Maika 6:5 - Edo Bible (E Baibol Ẹdo) Version 1996

⁵ Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Maika 6:5 ပူးပေါင်းရင်းမြစ်များ

Psalm 111:4

E Nọyaẹnmwa ma gie ima mianmian avbe iwinna ọyunnuan rẹn, ọ vuọn ne itohan kevbe ẹnina.

Psalm 143:11

Fan mwẹ ye otọ Nọyaẹnmwa, zẹ vbene u yan rẹn; vbe uwu iruemwiẹse ruẹ, yuo mwẹ hin ibaro mwẹ hia rre.

Psalm 36:10

Ye gha ho ẹmwẹ iran ni rẹn ruẹn ne u vbe gha ru iran ne ẹmwata emwi esi.

Psalm 71:19

Osanobua, ẹmwata ruẹ sẹ aro iso. Wẹ winna iwinna ọyunnuan nibun nẹ; ọmwa ne ọ ye vbe uwẹ i rrọ.

Aizaia 1:27

Rhunmwuda ighe ọmwata ọ re Nọyaẹnmwa khin, ọ gha miẹn Jerusalẹm kevbe avbe emwa ni roiro fi uyinmwẹ werriẹ vbe evba fan.

Nọmbas 22:41

Owiẹ ne ọ lelẹe, e Balak keghi rhie Balam gha rrie uhunmwu oke Bamot Bal. E Balam keghi sẹtin ke evba bẹghe eso vbe ivbi Izrẹl.

Nọmbas 23:27

E Balak keghi kha wẹẹ, “Lele mwẹ gha dee ne I rhie ruẹ gha rrie ihe ọvbehe. U gha ghe, Osanobua gha kue ne u fi iran unu mẹ ke evba gha khian.”

Nọmbas 25:1

Ivbi Izrẹl ghi bu agọ ye Ehanhan Akesia, ikpia ni rrọ kegha gu avbe ikhuo e Moab ni rre evba ru emwi.

Nọmbas 25:2

Avbe ikhuo na keghi wẹ ne avbe ikpia na do tuẹ iran vbe emwiukpo izọese, ehe ne iran na gho ẹbọ Moab. Avbe ivbi Izrẹl keghi rri evbare nii, iran na vbe ga nene ẹbọ,

Nọmbas 31:16

Wa yerre wẹ, avbe ikhuo ọre ọ ru vbene Balam khare, iran na kpikpi emwa ni ru emwi ni ma kei ghe Nọyaẹnmwa vbe Peọ. Ọnii ọ re ọ mu egboghogbogho la uwu ẹbu emwa e Nọyaẹnmwa.

Nọmbas 31:8

Kevbe avbe ọba Midian isẹn ni re Evi, Rekẹm, Zọ, Họ kevbe Reba. Iran keghi vbe gbe Balam ne ovbi Beọ.

Ẹfisọs 2:11

Wa ne a biẹlẹ ẹre emwa ne ẹ i re Ju, ne iran ne Ju tie ẹre ne ọ ma rhuẹ, iran ni tie egbe iran ne ọ rhuẹre (vbe ekpa emwi ne emwa ne agbọn ye obọ ru ye iran egbe,) wa ghi yerre emwi ne uwa te khin ẹghẹ ne ọ gberra.

Diuteronomi 16:3

Wa gha ra rri evbare na, wa ghẹ rri ebrẹd ne a ye eyist le. Wa ghi rri ebrẹd ne a ma ye eyist le la ikpẹdẹ ihinrọn, rhunmwuda ulẹ vbe okhian ọ re uwa ya lahin Igipt rre. Wa ghi rri ebrẹd na ne a gha tie ẹre evbare ọlọghọmwa, vbe ne a gha na miẹn wẹ vbe ẹdẹ agbọn uwa hia, te uwa gha ye rre, ẹdẹ ne uwa kpao vbe Igipt rre.

Diuteronomi 23:6

Ẹghẹ ne uwa gha ya gha re agbọn ẹvbo, wa ghẹ ru emwikemwi ya yi iran na obọ ra ne uwa gu iran họn ẹfe.

Diuteronomi 8:18

Wa yerre wẹ e Nọyaẹnmwa Osanobua rua, ọ re ọ rhie ẹtin ne uwa do ya fe. Ọ ru ọna rhunmwuda, ọ ho ne ọ mu ile ne ọ gu avbe erha uwa odede ta sẹ. Te irẹn wa rhie ile ni mwẹ do sẹ ẹdẹnẹrẹ na.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

Diuteronomi 9:7

“Wa ghẹ mianmian vbene uwa ya ohu mu e Nọyaẹnmwa ne Osanobua hẹ vbe uwu ato.

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 3:1

Vbe owiẹ ne ọ lelẹe, e Jọsua keghi kpaegbe ke ẹe kevbe ivbi Izrẹl hia, iran keghi si kpao hin agọ Akesia rre, iran na gha rrie Jọdan. Iran keghi si agọ bu vbe evba, iran kevbe fian ẹẹn rra.

Jọsua 4:19

Ikpẹdẹ ne ogigbe vbe uki ne ogienẹ, ne ọ re uki ne okaro, ọre emwa ni na fian Jọdan rra, iran keghi gbe agọ ye Gilgal vbe olarre owẹn Jẹriko.

II Pita 2:15

Iran kpao hin odẹ ne ọ diae rre nẹ, iran keghi bibi odẹ. Iran la odẹ ne Balam ne ovbi Bọsọ lae, ọmwa ne igho ne ọ gha sẹ ọre obọ vbe ọ gha ruemwi dan nẹ, viẹn ye ọre aro.

I Jọn 1:9

Sokpan a deghẹ ma miẹn orukhọ mwa kue ma Osanobua, rẹn gha mu eyan ọghọe sẹ, ọ ghi ru vbene ọ keyi, ọ gha ya orukhọ mwa bọ mwa, ọ ghi vbe kpe mwa hin uwu abakuru mwa hia rre.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.

Giọgis 11:25

Wẹ yayi ighẹ uwa maa sẹẹ Balak ne ovbi Zipọ ne ọba Moab? Ọ ma si Izrẹl evẹn, ohoghe nọ ra? Ọ zẹdẹ gu ima gbinna hiehiere ra?

Giọgis 5:11

Wa danmwẹ ehọ, iran ni gbe owogho vbe ọkpẹn uhae ẹmwẹ akhọnmiotọ ọghe Nọyaẹnmwa ọ re iran ta akhọnmiotọ ọghe ivbi Izrẹl, emwa e Nọyaẹnmwa keghi gbe ukpukpẹ kevbe avbe ẹvbo iran.

I Samuẹl 12:7

Banbanna nian, wa mudia ye ehe ne uwa ye ne I gu uwa gui ma e Nọyaẹnmwa vbe ekpa ne I gha na ye uwa rre iwinna nekhua ne Nọyaẹnmwa winnaẹn ya miẹn uwa kevbe avbe erha uwa odede fan.