Maika 6:6 - Edo Bible (E Baibol Ẹdo) Version 1996

⁶ De emwi ne imẹ gha rhie gie Nọyaẹnmwa ne Osanobua ẹrinmwi, vbe I a ra do mudia vbe odaro ẹre? Ne I mu ivbi ẹkhuia ẹmila ni maa sẹ rre ra ne a ya zọ ese ne a giẹn uan ne ẹẹn?

Maika 6:6 ပူးပေါင်းရင်းမြစ်များ

II Samuẹl 21:3

Ẹre Devid ghi na tie ivbi e Gibiọn, ọ keghi tama iran wẹẹ, “De emwi ne I gha ru ne uwa yi? I ho ne i kpe uwa oya vbe emwi ne a ru uwa re, ne uwa miẹn ehe na na erhunmwu ne emwa Osanobua.”

Psalm 116:12

De emwi ne imẹ gha rhie ne Nọyaẹnmwa rhunmwuda ẹse hia ne ọ ru mẹ?

Psalm 22:29

Emwa ni tọn egbe mu hia gha ya uhunmwu rhanmwẹ otọ ne ẹẹn. Emwa ne ọ sẹtin wu hia gha ya uhunmwu rhanmwẹ otọ ne ẹẹn.

Psalm 95:2

Wa gie a ya ekpọnmwẹ gha die odaro ẹre ne a so ihuan oghogho ọghe urhomwẹ.

Psalm 95:6

Wa larre, wa gie ima ghughẹ rre, ne a ya uhunmwu rhanmwẹ otọ ne ẹẹn, wa gie ima diguẹ ne Nọyaẹnmwa ne ayi Nọyimwa.

Ẹksọdọs 12:5

Ọkere ne ọ gha re aranmwẹ ne ọ ma bun obọ, a ma kuan ẹre egbe, ọwẹe ne ọ rre ukpo ọkpa, wa sẹtin mu ohuan ra ẹwe.

Ẹksọdọs 23:15

Vbe uki Abib, uki ne uwa na kpao hin Igipt rre, wa ghi ru emwiukpo Ebrẹd nọmahue; zẹ vbene iyi ẹre nii yi ma uwa, wa ghẹ rri ebrẹd ne ọ huere la ikpẹdẹ ihinrọn vbe ẹghẹ emwiukpo na. Omwa ikọmwa ghẹ fiabọ emwi imuohan bu mwẹ gha dee.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Aizaia 40:16

Avbe aranmwẹ ni rre ẹgbo Lebanọn ma sẹ ne a gha ya zọ ese uhukpa ghe Osanobua mwa, avbe erhan ma sẹ ne a gha ya hie erhẹn.

Jerimaia 6:20

De emwi ne iran wẹ I ya eturari ne iran viọ ke Siẹba rre ru yi ra avbe emwi ne ọ winhin ne iran viọ ke urria rre? Mẹ i ra rhan obọ miẹn emwi ihaoko iran ra ne izọ ese iran gha yẹ mwẹ.

Ezikiẹl 46:9

“Avbe emwa nii gha rre do ga e Nọyaẹnmwa vbe ẹghẹ emwiukpo, iran ni la urho odẹ okuọ la owa vbe iran dee, ghi la urho odẹ ekẹn ladian vbe iran a ghi gha ke ugamwẹ rrie owa, iran ni la urho odẹ ekẹn la owa ghi la urho odẹ okuọ gha rrie. Ọmwaikọmwa ghẹ la urho ne ọ la la owa gha rrie, sokpan urho ne ọ mu aro da ehe ne ọ la rre ọre ọ gha la rrie.

Daniẹl 3:26

Ẹre Nebukiadneza na gha rrie onurho ehe ne ogidi erhẹn nii ye, ọ da tie iran wẹẹ, “E Siedrak! Mesiak! Abẹdnigo! Eguọmwadia Osanobua ne ọ kpọlọ Sẹehia! Wa ladian gha dee!” Iran keghi ladian vbe ọwarọkpa nii.

