Maika 6:16 - Edo Bible (E Baibol Ẹdo) Version 1996

¹⁶ Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Maika 6:16 ပူးပေါင်းရင်းမြစ်များ

I Ọba 18:4

ẹghẹ ne Jezibẹl na gha gbele avbe akhasẹ e Nọyaẹnmwa, Obedaia keghi viọ iyisẹn vbe uwu iran, ọ na viọ iran lẹre, ekigbesiyeha vbe uvun ọkpọkpa, ọ na gha ye amẹ vbe evbare koko iran.

I Ọba 9:8

Ọgua Osa na ghi do khian otiku ọrhiae, ọ ghi gha yan emwa hia ni la evba gberra unu an, ọ ghi gbe orrirri ku iran, iran ghi kha wẹẹ, ‘Vbọzẹ ne Nọyaẹnmwa na ru otọ na kevbe emwa na vbenian yi?’

II Ọba 16:3

Ọ keghi lele igiemwi avbe ọba Izrẹl, uhin ighẹ te ọ mu ovbi ẹre ne okpia ya ru ẹbọ, ọ na gha lele igiemwi osọnnọ ọghe iran ne Nọyaẹnmwa khulo kua vbe otọe nii vbe ẹghẹ ne ivbi Izrẹl na gha dee.

II Ọba 21:3

Ọ keghi dọlegbe bọlọ avbe aro ẹbọ Asiẹrra ne ẹbọ ne okhuo, zẹ vbene Ehab ne ọba Izrẹl vbe ru ẹe. E Manasẹ kevbe gha gho avbe orhọnmwẹ ba ẹre.

II Krọnikol 22:4

Ọ keghi sẹmwẹ e Nọyaẹnmwa, rhunmwuda, erha ẹe ghi wu nẹ, emwa ọvbehe vbe ẹgbẹe Ehab ne ọba, ọ re ọ gha bu ẹre ude ne udemwẹ ọnrẹn la rre.

II Krọnikol 34:25

Iran fi iyeke gbe mwẹ, iran keghi ya gha gho ẹbọ ẹrrẹe, iran keghi ya emwi ne iran ru na gha ya ohu mu mwẹ. Iran gua izohu mwẹ kpao ghe Jerusalẹm, emwi na a ya rọ ẹre ẹ i rrọọ.

Psalm 1:1

Afiangbe nọ ne emwa ni ma rhie ude emwa dan, ni ma lele igiemwi emwa orukhọ, ra ne iran ya egbe ba emwa ni i ka Osanobua yọ.

Psalm 44:13

Avbe ẹdogbo mwa, miẹn vbene u ru ima hẹ iran kegha ta mwa giẹ iran na gha giẹ mwa.

Psalm 44:14

U ya ima khian emwi igbogiẹ vbe uwu ẹbu agbọn ẹvbo nibun iran gha fieghe uhunmwu iran da ima vbe ọghe ozan.

Aizaia 25:8

E Nọyaẹnmwa ne Udazi gha fuẹn uwu ua ẹdẹdẹmwẹdẹ. Ọ gha khiẹn ameve hin aro emwa hia rre, ọ ghi mu efa ne ọ te rre egbe emwa rẹn vbe otọ agbọn hia hin iran egbe rre. E Nọyaẹnmwa tobọ ẹre ọ re ọ tae.

Aizaia 9:16

Iran ni su emwa na khian wa bibi iran odẹ nẹ fẹẹrẹ, iran keghi gie iro han ehia.

Jerimaia 19:8

I gha gie egbe ọkhọ vberriọ sunu vbe egbe ẹvbo na wẹ ọmwaikọmwa ne ọ rhirhi la ẹe gberra, orrirri ghi gbe ku ọre, ọ ghi yan ẹre unu uan.

