Maika 6:15 - Edo Bible (E Baibol Ẹdo) Version 1996

¹⁵ “Wa gha kọ emwi, sokpan, wa i ra rhọ, wa gha minọ ofigbọn oliv, sokpan, wa i ra lo iran, wa gha ru ayọn, sokpan, wa i ra da ẹe.

Maika 6:15 ပူးပေါင်းရင်းမြစ်များ

Job 31:8

giẹ emwi fuẹn emwi okọ mwẹ hia a, ra ne emwa ọvbehe rri emwi okọ ne I kọe.

Jerimaia 12:13

Avbe emwa mwẹ kọ ọka, sokpan iran keghi ya rhọ irunmwu; iran kakabọ winna, sokpan, iran ma miẹn emwirhọkpa vbọ. Rhunmwuda ohu mwẹ ne ọ wegbe, emwiokọ iran ma maa.”

Levitikọs 26:16

I gha rri uwa oya. I gha si ọkhọ yan uwa uhunmwu, emianmwẹ ni i mwẹ ukhunmwu kevbe emwirraro ne ọ gha rhu uwa aro, kevbe ne ọ gha ya uwa gha rri ororo. Wa gha kọ emwiokọ uwa sokpan ẹ i ra ma ne uwa rhunmwuda eghian uwa gha khọn miẹn uwa otọ, iran ghi rri emwi ne uwa kọ ẹe.

Levitikọs 26:20

Ẹsọn ne uwa gha miẹn hia, ọma ọkpa i ra kọe ladian, rhunmwuda, otọ ruẹ i ra ma emwiokọ, erhan ruẹn i ra vbe mọ.

Emọs 5:11

Wa wọ avbe ivbiogue uhunmwu, wa keghi vbe do iran ọka viọ. Rhunmwuda ọnii, wa i yin owa okuta ne mose mose ne uwa bọlọe, ra na uwa da ayọn ne ọ ke ugbo azara ne uwa gbe rre.

Habakọk 3:17

A gha rhe miẹn ighẹ avbe erhan ohọ i mwẹ ọmọ, kevbe wẹ alimo ayọn i rre uhunmwu erhan azara, a gha rhe miẹn wẹ oliv ma maa, I ghẹ ugbo ma maa ọka, a gha rhe miẹn wẹ avbe ohuan hia wulo, i ghẹ ẹmila rhọkpa i rre irhu.

Zẹfanaia 1:13

Emwa gha fu iran emwi viọ, a gha dunmwu owa iran an. Iran i yin owa ne iran bọlọe ra ne iran da ayọn vbe ọghe ugbo azara ne iran gbee.”

Hagai 1:6

Wa kọ ọka ọrhẹnrhẹn, sokpan ekherhe wa miẹn fian. Wa miẹn evbare gha re sokpan ẹ i vuọn uwa ẹko. Wa miẹn ayọn gha da, sokpan ọ ma sẹ ọkẹn sẹ ne ọ gha gbe uwa. Wa mwẹ ukpọn, sokpan, ẹ i gbe uwa oni. Ọmwa ne ọ winna, igho ne ọ miẹn i sẹ ọe ya koko egbe.

Iyẹn ne ọ Maan Ọghe Jọn 4:37

Rhunmwuda, itan ẹmwata nọ wẹ, ‘Ne ọ kọ emwiokọ, u ghaẹn, ne ọ rhọ ọre ughaẹn.’

Giọgis 6:4

Iran ghi bu agọ ye otọe nii, iran ghi rhia emwiokọ ni rrọọ hia a rhinrin ya sẹ ọkpẹn e Gaza. Iran i ghi sẹ emwi rhọkpa rae ne ivbi Izrẹl ya gha gaga egbe koko ẹmila ọkpa ra ohuan ọkpa ra ekẹtẹkẹtẹ ọkpa.