Maika 6:14 - Edo Bible (E Baibol Ẹdo) Version 1996

¹⁴ Wa gha rri evbare sokpan ẹko i ra vuọn uwa, vbe ẹmwata, ohanmwẹ ghi ye gha gbe uwa. Wa gha viọ emwi gha rrie, sokpan wa i ra gua dọlọ ẹe yi. Avbe emwi ne uwa gua ra dọlọ yi, I gha ye okuo fuẹn ehia a.

Maika 6:14 ပူးပေါင်းရင်းမြစ်များ

Aizaia 30:6

Ọna ọre uhunmwu ne Osanobua gie vbekpa avbe aranmwẹ ni rre ato odẹ ekẹn: “Avbe ukọ nii khian la ẹvbo dan ne avbe oduma ye kevbe avbe ẹyẹn ni mwẹ obi dan kevbe avbe Ugbogiorinmwi ni tin. Iran keghi kun emwiokọ ighobioye vuọn ekẹtẹkẹtẹ kevbe kamẹl iran ne a viọ gie uhunmwu ẹvbo ne ẹ i mwẹ iyobọ ne ọ gha sẹtin ru.

Aizaia 65:13

Mẹ ke ghi rhunmwuda ọnii tama uwa wẹ iran ni ga mwẹ, iran na vbe gha hẹnmwẹ mẹ, gha miẹn gha re, kevbe gha da ọwọrhọwọrhọ, sokpan, ohanmwẹ gha gbe uwa, ovbamẹ ghi vbe gha gbe uwa. Ẹko gha sẹ iran ọyẹnmwẹ sokpan, wa gha fa egbua.

Aizaia 9:20

Vbe otọe nii hia, evbare ne emwa a rhirhi miẹn ọ re iran gha gua rhie, iran ghi vbe gha rri ọe sokpan, ẹko i vuọn iran. Uhin ighe te iran ra gha gbele ivbi iran re.

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Ezikiẹl 5:12

A gha wa uwa ye ihe eha, ohanmwẹ kevbe emianmwẹ gha gbele obọkpa vbọ ye adesẹ ore ẹvbo, a gha ya umozo giagia obọkpa vbọ ye vbe a ladian ore ẹvbo ne, I gha zagha obọkpa ne ọ ghi kẹe vbọ ku ẹhoho, I ghi ya umozo gha khulo iran khian.

Hozia 4:10

Wa gha rri oghae ne ọ kan uwa vbe emwi ne a ya zọ ese, ohanmwẹ ghi ye gha gbe uwa. Wa gha ga avbe ẹbọ ni rhie ọmọ rre, sevba wa i ra ye miẹn ọmọ biẹ, rhunmwuda, wa fi iyeke gbe mwẹ, wa keghi ya gha gho ẹbọ ọvbehe.”

Levitikọs 26:26

I gha gbe odẹ ehe ne a la viọ evbare gie uwa sẹrriọ wẹ aroewu ọkpa gha sẹ ikhuo igbe na le ebrẹd hia ne iran mwẹ, iran ghi ghae ẹre umwọmwẹ, wa gha ghi rri ọe fo nẹ, ohanmwẹ ghi ye gha gbe uwa.

Hagai 1:6

Wa kọ ọka ọrhẹnrhẹn, sokpan ekherhe wa miẹn fian. Wa miẹn evbare gha re sokpan ẹ i vuọn uwa ẹko. Wa miẹn ayọn gha da, sokpan ọ ma sẹ ọkẹn sẹ ne ọ gha gbe uwa. Wa mwẹ ukpọn, sokpan, ẹ i gbe uwa oni. Ọmwa ne ọ winna, igho ne ọ miẹn i sẹ ọe ya koko egbe.

Hagai 2:16

wa ghi kpao gha rrie ehe ne a si ọka gbo yi, ne uwa na rhie aro ye agban ugie, sokpan, igbe kẹkan ọ re uwa miẹn vbọ. Wa ghi wẹ wa ra sa egalọn ayọn ekigbesiyeha vbe ẹgbẹdin nọkhua, sokpan wa ghi miẹn ugie kẹkan vbọ.