Jerimaia 25:18

E Jerusalẹm kevbe avbe okpẹvbo e Juda hia, deba avbe ọba kevbe ọkaolotu iran, a ke ghi ya ne iran da vbọ, ne iran hia miẹn ehe na khian ato, ughe dan ne ọ ye egbe ku ọmwa ohiọnhiọn, ne eni iran khian na a ya tie ihẹn ne ọmwa zẹ vbene ọ ye ye do sẹ ẹdẹnẹrẹ na.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 29:18

I gha ya okuo ohanmwẹ kevbe emianmwẹ khulo iran, agbọn ẹvbo ni rre agbọn gha runran ye emwi ne iran miẹn. Ehe hia ne I zagha iran gha rrie, emwi ne ọ sunu vbe egbe iran na gha yan emwa hia ni rhirhi miẹn iran unu an. Emwa gha ya iran gha gbogiẹ, a ghi vbe gha ya eni iran tie ihen.

Jerimaia 51:51

Wa khare wẹ, a fa ima an nẹ, a keghi gie ekhue mu mwa, egbe wa wọọ mwa yotọ rhunmwuda, avbe orhunmwuyẹn mu nọ avbe ehe nọhuanrẹn vbe Ọgua Osa ya khian ọghe iran.

Jerimaia 7:24

Sokpan, iran ma họn, iran ma kue vbe zẹ yọ, sokpan, emwi ne ekhọe izevbudu kevbe ekhọe dan ne iran mwẹ tama iran, ọ re iran ru.

Eve Orriara 5:1

E Nọyaẹnmwa, ye emwi ne ọ he rruan mwa rre. Tọn aro mu ghe ima, ne u ghe vbene a fa ima an hẹ.

Ezikiẹl 39:26

Iran ghẹ ghi dọlegbe gha rre otọe iran nẹ vbe ne a i na fian afianma, vbe ne a i ghi na miẹn ọmwa ne ọ kpokpo iran orhiọn, iran gha sẹtin mian mian vbene a fa iran an hẹ vbe iran ya mwẹ maa.

Daniẹl 9:16

“Wẹ gbinna ne ima vbe ẹghẹ nọ gberra, rhunmwuda ọnii, ghẹ ghi mu ohu e Jerusalẹm ọvbehe, ẹvbo ruẹ ọre nọ, oke ruẹ nọhuanrẹn nọ. Te emwa hia ni rre avbe ẹvbo ni diake mwa ghi ya ro gbe Jerusalẹm re, kẹe kevbe avbe emwa ruẹn, rhunmwuda orukhọ mwa kevbe emwi dan ne avbe erha mwa odede ru.

Hozia 12:14

Ivbi Izrẹl wa ya ẹko e Nọyaẹnmwa kakabọ rhia, te ọ kere ne iran wulo ye orukhọ ne iran ru. E Nọyaẹnmwa ghi rri iran oya ye ne iran na si efa ye ọre egbe.

Hozia 5:11

Iran wa wọ Izrẹl uhunmwu, otọe ne ọ te re ọghe obọ ẹre, erhọkpa i ghi gue ẹe rhunmwuda, ọ keghi wa muẹn yan uhunmwu wẹ obọ emwa ne ẹ i sẹtin ru iyobọ, ọre irẹn gha na ya gha nọ iyobọ.

Maika 2:6

Emwa nii gha na iyẹn mwẹ iran wẹẹ, “Ghẹ ghi ya unu salọ ima. Ghẹ ghi talọ egbe ẹmwẹ nii. Osanobua i fa ima an.

Maika 6:13

Rhunmwuda ọnii, I suẹn a rẹnkhẹn uan kevbe ọfuan uwa nẹ, rhunmwuda orukhọ uwa.

Arhie Maan 2:20

Sokpan ẹzọ ruẹ ne I gui ọre ọna khin wẹ, u keghi rhie otọ ne khuo ni ighẹ Jezibẹl, ọmwa ne ọ tie egbe ẹre ukọ Osanobua. Rẹn gha ma avbe emwa ẹre, ọ ghi vbe gha silo iran fi uwu alama oghẹ kevbe ne iran gha rri evbare ne a ya ru ẹbọ.