version 1996

⁷ Ọ gha yẹ e Nọyaẹnmwa ra, adeghẹ I viọ ohuan arriaisẹn inu ne o khin gie ẹe ra ẹzẹ ne ẹ i ka ọghe ofigbọn oliv? Te I gha rhie ovbi mwẹ ne ọdiọn ya ha oko ne ẹẹn ra ne I ya ha osa orukhọ mwẹ?

Maika 6:7 ပူးပေါင်းရင်းမြစ်များ

II Ọba 16:3

Ọ keghi lele igiemwi avbe ọba Izrẹl, uhin ighẹ te ọ mu ovbi ẹre ne okpia ya ru ẹbọ, ọ na gha lele igiemwi osọnnọ ọghe iran ne Nọyaẹnmwa khulo kua vbe otọe nii vbe ẹghẹ ne ivbi Izrẹl na gha dee.

II Ọba 21:6

Ọ keghi ye ovbi ẹre ne okpia zọ ese ne a giẹn uan. Rẹn kegha fi iha ọ kevbe gha ru ẹbo edunna, ọ kevbe gha bọ vbe ọghe ọbo kevbe iran ni gu ẹrinmwi guan. Ọ keghi kakabọ sẹ ẹmwẹ e Nọyaẹnmwa, ọ na gie ẹe mu ohu.

II Ọba 23:10

E Josaia ne ọba kevbe rhia e Tofẹt rua, ehe ne iran na te vbe ga ẹbọ vbe Iya e Hinọm, ne ọmwa ikọmwa ghẹ ghi miẹn ehe na giẹn ovbi ẹre ne okpia ra ovbi ẹre ne okhuo rua ya zọ ese ghe e Molẹk ne ẹbọ.

II Ọba 3:27

Ọ keghi rhunmwuda onii mu ovbi ẹre ne ọdiọn ne ọ gha rriọba lele ẹe, ọ keghi gbe ẹe ye uhunmwu ekẹn ne a gbe lẹga ẹvbo nii ya zọ ese ghe ẹbọ e Moab. Ohan keghi mu ivbi Izrẹl, iran na werriegbe, iran lahin ẹvbo nii rre, iran na gha rrie ẹvbo iran.

Job 29:6

Ewẹn ẹmila kevbe ọghe ẹwe mwẹ, keghi gha la ẹsẹse, erhan oliv mwẹ kegha wan vbe otọ ne okuta ghi na bun sẹ.

Psalm 50:9

Sevba, I ma nọ uwa ẹmila ne ugbo uwa ra ẹwe vbe oghẹn emwirri rua;

Psalm 51:16

Wẹ i gualọ ese, te I gha te zọ ghe ruẹ. Ẹko ruẹ i vbe rhiẹnrhiẹn ye ese ne a giẹn uan.

Psalm 51:18

Osanobua, tohan e Zaiọn ne u yi ọre obọ, dọlegbe gbe ekẹn Jerusalẹm.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Aizaia 1:1

Ẹmwẹ ne Osanobua rhie ma Aizaia ne akhasẹ ne ovbi Amọz vbe ekpa e Juda kevbe Jerusalẹm, vbe ẹghẹ avbe ọba Uzaia, e Jotan, Ahaz kevbe Hẹzekaia ne avbe ọba e Juda, ọ re ọ rre Ebe na.

Aizaia 40:16

Avbe aranmwẹ ni rre ẹgbo Lebanọn ma sẹ ne a gha ya zọ ese uhukpa ghe Osanobua mwa, avbe erhan ma sẹ ne a gha ya hie erhẹn.

Jerimaia 19:5

Iran bọlọ Ogiukpo ne Baal ne iran na gha giẹn ivbi ran an ya gha zọ ese. Mẹ ma tama iran ne iran ru emwi na, ọ ma vbe gha rrọ mwẹ ekhọe vbe ẹghẹ ikẹ ghẹ.

Jerimaia 6:20

De emwi ne iran wẹ I ya eturari ne iran viọ ke Siẹba rre ru yi ra avbe emwi ne ọ winhin ne iran viọ ke urria rre? Mẹ i ra rhan obọ miẹn emwi ihaoko iran ra ne izọ ese iran gha yẹ mwẹ.

Jerimaia 7:31

Iran ma Ogiukpo okpa ne iran tie ẹre Tofẹt ye Iya Hinọm, ne iran miẹn ehe na gha ya ivbi iran nikpia ke nikhuo zọ ese vbe erhẹn. I ma gie iran ru emwi na, ọ ma vbe zẹdẹ gha rrọ mwẹ ekhọe hiehiere.

Ezikiẹl 23:37

Iran ghẹre, iran de izigha, iran ru ọghe vbekpa ẹbọ ne iran gho, iran de izigha vbe ne iran na gbele emọ ikpia ne iran biẹlẹ mẹ. Iran ya ivbi mwẹ emọ ikpia gha zọ ese ne ẹbọ iran.

Hozia 5:6

Iran munọ ohuan kevbe ẹmila iran ne iran ya zọ ese ghe Nọyaẹnmwa, sokpan, ẹ i ruẹ ne iran. Iran i sẹtin miẹn ọẹn rhunmwuda, rẹn kpao sẹ iran rae nẹ.

Hozia 6:6

Ahoẹmwọmwa ne ẹ i beghe ọghe uwa ọ re I ho ighẹ ẹ i re aranmwẹ ne uwa ya zọ ẹse. Emwa mwẹ rẹn mwẹ, ọ re ọ yẹ mwẹ sẹ ne iran giẹn emwi ya zọ ese ghe mwẹ.

Levitikọs 18:21

Ghẹ rhie ovbi uẹ rhọkpa ne iran ya gho ẹbọ Milkọm rhunmwuda ọnii gha yagha eni Osanobua ne ọ re Nọyaẹnmwa.

Levitikọs 20:1

E Nọyan keghi tama e Mosis,

Emọs 5:22

Wa gha viọ emwi imuohan ne a giẹn uan, kevbe ọghe ọka gunmwẹ, mẹ i ghi miẹn uwa re. Mẹ i ghi rhan obọ miẹn avbe aranmwẹ ne uwa bẹre ne uwa ya gha ha oko gunmwẹ.

Failimọn 1:12

I khian gi ẹe werriegbe bu ruẹ gha dee nian, vbene ọ dee orhiọn mwẹ lele ẹe dee.

Giọgis 11:31

I gha ke okuo nii dee, ọmwaikọmwa ne ọ ka ke owa mwẹ ladian do khian vba mwẹ, I gha giẹn ọnrẹn uan ya zọ ese nuẹn.”

Giọgis 11:39

Uki eva ghi gba nẹ, rẹn keghi dọlegbe bu erha ẹe gha dee. Rẹn keghi ru vbene ọ yan ma e Nọyaẹnmwa. Ọmọ okhuo nii keghi wu ye uvbi ne ọ ma rẹn okpia. Erriọ ọ re ọ ya suẹn vbe Izrẹl ne a na miẹn wẹẹ,

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.