Daniẹl 4:9

Bẹtẹsiaza ne ogiọbo, mẹ rẹnrẹn wẹ orhiọn avbe ẹbọ nihuanrẹn rre uwu uwẹ kevbe wẹ, wẹ rẹn otọ avbe emwi ọkpaodin hia. Ọna ọrọre imina ne I minaẹn, ta emwi ne a yae kha ma mwẹ.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Hozia 5:6

Iran munọ ohuan kevbe ẹmila iran ne iran ya zọ ese ghe Nọyaẹnmwa, sokpan, ẹ i ruẹ ne iran. Iran i sẹtin miẹn ọẹn rhunmwuda, rẹn kpao sẹ iran rae nẹ.

Emọs 5:22

Wa gha viọ emwi imuohan ne a giẹn uan, kevbe ọghe ọka gunmwẹ, mẹ i ghi miẹn uwa re. Mẹ i ghi rhan obọ miẹn avbe aranmwẹ ne uwa bẹre ne uwa ya gha ha oko gunmwẹ.

Matiu 19:16

Ẹghẹ ọkpa, okpia ọkpa keghi rre do nọ Jesu wẹẹ, “Ọmaemwaemwi, de emwi esi ne I gha ru ne ẹfe ne ẹ i fo gha na sẹ mwẹ obọ?”

Iyẹn ne ọ Maan Ọghe Mak 12:33

Kevbe wẹ, te ọ kere ne ọmwa gha ya ekhọe ẹre hia, ẹko ẹre hia, kevbe ẹtin ẹnrẹn hia ho ẹmwẹ Osanobua kevbe nọ ho ẹmwẹ ogieva ẹre zẹ vbe egbe ẹre. Ne a gha mu Uhi eva na sẹ ọre ọ maa sẹ ne a gha viọ aranmwẹ rre do gha giẹn vbe uhunmwu aka Ogiukpo kevbe ne a gha zọ ese ghe Osanobua.”

Iyẹn ne ọ Maan Ọghe Mak 5:7

Ọ keghi datu wẹẹ, “Jesu Ovbi Osanobua Ne Ọ Yo Sẹ, vbe ọ so mwẹ so uẹ? I ya Osanobua rinmwian, ghẹ rriọ mwẹ oya.” (

Iyẹn ne ọ Maan Ọghe Luk 10:25

Okpia ne ọ ma emwa Uhi ọkpa keghi do gualọ Jesu ẹmwẹ ne unu, ọ nọ rẹn wẹ, “Ọmamwaemwi, vbe i a gha ru ne a rrọọ etẹbitẹ miẹn ehe na sẹ mwẹ obọ?”

Iyẹn ne ọ Maan Ọghe Jọn 6:26

Jesu wanniẹn wẹẹ, “Ẹmwata ọre I tama uwa, rhunmwuda eka ne uwa re ne ọ vbe sẹ uwa ọkẹn ọre uwa na gualọ mwẹ khian ighe ẹ i re rhunmwuda ighe wa miẹn iwinna ẹtin ne I winnaẹn.

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Iwinna 16:30

Ọ keghi viọ iran ladian, ọ nọ iran wẹẹ, “Eniwanrẹn, de emwi ne I gha ru ne I miẹn ehe na miẹn imiẹnfan?”

Iwinna 2:37

Ugbẹn vbe iran họn ẹmwẹ na, orhiọn iran ma ghi sẹ otọ, iran keghi nọ Pita kevbe avbe ukọ nekpa wẹẹ, “Etẹn de emwi ne ima ghẹ ghi ru nian?”

Ẹfisọs 3:14

Rhunmwuda ọnii, ọna ọre ọ si ẹe ne I na defi igue vbe odaro Evbavba.

Hibru 10:11

Dọmwadẹ ohẹn avbe Ju, te ọ mudia winna iwinna rẹn ẹdẹgbegbe, ọ ghi vbe gha zọ ese ọkpa ni yan egbe yan egbe. Sokpan avbe izọese na i sẹtin kpe orukhọ kua.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.